لحظات غريبة بين اثنين ...خلقت الحب في قلبين ارجو التثبيت

كانت فرحانه صج .. كانت صج مستانسه .. شافها وهي تناقز يمين وشمال .. في المجمعات ..وتشتري كل شي يعجبها ولا هامها هالفلوس اللي تعب فيهاا ..
خالد ـ بدور .. خل نطلع من هالمولات قبل لا أفلس ..
بدور ـ حرام خالد .. خل نستانس ..
خالد ـ عمري .. صار لنا أسبوع هنا .. وأكثر شي سويناه هو الحواطه في المولات .. ماتعبتي ؟؟ جدامنا ست شهور .. لا تملين بسرعه ..
بدور ـ أميركا تنمل وبسرعه ؟؟ مستحييييل أغرب الأشياء موجوده هنا .. تعال نتمشى ..
خالد ـ تعبت من جو المدينه .. وقبل لاتبدأ دراستي . خل نتمشى في الأرياف وعلى البحر ..
بدور ـ نترك هالحضارة ونروح للمستنقعات .؟؟ نو واي ..
خالد ـ زين أنا ريولي تعبت .. نروح ندور لنا مطعم نآكل فيه ..
بدور ـ زين .. بس نرجع بعدين ..
خالد ـ امشي .. وليش ما تلبسين الحجاب ؟؟ ليسه مخليته كنه شال ؟
بدور ـ خالد .. إذا لبسته الكل يبحلق فيني .. أنا حاطته على راسي .. وهذا كافي ..
عصب خالد .. بدور الظاهر ما عندها أي التزام .. بس كان يحبها .. أي يحب البدور .. كانت تسليه وايد وتضحك دايم معاه .. وتفهمه بسرعه مايحتاج مدرسين علشان يشرح لها موقفه .. (والا كانت تتظاهر أنها تفهم وهي ماتعرف شالسالفه .. بس هالشي بعد حلو (
خالد ـ وين غبتي ؟؟
بدور ـ كنت أتفرج على هالبوت .. عاجبني وايد ..
خالد ـ تعالي أعتقد اشتريتي ثلاث منه .. امشي المطعم موب بعيد ..
تمشوا في الشوارع الزحمة ...كانت ماسكه يده وتبتسم ..
خالد ـ شمناسبة هالابتسامة ؟؟
بدور ـ بس .. مستانسه ..كان حلم حياتي أيي هنا أامريكا .. وأتمشى فيها وأنا فرحانه ..
خالد ـ زين .. على الأقل أنج مستانسه ..
بدور ـ ما كنت أتخيل أني أتزوج بهالسرعة ..
خالد ـ صحيح ؟؟
بدور ـ خالد لاتسكت ...أرجوك .. ما تلاحظ أني أنا كله أتكلم؟
خالد ـ شتبيني أقول ..
بدور ـ تكلم عن كل شي .. كل شي .. شيعجبك من مايعجبك ششعورك ؟؟ شتفكر فيه ؟؟ شودك تسوي ؟؟ لاتسكت ..
خالد ـ حاليا ريولي تعورني والمطعم بعيد ..
بدور ـ شرايك نروح مكدونالد؟
خالد ـ ما أحب أكل مكدونالد ..
بدور ـ بيتزا .. في بيتزا للنباتيين .. وأنا أحبها ..
خالد ـ وين هاذي؟
بدور ـ ما أدري .. ههههههههههه ..
خالد ـ قربنا من المطعم .. امشي نآكل ..
بدور ـ اعجبتك ملابسي؟
خالد ـ وايد حلوة ,,حبيت الجاكيتات اللي اشتريتيها ..
بدور ـ صج؟ توقعتك تكرهها ..
طالع خالد بدور اللي كانت مطلعه شي من شعرها على ويهها وصابغته بلون فاتح وايد .. ولابسه جاكيت طويل بيج تحته تنورة طويله وبوت بني ..ولابسه نظارة بيجيه ..
خالد ـ شفيج على البيج كل شي لابسته بيج؟
بدور ـ احب هاللون .. حلو علي ...
كان حلو عليها خصوصا ان بشرتها قمحيه ...وماشيه مع اللون ..
***********
رن التلفون عند رآسها ..
ـ ألو ..
قمر ـ هاي ..
دانه ـ أهلين ..
قمر ـ عمتي بتروحين الليلة ليلة الحنا ؟؟
دانه ـ اييه ..
قمر ـ أمرج .
دانه ـ لا ..
قمر ـ اوكي ..
ليلى االليلة بتتحنى ,, حست الدانه بضيج ..لانها ماطلعت من غرفتها طول هالاسبوع الا لحظات بسيطه ..
شافت ويهها في المنظرة ..هالهالات السود حول عيونها وهالتعب اللي مبين في ويهها ..
حطت شوي باودر .. وشوي كحل .. وطلعت لابسه عباتها من الغرفة .. لبيت ليلى .. .تذكرت خالد ولد اخوها.. لما شافتها آخر مرة يوم العرس .. كان صج شكله تعبان .. هانت ... بكره يسافرون برا .. ويكمل علاجه ..
رن تلفونها ..
حمد ـ عمتي .
دانه ـ هلا حمد ..
حمد ـ وين أنتي الحين ؟
دانه ـ انا في الهلتون .. وين يعني بروح ليلة الحنا ..
حمد ـ زين أنا متضايق .. وين أروح ؟؟
دانه ـ حمد .. حبيبي .. اطلع وتمشا .. حط بالك على عمرك . .. هذا عرس أخوك ..
حمد ـ دانه .. شقول لبوي ؟؟ عن سفري بكره ؟
دانه ـ لاتسافر بكره .. سافر اللي بعده..
حمد ـ أنا ما حجزت لين هالحين .. شكلي بروح بعدهم بيومين ..
دانه ـ حل مناسب .. شخبارك؟
حمد ـ توني قلت لج كل شي .. تبيني أعيد ؟؟
دانه ـ وحسن وينه ؟؟ وصالح ومشعل وسلمان ؟؟ وين هالشيوخ ؟
حمد ـ قبل كانت الشقة هي اللي تجمعنا .. الحين .. كل واحد مادري عن الثاني ..
دانه ـ وبوك شخباره ؟
حمد ـ يسأل عنج .. يقول أسبوعين ما شافج ..
دانه ـ انشاء الله أشوفه باجر . تآمر على شي ؟؟
حمد ـ لاسلامتج . مع السلامة .
حست الدانه بضيق حمد.. وزاد ضيقها زياده .. هالأسبوع ..بالنسبة لها كان حجيم من المعاناة النفسية .. كانت شايله هم خالد وليلى .. وشايله هم ضاحي وهي ..وتتهرب من أسئلة قمر الكثيرة .. وزادها هالحين المسكين حمد .. المسكين .. شكله ضايق صج..
******************
بدور ـ الأكل عجيب .........
خالد ـ أول مرة يعجبج الأكل .. ماعجبج أول الأيام ..
بدور ـ شوف هالبنت .. تقريبا موب لابسه ثوب ..
خالد ـ ما أحب أتفرج ..
بدور ـ اييه .. حبيبي .. كون جي دايم .. لاتناظر البنات .. وأنا كنت أقص عليك .. مافي أي بنت جيه ..
خالد ـ أدري .. لأن هالمطعم راقي .. ومايدخل إلا ببدله رسمية وملابس محترمة لليدي ..
ضحكت بدور ..
ـ والله أنك موب هين ..
خالد ـ متى بنطلع من الفندق ؟؟
بدور ـ متى ما تبي ..
خالد ـ شي واحد يخليني متعاجز .. شنطج الكثيرة ..
ضحكت بدور ـ حنا هنا لست شهور موب ليومين .. هذي الأشياء كلها بحتاجها ..
خالد ـ بس أنا بلتزم بدراستي .. وبننحبس في البيت طول الوقت .
بدور ـ حشى مصري ..
خالد ـ صدقيني يا بدور .. أنا من النوع اللي لامسكت وركزت في كتاب ما أهده لو انطبقت الدنيا على الأرض ..ولا شلون برايج صرت طبيب ؟؟
بدور ـ لاتقول .. بننحبس في البيت ؟؟
خالد ـ لا .. مو دايم . أوعدج أني أحاول أفضى لج دايم ..
بدور ـ بكره ..بكره هو ؟؟ أييه بكره عرس ولد عمي خالد ..
خالد ـ ولد ناصر ؟
بدور ـ اييه.. كان ودي أحضر أشوف زوجته .. كانت معانا في المدرسة .. تصدق أنا وعمتي وولد عمي في نفس السنة تزوجنا ؟؟ وووووووناسه ..
خالد ـ اييه ..
بدور ـ خالد .. متى بتقول لي كلام حب ؟؟
خالد ـ لما أتعلمه وأحفظه .. هههههههههه ..
ماعجب بدور هالكلام ـ ما أدري ليش يتخيل لي دايم أني أرمي نفسي عليك .. أحس أني .. جليلة حيا ..
ابتسم خالد ـ واي أنتي .. ههههههههههه
ابتسمت بدور ..
***********************
ليلى ـ يا عمري .. يالدانه ..
الدانه ـ يعني أتخيله هالحين وأنا في قمة أحزاني مع حبيبته ولا زوجته يستانس عندها وحاذفني هنا ولا كرسي قديم .. ولا طاوله مالها داعي ..
ليلى ـ هدي يالدانه .. هدي أعصابج .
دانه ـ ما أقدر .. خلاص كل شي تراكم كل شي صار أسود.. ما أقدر أتنفس .. قلبي مهموم بخالد .. وعمليته.. وأفكاري ..كلها لو رجع ضاحي وطلقني.. وين أروح؟ بيت مين ؟؟ بيت تايف مستحيل .. أنا طالعه من هناك مطروده.. واذا طلقني اخوها بتزيد الكراهيه .. بيت ناصر .. ناصر بس يسمع كلمة طلاق يشوتني برا ويتبرى مني .. سعود ولا ثامر ؟؟ اذا وجودهم في حياتي عدم .. شلون بكون في حياتهم ؟؟
انهارت الدانه بدموعها ..
ليلى حضنتها .. وحاولت تهديها ..
ليلى ـ آآآآآآه يالدانه . ..يا قلبي .. شكثر تعانين ولاحد حاس فيج ..
دانه ـ أدري أن هذا ليله الحنا .. بس ماقدرت يا ليلى أكتم اللي في قلبي ..
ليلى ـ أي ليله حنا الله يهداج ..أنا وأنتي نعرف زين اللي في القلوب .. نعرف بالضبط اللي بنواجهه بكره من مصايب ..ومشاكل .. بس انتي حافظي على دعائج لله .. ان تنفرج كل هالمآسي ..
ماقدرت دانه تمسك دموعها أكثر .. وانهارت في حضن ليلىة الي كانت ماسكه عمرها .. بس انهارتن هي الثانية .. وتموا يبجون خوف من امستقبل مظلم جدامهم .
كانت ليلى محتاجة تفرغ اللي في قلبها من دموع علشان ما تتراكم وراها دموع أقوى ..
رجعت دانه للبيت بعد ليلة الحنا وهي مهمومة .. وكملت دموعها .. على مخدتها .. ما قدرت تكتم .. طول الليل تبجي .. قامت وتوضت وصلت ركعتين وتمت تدعي الله أن يفرج كربتها ويقوم خالد بالسلامة ..
تقريبا الليل كله كانت تدعي وتصيح ..
******************
كانت لابسه فستان أسود .. ومكياج خفيف .. ورفعت شعرها في تسريحه بسيطه ..
كانت الأغاني تدور .. والبنات مسوين عروض تحدي بين بعض ..
ما يات ليلى لين هالحين .. كانت دانه يالسه على الطاولة المخصصة للأهل وهي تنتظر .. كان ودها تشوف خالد.. لكنه طلع من الصبح .. كانت قمر بأحلى طلة ..وبنات ناصر الصغار ماشاء الله عليهم لهم نصيب في الجمال .. كانت دانه ماسكة بيدها قلاس عصير وتتفرج.. وكالعادة منيرة آخر صرعه.. لابسه فستان فوشي.. وطالعه كنها أخت قمر موب أمها ..
هناء في عرس ولدها البست ثوب من الشك اليدوي المذهب الغالي.. والبست الشيله والبطولة .. وكحلت عيونها .. كان الجو وايد حلو .. والطقاقات والنقوط كان صج متعوب عليه ..
منيرة ـ ماتقومين ترقصين يالدانه ؟
دانه ـ ماقدر .. تعبانه شوي ..
منيرة ـ لايكون حامل ؟؟
دانه ـ لا .. تو الناس .. مأجل هالفكرة شوي ..
منيرة ـ عيل قومي ارقصي .. وشاللون اللي لابسته ؟؟ شنو ماعندج فلوس تشترين فستان راهي ؟؟
دانه ـ عندي .. بس أنا حبيت هالفستان ..
منيرة ـ ماعندج سالفة ..
حست دانه صج أن ماعندها سالفة .. لو شافها خالد بيزعل أنها لابسة هالفستان..
ركضت لقمر ..
قمر ـ هلا عمة .
دانه ـ يبتي فستانج الثاني ..
قمر ـ اييه يبته على الفاضي .. .. قلت أبدل .. بس الكوافيره حماره مارضت تضبل علشان تغير اللوك ..
دانه ـ خلاص .. عطيني اياه ألبسه .. شلونه؟
قمر ـ بتغطين علي يا عمتي .. لونه أحمر لون دم الغزال .. ماشي مع مكياجج .. بساعدج في لبسه ..
دخلت لغرفة التبديل وبدلت الفستان . اللي كان ملبيان أشرطة .. بس شكله صج راهي ..
قمر ـ نزلي شعرج ...
دانه ـ ........ اوكي نزليه ..
فتحت دانه شعرها .. وكان مرتب وايد .. وطلعت فله ..
ضبطت لها قمر شوي لمسات .. وطلعوا للناس .. اللي انبهروا بشكل دانه .. قمر كانت لابسه فستان كوكتيل فيروزي وايد راهي وحلو ..وقصير شوي من جدام .. والمكياج مطلعها حلوة وايد ..
منيرة ـ اييه .. جيبه .. على الأقل الناس تقول مرت ضاحي حلوة شوي ولو بثوب قمر ..
قمر ـ يمه عمتي ماشاءالله تهبل .. و هي اللي محليه الثوب موب الثوب محليها ..
كان الأحمر طالع صارخ بالنسبة لبشرتها الببضا ..ومخليها جنان .. دانه بينها وبين نفسها كانت تهدي نفسها .. وتحاول أنها ترقص .. علشان خالد وليلى.. وكانت فكرة غلط يوم البست اللون الأسود الساده ..
ارقصت خفيف مع قمر .. وشوي شوي رقصة تجر رقصة .. خصوصا أن معظم رفيجاتهم موجودات .. وكانوا يموتون على ليلى .. وناطرينها على نار .. وارقصوا بنات وايد ..
رن جوال الدانه .. كانت أم ليلى تقول لها أن ليلى وصلت .. طالعت دانه الساعة كانت عشر ونص ..
وعلى موسيقى هاديه
اخطي بخطوة غالية يالليل الهادي ..
اخطي بقلوب الناس وغلاهم لج وفرحهم ..
اخطي بحفظ ربي يا روعة أعيادي ..
يا أحلى عروس يا أجمل وأحلى وردهم ..
يحفظج ربي يالزين عن عين الحساد..
يحفظج يا غالية دوم بسلامة وسط قلبهم ..
ياليلى يالعذبة ياساكنة بالقلب والفؤاد ...
ربي يسعدج في ظل خالد بعيد عن عينهم .
كانت ليلى تدخل بهدوء وشكلها كان صج روعة فستانها كان وايد حلو كوكتيل مع شرايط على اليدين .. وكانت منزلة راسها شوي.. ومع الشعر.. كان دخولها صج رومنسي .. والورد اللي يحذفونه خزاتها جدامها .. استانست الدانه .. مهما كان اللي يخبيه بكره .. مالازم نخليه يسيطر على فرحتنا اليوم ..
كانت هناء صج مستانسة .. لان شكل ليلى كان وايد روعه ..
بعد ما اوصلت ليلى لكرسيها وارتاحت من بحلقة الحريم فيها .. ابتدت منافسة الرقص .. وكل البنات من بينهم قمر كانوا كله يباركون لليلى ويرقصون لها ..
طلعت دانه .. تبارك لليلى ..
ليلى ـ بغيت أصيح لما شفت مفاجئتج ..
دانه ـ محاولة فاشلة .. أتمنى تكون أعجبتج؟؟
ليلى ـ الشعر يجنن .. يجنن .. وكانت الموسيقى اللي معاه واللي يلقيه صج مسوين جو ..
دانه ـ هذا مشروع من زمان فكرت فيه .. أتمنى أعجبتج هديتي ..
ليلى ـ لا تمنين علي فيها .. بس خذي لاشريط وعطيه أمي تحطه بين أغراضي.. كانت أحلى هدية أهداني اياها حد .
دانه ـ عن الجذب .. موب كانت القلادة اللي اعطاج اياها خالد أحلى هدية ..
اكتبت دانه هالأبيات تهديها لليلى .. حبت تكون دخلتها غير .. شي يليق بها .. لقت وايد أشعار للزفات بسم ليلى .. بس حبتها تكون خاصة بليلى بس .. فألفت لها هالأبيات البسيطة . .. رقصت دانه مع البنات ..
وبعد ساعة وربع دخلوا الرياييل .. كانوا أهل ليلى وناصر وخالد وكل خوانه طلعوا أهل ليلى .. فصعدت دانه وسلمت على خالد .. وهي كاتمة دمعتها غصب ..كان ويهه شاحب شوي .. ماقدرت تضمه حيل ..
خالد ـ فضحتيني يالحمارة ..
دانه ـ خلودي .. لاتنسى شسويت يوم عرسي .

خالد ـ شكلج وايد حلو ..
حذفت دانه العباة .. وحطت الشيلة على كتوفها ورقصت مع الشباب عيال أخوانها ..
حسن ـ ماشاء الله يا دانه .. تطيحين القمر من السما ..
دانه ـ استح ..
حسن ـ أيووه يالأحمر ..
كان الوحيد اللي وقف مكتئب هو حمد .. راحت له الدانه ..وهمست في أذنه ..
))موب كل يوم يعرس خالد ..افرد هالويهه ((
ابتسم حمد .. لما رقصت دانه جنبه ..
وهمست مرة ثانية )) البنات كلهم يطالعونك ..يقووولون من هالشي الحليوه))
حمد ـ لا ..احذفيني من القائمة .. مافي زواج .
دانه ـ متأكد ؟؟
طلعوا الشباب .. وتم خالد مع زوجته يصورون .. صورت معاهم الدانه ..
قمر ـ شكنت تقولين لحمد ؟
دانه ماكان لها خلق لأسئلة قمر ـ قلت له متى تخطب قمر؟؟
عصبت قمر وراحت بعيد عن دانه ..
ما قدرت تمسح دموعها وهي تودع خالد وليلى اللي طيارتهم الفجر ..
لاول مرة تكسر خاطرها هناء .. المسكينه الفرحانه وهي ماتدري شالسالفة .. بس هذا كان أحسن الحلول ..بدل ما يعيش خالد هله في حيرة ووألم .خلى السالفة بكتمان .. علشان محد يشيل همه . وهناء وناصر رغم مساوؤهم .. بس عندهم أولادهم بالدنيا .. ومرة بغى ناصر يروح فيها علشان حادث صار لحمد ..طلع منه الأخير بسلامة .
****************************
رجعت الفجر .. وكانت صج في حالة هلاك من الصياح والبجي .. وصلتها منيرة وراحت ..
وخشمها وايد أحمر وعيونها بعد .. طلعت على طول للطابق الثاني ..
طلع من غرفة ..
ـ امم ريحة البخور غاوية ..
وقفت دانه وهي تحاول تمسك أنفاسها ..
ـ الله على الأحمر .. جنان .
حاولت دانه تغطي فستانها بعباتها .. وحست أن شعرها طلع من ربكتها فدخلته ..
ـ فيصل تبي شي ؟؟
فيصل ـ قلاس جاي ..
دانه ـ الخدامة يت معاي .. وهي تحت اطلب منها .. عن اذنك ..
ـ بسألج سؤال ..
دانه ـ نعم ؟
فيصل قرب منها وهي حاولت تبعد عنه ..
فيصل ـ شيعجبج في ضاحي ؟؟؟
ابعدت دانه أكثر ..
ـ ما أعتقد يخصك ..
فيصل ـ الأحمر يينن عليج .. طالعه ..
دانه ـ عن اذنك ..
كملت دانه طريجها لغرفتها واستغربت أن الباب مفتوح ..
وانصدمت لما لقت ضاحي واقف .. وشافت نظرات غضب مو طبيعيه في عيونه ..
دانه ـ ييت متى ؟؟
ضاحي ـ أكيد قبلج بوايد ..
صكرت دانه الباب وقطت العباة على الكرسي .. وفردت شعرها ودخلت غرفتها ولحقها ضاحي ..
ـ ولج عين ..
دانه ما ردت .. مسكت المشط ومشطت فيه شعرها ..
ضاحي ـ ردي علي .. شتسوين؟؟
دانه ـ ماتشوفني أمشط شعري ؟؟
عصب ضاحي عليها وحست دانه بعصبيته وقررت تتجاهله ...
لكنها تفاجئت بيد تمسك شعرها بقوة و.............
هزتها الصدمة لما شافت شعرها بين يدينه .. رفعت يدها تمسكه .. ماكان موجود..حذف شعرها على الأرض .. تناثر شعرها الطويل على الأرض .. أخرستها الصدمة .. ودموعها جرت على خدودها بدون رادع ..
حاولت تنطق .. بس ماقدرت ..
ضاحي ـ ايش كنتي تسوين ويا فيصل ؟؟؟
دانه نطقت بعد جهد وهي ترجف ..
ـ طلب مني جاي .. بس .. وقلت ...له ..الخدامه تحت ..
نزلت على ركبها ودموعها تساقط على الأرض تجمع شعرها الي نثره في كل مكان ..
وكل ذره في جسمها مجروحه ومصدومة .. حذف المقص الكبير الحديد على الأرض .. بقوة .. وصرخ فيها ـ ما تطلعين من غرفتج سمعتي ؟؟
وأخذ المفتاح وطلع وقفل الباب .. دانه ماقدرت إلا تبجي .. وتبجي ..
دقايق إلا سمعت صراخ بره .. قامت لين عند الباب .. وسمعت ..
تركي ـ ليش تصارخ جي؟
ضاحي ـ قلت لك شتبي في الدانه ؟؟
تركي ـ مو أنا أبيها .. يبيها حمد ..
ضاحي ـ حمد ؟؟ ومنو هذا بعد ؟؟ اكملت.. على الكل ..فيصل وأنت وحمد .. متزوج مارلين مونرو.. وأنا ما أدري ..
ارتجفت دانه من كلام ضاحي .. وحست بخناجر تطعنها ..
صرخ تركي ـ هييه.. شالكلام الماصخ ؟؟ حمد ولد أخوها يبي يكلمها تحت.. شفيك موب صاحي ؟؟ ودانه أكبر من هالكلام السخيف اللي تقوله .. بقوله أنها نايمه ..
طلت دانه من فتحة الباب.. وشافت تركي يطلع وهو يدز كرسيه غصب.. انهارت .. خلاص .. دموعها اليوم مابتوقف.. العنت اللحظة اللي تزوجت فيها .. والعنت خالد ونايف وفيصل وناصر . وحظها الخايس ومنيرة وهناء.. دقايق .. وتسمع صوت ربكه بره وتدافع ..
ردت تطل من الفتحة .. كان ضاحي وباين أنه حاكر حد يكلمه بعصبية ..
حطت اذونها على الباب تتسمع ..
ـ كل الي طلبته منها قلاس جاي ..
ضاحي ـ سمعت كل كلامك الماصخ .. لاتنكر ..
فيصل ـ هدني الحين والا أفضحك عدل جدام مرتك وأطلع كل المتخبي وبلاويك..
ضاحي ـ أنت تهددني ؟؟ أنت ؟؟ من قال لك أني خايف منك ؟؟ ومن قال أنك هزيت شعرة مني ؟؟ اسمع يا فيصل.. كلمة ورد غطاها .. ابعد عن مرتي .. سمعت ؟؟ وانقل غرفتك الطابق اللي تحت ولاعاد توطوط هنا مرة ثانية ..
حذف فيصل بره وصك الباب بقوة في ويهه.. وراح للغرفة مالته ..طالعت دانه شعرها . اللي تناثر على الأرض .. وظلت تجمعه وترتبه .. ودموعها مع كل شعره تمسكها تنزل.. لفت الشعر بحجاب.. وحطته في درج وحطت راسها على المخده .. اللي غرقت بدموع القهر والظلم ..


الحلقة الخامسه عشر
ما انتهت هالليله .. دانه ماقدرت انها تظل في هالبيت اليوم ..
اتصلت في حمد ..
حمد ـ هلا عمتي .. قالوا لي نايمه ..
دانه ـ حمد .. تعال وخذني من هنا بسرعه ..
وبدت تبجي بقوة ..
حمد ـ دانه شفيج .؟؟؟ دانه .. حد مد يده عليج ؟؟
دانه ـ تعال حمد .. وخل تركي يوصلك لغرفتي بهدوء بدون ضجة ..
صكت التلفون وهي تصيح .. قامت وحطت ملابسها في شنطه كبيرة .
مستحيل تم عنده بعد اليوم مستحيل ..
كانت الساعه خمس ونص الصبح ..الحين الكل نايم عدا تركي اللي يسهر على النت طوال الليل ..
ردت وطالعت شعرها في المنظرة ..قصه كله مره وحده ماخلى شي منه ...شالوحشيه؟؟ ليش ؟؟ شسويت له ؟؟
البست عباتها ...وتمت عند باب الغرفة المقفول عليها ..هالمرة هي اللي بتحط له نوته ..هي اللي بتختفي وتتركه ..مسكت ورقه وقلم وبصابع ترتجف كتبت ..
غيابك هجرك كذبك وخداعك.... خنجر طعن قلبي لكن اخونك؟؟
لالا يالغالي لاتتهمني بطباعك....أنا بنت أصل وأكبر من ظنونك
نطرت دانه لين جوالها دق ...
حمد ـ عمتي كلمت تركي ودخلت البيت ..
دانه ـ حمد اكيد ضاحي نسى باب قسمي مفتوح ادخل وتلاقي في العلبه اللي على الطاوله سبير المفاتيح افتح الغرفة اللي على اليمين بهدوء بدون ضجة الله يخليك...
دقايق وفتح الباب حمد وهو منصدم ..
ـ ليش قفل الباب عليج؟؟
دانه ـ موب وقته ..خل نطلع من هنا بسرعه ..
كانت دانه لابسه شيلتها دخل حمد يشيل الشنطه ..
طلعت لتركي اللي كان عند الباب ..ابتسمت ..
ـ تركش مشكور ..لاتقول لحد انك شفتني طالعه..
تركي ـ ما بترجعين؟؟
دانه ـ تركي .. اللي صار اليوم اكبر من طاقتي ...مع السلامة .
نزلت دانه تحت لسيارة حمد ..اللي بعد دقايق..
ـ ليش ويهج جي ؟؟ ليش تصيحين ؟؟
دانه ـ مافي شي ..
حمدـ عيل ليش متصله هالحزه فيني؟؟
دانه ـ ابيك توصلني بيت خالي ..وارجوك لاتقول لحد انك خذتني زين؟؟
تمت ساكته طول الطريق...
حمد ـ زين يمكن نايمين..
دانه ـ خالي الصبح يصحى يروح المسيد ,,,
حمد ـ ما بتقولين لي شصار ؟؟
ماتكلمت الدانه.. الحمدالله ان خالد مسافر .. وان مافي في البيت الا عبير وخالها وزوجه خالها ام خالد اللي كانت طيبه وايد معاها .
نزلت من السيارة ونزل حمد ونزل لها الشنطه ..
دانه ـ خلها في الحوش .. وروح الله معاك
كان خالها واقف عند الباب توه راجع من المسيد .. سلم عليه حمد وطلع .. سلمت عليه الدانه ..
ابو خالد ـ دانه ؟؟ شيابج هالحزه ؟؟ وليش يايبه شنطتج معاج ؟
ماقدرت دانه تكتم دموعها .. حضنها خالها .. وهو حاس انها انظلمت.. يعرف الدانه مربيها..وما تنهار الا للشديد القوي ..
دخلها للبيت .. وخذها لغرفة العنود .. وصك الباب .. وتم حاضنها ..
حست دانه انها لقت الحضن اللي تستند عليه .. حست انها هنا بامان مابعده أمان ...
******************

بدور ـ الشقة وايد صغيره ..
خالد ـ صغيره ؟ فيها غرفتين وحمام وصاله صغيره وفي موقف سياره وديكورها وايد حلو ..
بدور ـ تدري غرفتي انا وقمر مع بعض اكبر منها ..
خالد ـ يايبه بيتكم الكبير لهالشقة الصغيره ؟ يالله على قدنا .. بس مالج شغل في جيراننا تراهم ناس يحبون العزله ..
بدور ـ اكيد في بينهم وحده او اثنين عرب ..
خالد ـ في البيت اللي تحت من باكستان .. واللي في الطابق اللي فوق من تونس ..
بدور ـ مافي خليجين ؟؟
خالد ـ فيه في المبنى اللي جنبنا . من الامارات وفي من السعوديه .. بس مثلي طلاب .. عزاب .. يعني خلج بعيده ..
بدور ـ الاثاث مب شي ..
خالد ـ بالعكس .. عاجبني ..
بدور ـ ما احب اللون العنابي ..
خالد ـ يمشي حاله ..
بدور ـ يعني هذا معتقلي الخاص ؟؟
خالد ـ اسمه بيتنا.. وهذا أول بيت بنعيش فيه .. بلا تذمر وزعل .. المسكين هالبواب ..ابتلش في شنطج الكثيره ..
بدور ـ وين بنحط الخدامه ؟؟
خالد ـ الخدامه هنا ماتسكن معانا .. تيي تنظف البيت وتسوي الاكل وتروح أخر النهار لبيتها ..
بدور ـ شأصلها؟؟
خالد ـ مكسيكيه .. فكيني من أسئلتج ..
بدور ـ حلوة ؟؟
خالد ـ وايد . بتشوفينها بعد شوي العصر ..
بدور ـ ياويلك ان كانت حلوة ..
خالد تنهد ودخل الغرف..غرفه منهم مكتب والغرفه الثانية غرفه النوم .. وفي الصاله كان طقم الجلوس مع تلفزيون كبير .. والمطبخ صغير .. بس بدور مابتدخله فماكان له أي داعي . ..
حط ملابسه في خزانته .. وهو يطالع شنط البدور .. وين بتحط ثيابها ؟؟ الغرفه صغيره والخزانه عباره عن غرفه صغيره مترين في متر .. فيها منظرة كبيره على الباب ..
دخلت ..
خالد ـ بتكفي الغرفة لثيابج ؟؟
بدور ـ في غرفتين خزاين .. لاتحط ملابسك هنا حطها في غرفة المكتب .
خالد ـ المكتب فيه غرفه ثياب؟
دانه ـ اييه .. المفروض غرفتين نوم بس انت قلبته مكتب .. ودام المكتب بيكون لك خذ الخزانه ..
نقل خالد ملابسه للخزانه الثانية اللي كانت اصغر من لاولى ...وهو يرتب ملابسه مرته بدور ......
بدور ـ خالد في حد يبيك على الباب ..
خالد ـ طلعتي له جيه ؟؟
كانت البدور لابسه قميص وبنطلون بس من غير حجاب ..
بدور ـ عادي .. حنا في أمريكا .
عصب خالد ـ مره ثانية تلبسين حجابج يامدام ..وماتعدي ريلج هالشقة من غير حجاب .. سمعتي ؟؟
بدور ـ لاتصارخ علي جي .. أنا أبوي اللي هو أبوي عمره ماصرخ علي ..
دخلت للغرفة معصبة .. طلع خالد للي اللي عند الباب .. وكان ريال ياي يركب التلفون.. وحمدالله خالد انه أمريكي .. ومافهم الصراخ اللي كان ..
طالع الغرفة اللي فيها بدور .. نطر العامل لين خلص توصيلات وعطاه رقم التلفون .. وطلع .. دخل خالد وهو متوقع يلاقي البدور تصيح ..
لكنه انصدم لقاها ترتب ملابسها ولا على ملامح ويهها أي تعبير زعل أو غضب .. أأو حتى ندم ..
( الظاهر بدور قوية .. ... أكره هاللحظات .. ماأعرف شقول .. )
وتم ساكت .. واقف عند الباب مايعرف شيقول .. على الاقل لو كانت تصيح كان هون عليها وفهمها الموضوع ببساطه.. لكنها يالسه كن ماشي صاير .. كرامته ماتسمح له يتكلم حرف .. لانها صج صج خلته يعصب ..
بدور ـ خالد بليز شل الشنط للمخزن ..
طبعا هالتصرف خل خالد يبهت .. بس ماقدر الا يشيل الشنط وينسى أن شي صار .. مثل ماتبي بدور .. وخلال دقايق تكلموا عادي كأنه ماشي صار .. ارتاح خالد شوي والتوتر اللي كان بينهم راح .. بس ياترى هل بتنفذ أوامره وتلتزم بالحجاب ؟؟
********************
فتحت عيونها .. طالعة الساعه .. كانت وحده ونص .. تذكرت كل اللي صار وانهارت بالصياح ..
البست شيلتها وراحت الحمام اللي في الممر تغسل ويهها ..شافتها عبير وعرفت انها صاحت اركضت واحضنتها حيل..
لان الدانه غالية عليها وااايد ....وايد ..
عبير ـ ليش ويهج جي .. انصدمت لمنا قال لي ابوي انج هنا من الفير ..
دانه ـ بس خليني اغسل ويهي واتيدد .. وبعدين بقولج
**
بعد ماصلت يلست على السرير ويابت لها عبير ريوق ..
عبير ـ يلا سمي ..
الدانه ـ مالي نفس ..
عبير ـ زين قطي الشيله الدنيا حر ..
دانه ـ خليني لابستها ..
عبير قامت بنية طيبه ونزعت شيليتها .. ووقفت مبهوته .. دانه صاحت..حطت يدها على شعرها تبي تغطيه ..
عبير ـ أمس في الليل ماكان فيه شي ؟؟؟
ماقدرت دانه تقول شصار ..ماقدرت . ..لسبب في نفسها ماحبت انها تقول ..
دانه ـ احترق شعري امس ....وهذا اللي قدرت انقذه ...
عبير ـ لا !!
حضنتها عبير بقوة ...وهي تشهق ..
بعد لحظات من الدموع ...
عبير ـ خلاص هدي ..الحمدالله ماتشوهتي ...الحمدالله النار ماوصلت لراسج كله ..الحمدالله ..ماقلتي لي شلون؟
دانه ـ شمعه ...اعتقد ..ما اذكر ..
العزاء الوحيد اللي بررت فيه دانه كذبها هو انها صج حرقته النار ..بس كانت نار غيرة ضاحي ..
عبير ـ ياعمري ...كلي ..كلي..
دانه ـ مالي نفس ...
دخل خالها ..وانصدم بقصة شعرها ..
بو خالد ـ ليش قصيتي شعرج جي ؟
عبير ـ يبه الدانه بغت تحترق ؟؟بس الحمدالله يا في شعرها النار ..
ماتدري الدانه شلون مرت اللحظات السخيفة اللي صج خالها انصدم فيها واختلقت لها قصة عن خلاف بسيط بينها وبين ضاحي .. وحست أنها وصخه .. ملوثه كذابه .. حقيرة أنها تكذب على ناس تحبهم ..
طلعوا عنها .. والعصر ياتها قمر ..
قمر ـ ياعمري .. ياعمري .. اتصلت فيني عبير ويبت مدام زاكو اللي تقص شعري خصوصا.. هااااااااااااااااااااااااااااااااااااااااااه.. لا .. حرام .. ماباقي شي فيه .. لحظة .
نزلت بسرعه ويابت الكوافيرة اللبنانية مدام زاكو ..
قمر ـ أرجوج أنقذي اللي تقدرين تنقذينه .. ماتدرين شقد شعرها كان يهبل ..
استسلمت دانه لمدام زاكو اللي كانت كوافيره لبقة في الكلام ..
بعد ربع ساعه دخلت ام خالد بعد مادرت بالسالفة من عبير .. وواستها بكلمتين .
ـ يا بنتي عيون الناس ماترحم .. أمس كنتي بأحلى طلة لج.. والحريم انهبلوا على شعرج يوم لفحتي به..
تنهدت الدانه.. ياليتها كانت على سالفة الشعر بس ..
دانه ـ عبير اوعديني انت وقمر .. وأنتي ياخالتي ان ماتقولون لحدج اللي صار . أنا بخلي السالفة كأني أنا قصيته متعمده ..
ام خالد ـ اييه يابنتي . أحسن لج والا كل الحريم بيتكلمون عنج .بس الحمدالله ماصار شي لج الحمدالله ..
حست دانه أن ام خالد صج مهتمة لها .. وهي مهتمة لها .. تقريبا
دانه تربت بين بنات ام خالد لما كانت أمها في المستشفى ,,
انتبهت أن مدام زاكو انتهت ..
قمر ـ بالضبط عالموضه ..
دانه ـ صرت كني صبي ..
مدام زاكو ـ بالعكس .. رقبتك مخليتيك ولا ايزابيلا روسيليني ..
دانه ـ ومنو هاذي بعد ؟؟
قمر ـ ايزابيلا روسيليني مرة وحده ؟ ؟؟
دانه ـ من ايزابيلا روسيلايني ..
قمر ـ عارضة أزياء كانت في عمرنا سنة 67.. ولما تشوفينها هالحين .. تحسبين أن حن أكبر منها..
دانه ـ وبئس التشبيه ..
عبير ـ قصتج صج حلوة .. ومثل ماقالت مدام زاكو .. وايد مطلعتج انوثه ..
دانه اكتمت عبراتها .... وما علقت .. مر باقي اليوم هادي .. لكن اللي صج كانت خايفه منه دانه هو انها تفتح جوالها اللي كانت مقفلته ..
تعبت .. خلاص .. مابترجع لهذاك البيت .. ما بترجع .. يا خالها وطق الباب ..
ـ دانه ..
دانه ـ تفضل خالي ..
دخل خالها اللي له مكانه خاصه في قلبها .. لانه من ريحة المرحومة ..
بوخالد كان حنون ... خصوصا على هاليتيمة ..
جلس بقربها .. وبهدوء عجيب ..
ـ دانه .. شصار بينكم ؟؟
تنهدت دانه .. ما قدرت تكبح هالدموع اللي طلعت منها مكتومة بدون صوت ..
بو خالد ـ يا لهنا ضاحي.. بس أنا صرفته.. لان كلامه ماعجبني.. دخل يهاوش ليش تطلعين من البيت من دون اذنه هالخرابيط ..
دانه تحاول تمسك نفسها .. بس لمن بتشتكي ؟؟ لمن بتشتكي ؟؟ كانت تشتكي ليلى ... وليلى خلاص دخلت في عالم من العذاب والألم .. خصوصا أن خالد ازداد تعبه ..
دانه ـ خالي .. خالي أنا مالي حد .. زوجوني به غصب .. وهو حتى موب طايقني!!
انهارت دانه بالصياح في حضن خالها وهي خلاص حست أنها انتهت ..
حاول بو خالد بيد ترتجف أنه يهديها ..
بو خالد ـ اهدي يالدانه .. اهدي .. اهدي يا بوج .. ماعاش من يغصبج على شي ..
دانه ـ ناصر زوجني بضاحي بدون ما ادري ولا اشوفه .. والريال يسافر ويغيب .. ولا كأني موجوده ..تخيل ماشفته الا ثلاث ولا اربع مرات ؟؟ واليوم لما رجعت من العرس الفير .. اتهمني يا خالي .. اتهمني في أخلاقي تصدق يا خالي ؟؟ أنا الدانه بنت حسن يشكك في أخلاقي وكرامتي ؟؟؟؟؟ أنا تربيتك وتربية أختك ؟؟
انهارت الدانه زياده .. وخالها يحاول يهديها ..
بو خالد ـ شلون ؟؟؟ الخايس الحقير .. أنا أراويه يخسي يقول عنج جي ..
دانه ـ لا يا خالي.. ارجوك .. ما أبي الناس تقول عني قليلة أصل .. أدري أن المفروض اسرارنا ماتطلع لحد.. بس يا خالي ماقدرت.. ماعندي أم أشكي لها ولا حد قريب مني وأكبر مني يفهمني .. وأنا ما أبي ضجة ولا شماتة الناس ..
بو خالد ـ شقصدج يالدانه ؟؟
دانه ـ بس أبي منك يا خالي تخليني تحت ظلك لين تعدل الأمور ..
بو خالد ـ شوفي يالدانه.. هالبيت بيتج .. ولا لج طلعة منه الا بخاطرج .. ومن مايكون ما بيصير شي الا برضاج .. وهالضاحي مايقرب لج بعد اليوم .. الا بعد مايرد اعتبارج ..
******************************
يحاول ضاحي طوال يومين مروا انه يكلم الدانه اللي طنشته وما عطته ويهه .. والتزمت في بيت خالها يات قمر بمطاريش وايد من ضاحي لكنت دانه رفضت حتى تشوفهم أو تسمعهم.. لين يا حمد ..
حمد ـ عمتي الحقيني ..
دانه ـ وناسه تقول عمتي ..
حمد ـ الحقيني أنا أكرهها وما أواطنها وما أبي أسمع اسمها حتى ..
مافهمت دانه شيقصد لان في اللحظة نفسها دخلت قمر وهي تصيح ..
ـ أكرهه أكرهه .. ما أبيه ..
تفاجئت الدانه وتموا الكل منصدمين من وجودهم ..
حمد ـ أنا اللي ما أبيج خل أمج توخر عن أمي لاتحط براسها أفكار شينه ..
قمر ـ يعني انا اللي ميته عليك ؟؟ والله مصدق عمرك ولو غصبوني بذبح عمري ولا ارضى ..
حمد ــ هييييييييييييييييييييييه انتي يالسبال يالعنز مصدقة روحج وايد أنا موب ميت عليج ويا ويهج ..
افهمت دانه السالفة وهي تقضب يد حمد عن قمر في صالة بو خالد..والعايلة كلها كانت رايحة للعنود في المستشفى بعد ماربت ويابت ولد ..
ضحكت الدانه من قلبها لاول مرة من يومين وقالت بابتسامة شقاقية ـ والله حسيت ..
حمد ـ انتي ليش مستانسة فكيني من بنت اخوج هالعنز ..
قمر ـ عنز ما غيرك يالخبوول .. يالمتخلف ..
دانه ـ قمر عيب ,,
حمد ـ انت والله مصدقة روحج.. ولا اسمج بس في وحده اسمها قمر الزمان ؟؟؟ الظاهر ابوج يوم انولدت كان متأثر بكتاب الف ليه وليله ولا علي بابا ..
الدانه ماقدرت الا انها تضحك بقوة .. وهي تبعدهم عن بعض ..
قمر ـ اصلا انا غيرت اسمي لقمر بس من ست سنوات .. وما اسمح لك تتطنز علي يالمتخلف ..
الدانه ـ صج قمر غيرتيه ؟؟؟
قمر ـ اييه .. علشان جييه بعدت عن بدور علشان ماتعرف وتسبب لي فضيحه ..
حمد ـ متأكده بس غيرتي اسمج ؟؟ ماغيرتي خشمج ولا براطمج ولا ..
قمر ـ كله طبيعي الحمدالله وما اسمح لك ..
حمد ـ تسمحين ولا ما تسمحين موب انتي اللي تقررين ..
قمر ـ أنا اللي اقرر وقراري اني ما اتزوج امثالك ..ناس متخلفة
حمد عصب من نظرتها واحتقارها له .. ابتعد عن الدانه بعصبية ..
ـ زين يا قمر ابوج .. ان ماذليتج ماكون حمد بن ناصر ...بس عقب ما ارجع من السفر ..
دانه ـ متى تسافر ؟؟
حمد ــ الليلة ..
دانه ـ توصل بالسلامة ياعمري .. أرجوك حط بالك على خوك . ارجوك .. اتصل فيني كل يوم .. ارجوك ..ارجوك ..
حمد ـ لاتوصين يالدانه ..مع السلامة .لج انتي موب لهالدلوعه السبال ..
حضنته دانه بقوة ....
دانه ـ بأمان الله ..
حمد ـ مع السلامة ......
طلع حمد وقمر مستغربة .
قمر ـ شصار ؟؟
دانه ـ شصار ؟؟ شاللي شصار ؟؟
قمر ـ وين مسافر لا ومن اخوه .. وشالسالفة .؟؟
دانه اضحكت .. ــ بتتزوجين من حمد ونااااااااااااسه ... والله انكم لايقين لبعض وايد ..
قمر وهي مشمئزة ـ وأنتي ليش مستانسة جيه ؟؟
دانه ـ أبد .. تعالي قولي لي شصار بالضبط ؟
قمر ـ شصار ؟؟ ياتني امي وقالت لي ان ابوي وعمي اتفقوا على الزواج.. خصوصا بعد زواج خالد وسفره أمس .. قرروا امس بوسط الناس والعرس انهم يزوجوني لولدهم هذا ..
دانه.ـ اسمه حمد. وهذا تاج راسج سمعتي ؟؟
قمر ـ الله يستر ما أبي أتزوجه ما أحبه متخلف وايد متشدد كاره عيشته دايم ..
دانه ـ امشي فوق معاي ..
قمر ـ خالي اتصل فيني ..
دانه ـ قمر ولا كلمة ولاكلمة ..
قمر ـ دانه ... شصاير بينكم ؟؟
دانه ــ ولاشي .. بس أتغلى ..
***********

وانتهى شهر العسل .. (اسبوعين العسل ) مر اسبوع ..
بدور تدور في البيت ملانه ... ماتلمس شي .. الخدامة المكسيكية هي اللي تسوي كل شي ..
بدور ـ افففففف .. افففففففففففففففففففففف .... اوووف ... ملل.. لالا .. بارارب..ملل ..
خالد كان فاتح باب مكتبه ويسمع تأففها الواضح لكنه طنش وحط راسه في الاوراق اللي جدامة ..
بدور ـ اووووووووووووف .. ملل ..
صارخ خالد من داخل المكتب (عاد مو من كبر الشقة )
ــ طالعي التنلفزيون وفكيني من تأففج ابي أركز ..
مسكت بدور الريموت كنترول وبدت تقلب في القنوات ..
خالد ـ الصوت عالي ..
بدور بلؤم ـ من كبر الشقة مايوصل .. اووووف ..
خاد ـ بدور شتبين ؟؟
طلع من المكتب وكانت يالسه بملل وحذفت الريموت كنترول بعصبية ..
خالد ـ نعم ..
بدور ـ ملل .. أنت الصبح كله في الجامعه والمستشفى ولما ترجع تحط راسك بين هالكتب .. موب هالفكرة اللي في راسي عن امريكا ..
خالد ـ شوفي يالشيخة .. مو ذنبي انج ما تبين تطبخين ولاتبين تشغلين وقتج بالدراسة ولا مطالعة التلفزيون ..
بدور ـ هذي أمريكا ..يعني لازم نتمشى كل اليوم ..
خالد ـ شوفي بدور لاتغثيني .. طلعه مافي ليوم الأحد سمعتي ؟؟
بدور ـ خالد حرام عليك أنا هنا بروحي لين ترجع الساعة ست فالليل من دوامك .. بروحي طول اليوم ملل .. وبعدين ترجع للاوراق والكتب .. كأني موب موجوده ..
خالد ـ خلاص .. قومي بنطلع اليوم نتعشى برا ..
بدور ـ اييه حبيبي .. جييه ..
قامت بدور تلبس .. تأفف خالد هالمرة .. هذي المرة الرابعة هالأسبوع اللي تجبره يطلع معاها وهو صج مشغول..
بدور ـ وين نروح ؟؟
خالد ـ أي مكان ..
بدور ـ حبيبي لايكون مشغول ولا زعلان ؟؟
خالد (كل مرة نفس السؤال ونفس نظرة التمسكن ) ـ لا .. يلا خلصي ..
بدور ـ هالحين أخلص ..
خالد ( طبعا المعنى بعد ساعه .. خليني ارجع لكتبي لين تجهز ))
بعد ثلث ساعه ـ يلا حبيبي ؟؟
خالد ـ اييه ...
بدور ـ معليش كنت لازم آخذ شور ..
خالد ـ يلا .. ماريا راحت ؟
بدورـ هييه صرفتها من زمان ..
كانت البدور لابسة بلوزة وردي مع أبيض .. مع بنطلون أسود وجاكيت أسود طويل وبوت أبيض ....وحزام أبيض عليه cd علامة كريستان ديور ..
خالد ـ لابسه هالجاكيت من أرماني وهالبدلة من كريستان ديور .. وين تبين تروحين مع هالكشخة ؟؟
بدور ـ وناسه ..انت فاهمني عدل.. تعرف عني كل شي بس الجاكيت من شانيل موب ارماني جاكيتك انت وبدلتك انت من ارماني .. أبي أروح لمطعم فخم فيه رسبيشن ..
خالد ـ واحنا شدخلنا في حفلات الناس ؟؟
بدور ـ نتفرج ..
خالد ـ لاء .. بآخذج لمطعم هادي نتعشى وبعدين نروح نشوف فيلم بعدين نرجع ننطم .. عندي الصبح أشياء وايد .
بدور ـ حرام عليك خل نشوف الناس ..
خالد ـ كيفج غير هالجدول مافي .. تبين ولا اترجع لدروسي ؟؟
بدور ـ موافقة ..
خالد ـ بنروح المولات .. بنتمشى ..
بدور ـ ايه جي ..
************************
عبير ـ ها .. من شفتي .؟؟
دانه ـ الشلة من غيرهم رفيجاتنا من الثانوية الغرور ووساره ونوير وشمة.
عبير ـ وناسه الظاهر ..
دانه ـ أنا ما أحبهم .. بس الغرور حبوبة ..
عبير ـ امم .. متى بتفتحين جوالج ؟؟
دانه مقفلة جوالها من اسبوع .. طالعت عبير اللي فهمت نظراتها ..
دانه ـ ما أدري .. قمر أمس ياتني معصبة تقول ان خالها يبا يكلمني .. بس أنا طنش تعش تنتعش ..
عبير ـ زين يدري انج تروحين الجامعة ؟؟
دانه ـ لا .. خل يحترق .. ماقلت له ..
عبير ـ المسكين .. منيرة يات الصبح وانتي في الجامعة .. ودخلت غرفة بنتها البدور وحطت فيها اغراضها . شكلها ما تدري انج هنا..
دانه ـ اكره هالمنيرة بجد.. وآخر شي أبيه انها تدري اني تخانقت مع ضاحي .. بتدخل وبتسوي لي مشاكل ..
عبير ـ قمر ما صارت تيي ليش ؟؟
دانه ـ لانها دخلت الجامعة .. نسيتي ؟؟ صرت أشوفها هناك وندور مع بعض أغلب الوقت ..
عبير ـ أي تخصص ادخلت ؟؟
دانه ـ دخلت كلية العلوم .. بتدرس بيولوجي .. عاجبها ..بواسطة بسيطة تتسهل الامور عليها .. بس خل يمر التأسيسي على خير ..
***********
دخلت الكافتيريا وهي تعبانه بالمرة .. الساعة ووحده الظهر .. والمحاضرات من الصبح .. .
الغرور ـ دانه دانه دندن ..
الدانه ـ هلا ..
التفت للغرور اللي كانت عند باب الكافتيريا ..
الغرور ـ دانه .. أبي تلفونج .. تلفوني نسيته في البيت اليوم .. مع نص أغراضي ..
ترددت الدانه .. طلعت التلفون اللي حطته في شنطتها ..
دانه ـ تخيلي قافلته من اسبوع ؟؟
الغرور ــ في رصيد ؟؟
دانه ـ أنا خط موب كرت هلا ..
الغرور ـ محتاجة أكلم أمي تيب لي أغراضي وهي موب في البيت .لحظة ليش قافلته اسبوع ؟؟
دانه ـ بس جي ..
فتحت الدانه الجوال .. وثواني انهالت المسجات من كل مكان .. ولاعشرين مسج ..
دانه ـ سوري .. خذي ..
الغرور ـ مابتفحين مسجاتج ؟؟
دانه ـ لاء .. ما بفتحها ..
خذت الغرور الجوال وكلمت امها .. ورجعت الجوال للدانه بعد ما خلصت ..
ـ يلا نروح نآكل ؟؟
دانه ـ يلا ..
قفلت جوالها ورجعته لشنطتها ..
ـ بروح أسحب فلوس البوك فاضي ..
غرور ـ شتبين أييب لج ؟؟
دانه ـ أنا بعد و بشتري ..
رصيد دانه عود .. موب شوي .. فيه ميتين وخمسة وثلاثين ألف .. فيه نصيبها من ورث أبوها و بيت أمها .. سحبت ألفين ريال .. وانصدمت كم بقى ..
((ميتين وأربعين ألف ؟؟ ))
طلعت آخر ايصال في بوكها وكان في ميتين وخمسة وثلاثين.. من حط هالمبلغ في حسابها ؟؟ عشرة ألاف ريال ؟
فتحت جوالها .. واتصلت في نايف ..
نايف ـ هلا دانه ..
دانه ـ شخبارك يا نايف ؟؟
نايف ــ الحمدالله .
دانه ـ نايف في بحسابي عشرة آلاف زياده .. تعرف شي عنها ؟؟
نايف ـ اييه .. عطاني ضاحي امس هالمبلغ وطلب احطك في حسابج ..
دانه ـ ليش ؟؟
نايف ـ ما أدري .. ريلج اسأليه ؟؟ وينه هو ؟؟ أبي أسأله عن شغله .
دانه ـ أنا في الجامعة هالحين ..
نايف ـ ااييه .. شخبارج مع الجامعة ؟؟ قمر عاقده حياتها من هالجامعة ..
دانه ـ صراحه .. تعب من أول أسبوعين تعب ..
نايف ـ اييه شدي حيلج ..
دانه ـ انشاء الله .. تآمر على شي أخوي ؟؟
نايف ـ لا .. بس يمكن أمرج بكره ..
دانه ـ أنا أمرك .. اليوم .. وأشوف ام ضاحي بالمرة ..
نايف ـ الظاهر قمر ماقالت لج انها سافرت من بعد عرس خالد ..
دانه ـ لاء ماقالت .. فشيلة ما مريتها ..
نايف ـ شوفي دانه يبوني هالحين .. أتركج في امان الله ..
دانه ـ مع السلامة ..
حست دانه بتوتر .. ليش هالمبلغ حطه ضاحي ؟ وشقصده ؟ فتحت هالمسجات وقرأتها .. نصها كانت من صديقاتها .. وجزء منها من حسن وسلمان .. ومسجين بس كانو من ضاحي !!!
المسج الأول (( ارجعي البيت ))
المسج الثاني (( أبي أكلمج ))
حست بخنقة الدانه .. وأن كرامتها ما بتتحمل .. .. ولا كأنه شي صار ..
راحت للغرور تمت معاها تتكلم .. وانسدت نفسها عن الأكل ...
(( موب المفروض أنه يعتذر لي ؟ هو غلط بحقي واتهمني .. ))
الغرور ـ دانه اللي مآخذ عقلج يتهنى به ..
الدانه ـ محد .. ما شفتي قمر ؟
الغرور ـ بلى شفتها في مبنى العلوم .. كانت مع شمة ..
الدانه ـ زين ..
الغرور ـ ليش ماتآكلين ؟؟
دانه ـ لا .. بس موب جوعانه .. بروح أييب لي عصير .. بس ..
الغرور ـ شفيج مو على بعضج ؟؟
دانه ـ أبي أكلم ليلى .. وشايله همها ما كلمتني من سافرت وأنا ماعندي رقم لها ..
رن جوال الدانه وفزت مع الرنة ..
غرور ـ اسم الله عليج .. شاللي نززج ؟
دانه ـ لا .. ولاشي كنت .. ما ادري ..
طالعت الرقم كان حسن ..
دانه ـ هلا حسونه ...
حسن ـ ومرض .. وينج يالحمارة ما أعرف لج طريق .
دانه ـ أنا هنا ..
حسن ـ ليش قافلة جوالج ؟؟؟؟ وتلفون الغرفة ما تردين عليه ليه ؟؟
دانه ـ زين .. رديت هالحين شتبي ؟؟
حسن ـ وين أنتي ؟؟
دانه ـ في كافتيريا الجامعة .. ما اقدر اكلمك هالحين بس البنات يشوفوني اكلم واحد سيده يحطون اشاعات دسمة فاختصر ..
حسن ـ أنا في الجامعة .. أمرج هالحين نطلع نتغدى ؟؟
دانه ـ أنا خلصت محاضراتي اليوم بس كنت بروح لقمر .. لبيتهم ..
حسن - أنا بحذفج هناك بعدين .. بطلع الحين وأدخل لجامعتكم ..
دانه ـ بس انته ما عندك تصريح ..
حسن ـ ماعليج .
طالعت دانه الغرور .. ـ ولد اخوي الخبل .. يبي يمرني ..
الغرور ـ بتروحين معاه جي ؟؟ ويهج خالي من أي زينه ..
دانه ـ اييه .. لسبيبين .. حسون حمار والسبب الثاني موب حاطه في شنطتي أي مكياج ..
الغرور ـ بتروحين هالحين ؟
دانه ـ اييه ..
اتصلت دانه في قمر .
قمر ـ دانه ..
دانه ـ شوفي قمر بروح الحين وبمركم العصاري ..
قمر ـ اوكي انا عندي محاضرة بعدين ارجع البيت ..
دانه ـ باي ..

الحلقة السادسة عشر
ابتسم لها وهو يشرب العصير .. ..
حسن ـ شرايج في العزومة ..
دانة ـ الاكل حلو ..
حسنت ـ بس انتي ماكليتي ؟
دانة ـ كليت ..
حسن ـ زين خلصتي..نطلع ...
دانة ـ اييه ..بس لحظة أعدل شيلتي..
حسن ـ شلون الجاامعه؟
دانة ـ زين .. وانت شخبار جامعتك؟؟؟؟؟؟؟؟؟؟؟؟؟؟؟؟؟؟؟؟؟
حسن ـ عطوني انذار ..هههههههههههه الاخير ..
دانة ـ ومستانس ويا ويهك ؟؟؟؟؟؟؟؟
حسن ـ أحلى شعور في العالم .. لما يعطونك في يدك انذارك النهائي ..
دانة ـ شالحلو في السالفة ؟؟
حسن ــ أنهم ما يعطونه لبوي هههههههههههههههههههه...
دانة ـ زين وبعدين ؟
حسن ـ وظيفتي الحكومية جاهزة ... والجامعة رحلة صياعة .. ووناسة..
دانة ـ نطلع ؟؟
حسن ـ امشي ..
طول الطريق كانت دانة مشغولة تقلب أشرطة الأغاني .
حسن ـ شالذوق الصعب .. ما يعجبج شي ..
دانه ـ بالعكس انا محتارة .. انا احب الخليجي واحب القديم ...عندك من عبدالحليم لين جواد العلي ..
حسن ـ زين ..
دانة ـ عندك اشياء غريبة ..
حسن ـ هندي ههههههههههه ...
دانة ـ تدري ما استبعد .. ما قلت لي شخبار تركي معاكم ؟؟
حسن ـ اوووه .. صراحه وايد فله هالولد .. تحسينه عاقل مع صغر سنه .. والربع صج عجبهم ..
دانه ـ حسن لاتعرفه على ناس تعبانه ..
حسن ـ بالعكس . تعرف على شله من الشباب وايد محترمين ..
دانة ـ حسن كأنك ما أخذت الدوار لبيت نايف ؟؟
حسن ـ اييه .. يينا للموضوع المهم .. تركي قال لي طبعا اللي صار ..
دانه ـ حسن شقصدك؟؟
حسن ـ ..................ما كنت أبي أنحط في هالموقف .. بس . ..
دانه حست بشيء تدبر لها تجمعت الدموع في عيونها ..
دانة ـ حسن.. قووول .. شصار وشقال لك تركي ؟؟
حسن ـ أنا قلت لبوي .. انج انتي وضاحي تخانقتوا .. وأبوي راح لضاحي وسوا الأمر كله ..
دانة ـ شتقصد بسوى الامر كله ؟؟ شصار ؟؟
حسن ـ ......... ...ما أدري بس أبوي كلمني وقال لي أوصلج بيت ريلج ..
دانة ـ لاء لاء ماني رايحة ..
حسن ـ خلاص أنا أنفذ أمر أبوي وهو وضاحي تفاهموا ..
انهارت الدانة بالصياح وحست أن كرامتها انمسحت بالأرض ..
دانه ـ ما برجع .. ما برجع يا حسن .. أموت ولا أرجع ..
حسن ـ لاء.. هالشي طلع من يدي .. أنا أبوي موصيني ما أوصلج الا لبيت ريلج ..
حست دانة أن حسن مصمم على رايه ..
دانة ـ اذا لي غلا في قلبك يا حسن أرجوك أرجوك.
حسن ــ دانه لاتحاولين ..
يأستت دانه من هالشي .. ونزلت دموعها أكثر عن قبل ..
نزلت من السيارة بدون كلمة وطلعت لغرفتها فوق وقفلت الباب وهي تصيح بقوة.. ضاحي أكيد في شغله .. مايي الا الساعة ثلاث ..
اتصلت في ناصر وهي معصبة ..
ــ من سمح لك تتدخل في حياتي من سمح لك تدوس على كرامتي ؟؟
ناصر ـ دانه .. اهدي .. اهدي .. أنا خليت ضاحي يدفع الثمن ..
دانه ـ ما فهمت ؟؟
ناصر ـ هو فهمني انه فهم الموضوع غلط و هانج.. وأنتي ما لجأتي لي ولما كنت أحاول أكلمج كان خالي يرفض ويقول الدانة هي اللي تقرر متى ترجع .. أنا تفاهمت مع ضاحي ..
دانة ـ أنا ما لجأت لك .. ليش تتدخل؟؟ ليش دست على كرامتي ؟؟
ناصر ـ شوفي.. السالفة محد يدري بها غير شوي.. فحبيت ألملم الموضوع.. وضاحي دفع لج كاعتذار عشرة آلالاف ريال.. من كل خاطره .
دانة ـ أنا ما أبي فلوووس .. ما أبي أي زفت ... كرامتي هي اللي انهانت موب جيبي ؟
ناصر ـ دانة .. خلاص .. لاتمصخينها الريال اعتذر ..
دانة ـ لك ؟؟.. لكن ما اعتذر لي ..
ناصر ـ شوفي يالغبية .. مافي ريال يعتذر من مرة .. فلا تتأملين وايد .. ويلا أنا مشغول انطمي في بيتج واسكتي وبلا فضايح ,,
صك التلفون في ويهها ...
************************
Iam faith …I saw you yestarday .))
خالد ابتسم
Iam married..
طالعت له بخيبة أمل ...
- I didn’t see the ring ..
- I don’t wear it ..
انسحبت بهدوء ... انسحب خالد بدوره وطلع من المستشفى ..
كانت وايد حلوة هالفيث.. اللي كان مبين من نظراتها أنه عجبها.. وطبعا هالناس لاحيا ولا مستحى تبطها في الويهه .. وشكلها كانت مجرد مريضة لانها ما كانت تحمل أي بطاقة يدل على أنها من موظفي هالمستشفى ..
تعتبر هالبعثة وايد صعبة لخالد.. لازم يركز فيها بأقصى ما يكون.. لكن مع وجود البدور شلون بيركز ؟؟
خالد ـ السلام ..
بدور ـ وعليكم السلام .. ليش تأخرت ..
خالد ـ وشفيج معصبة ؟
بدور ـ خفت عليك ..
حضنها وهو يبتسم ..
ـ خفت علي ؟؟
بدور ـ اييه .. تأخرت وانا ماعرف لك طريق ..خفت وايد ...
خالد ـ يا حبيبي ..
بدور ـ صج وين كنت .؟
خالد ـ مريت المستشفى اللي بتدرب فيه .. وتوقعي جدولي يزداد أكثر من جيه ..
بدورـ يعني بتغيب كل اليوم ؟؟
خالد ـ اييه .احتمال ..
بعدت عنه البدور .. وهي معصبة ..
ـ شسوي أنا بروحي طول اليوم ؟؟
خالد ـ معليش . أيام تمر وأيام أكون فاضي ..
بدور ـ اييه كل بعقلي حلاوة ..
خالد ـ وأنا أقدر ؟؟ وين ماريا هذي خل تحط لي أكل ..
بدور ـ راحت ..تبي أحط لك الاكل ؟؟
خالد ـ تعرفين ؟؟
بدور ـ ليش ما أعرف ؟؟ عيل شسوي كل يوم مقابلة هالماريا ؟؟ عرفت عن حياتها أكثر ماتعرف هي .. دقيقة حبيبي..
خالد ـ ليش الاكل يسخن في دقيقة ؟؟
بدور ـ هذا سبب اكتشاف المايكرويف .. لما كنت في بيت أهلي ماكنت أعرف شي عن المطبخ . في ايام قليلة ماريا علمتني وايد ..
****************************
صحت الصبح .خذت دش سريع والبست ملابس امس نفسها .. حملت شنطة كتبها وطلعت من الغرفة .. تفاجأت بنظرات ضاحي ..
ضاحي ـ دانه؟؟؟؟؟
كان شكله ما يعرف أنها موجودة ..
دانة ـ اييه .. دفعت المقسوم أكيد أرجع لك على طول ..
ارتبك ضاحي ..
ـ متى رجعتي ؟؟
دانة ـ أمس الظهر .. عن اذنك بروح الجامعة ..
قام ضاحي ومسك دانة من يدها ..
ـ أبي أكلمج ..
ارتبشت وارتجفت ..
ضاحي ـ خمس دقايق بس ..
دانه ـ عندي جامعه ..
ضاحي ـ اليوم جمعه ..
عقدت الدانة حواجبها .. نست أن أمس كان الخميس آخر أيام الأسبوع .. اليوم جمعه ............
سحبت يدها من يده وجلست على الكرسي ...
قطت الشيلة ولفت ويهها عنه . آخر شي تبي تشوفه هو ويهه ..
ضاحي ـ بنطلع بيت بروحنا ..
بس ؟؟؟ حست الدانة بخنقة .. بس هو يكابر وهي تكابر .. شتتوقع منه ؟؟ اعتذار هالاشكال تعتذر ؟؟ حست بخنقة وماقدرت تنطق كلمة عزة نفسها أكبر بوااايد من هالكلمة اللي بتقولها هالحين في هالصمت المطبق ..
حست ان هالنفس اللي تتنفسه هالحين غالي .. وصعب .. ..
وأخيرا انطقت بالكلمة الصعبة ..
ـ وبعدين ؟
ضاحي ـ قال لي ناصر أنج بترضين بهالمبلغ .
دانة ـ أرضى ؟؟ تتهمني في أخلاقي وننوقع أرضى بمبلغ تافه ؟؟
ضاحي ـ دانة شتبين ؟؟ أنا ما فهمت ..
دانة ـ أنت حتى ما اعتذرت لي.. ماقلت آسف أني شكيت فيج.. على الأقل ما اعتذرت عن تصرفك الهمجي يوم قصيت شعري.. ماتهمني الفلوس.. وان كان ناصر يرضي زوجته بهالطريقة أنا ما أهتم.. ضاحي ليش ما تحترمني؟؟ ليش؟؟ ليش أحس أن مالي قيمة عندك ؟
ضاحي ـ دانة أنا أحترمج ..
دانة ـ تحترمني ؟؟ وينه هالأحترام اللي تتكلم عنه ؟؟ ما أشوفه؟؟ وين خشيته ؟؟ في جيبك ولا في غرفتك الخاصة ولا في شنطة أوراقك !!
مسكت دانة نفسها .. لا لا للدموع ..
ضاحي ـ دانة.. لاتتمين تتطنزين بهالطريقة.. أنتي مافهمتي شكان شعوري لما شفت فيصل هالخايس شلون كان قريب وأنتي في قمة جمالج وشعرج طالع.. أنا آسف أن شكيت.. بس اذا كان عندج أخو مثل فيصل ..ماكنت توثقين فيه ولو لثانية خصوصا اذا السالفة فيها حريم.. وكنت صج معصب لما دريت أنج رحتي مع فيصل لبدور ..
دانة ـ شدخل ؟؟
ضاحي ـ لا تقاطعيني.. يوم رحتي لبدور قبل سفرها.. انصدمت لما دريت أن فيصل هو اللي خذاج .. وكتمتها في قلبي ..كنت بـ... بـ..
دانة ـ بتذبحه ؟؟ ليش ؟؟؟ لانه وصل زوجة اخوه اللي نساها اخوه في البيت ؟؟ ضاحي اسمع نفسك.. اسمع نفسك بتموت ضحك صدقني ..
كان اسلوب دانة ساخر بدرجة أليمة .. بدرجة جارحة ..
ضاحي ـ شاللي يضحك ..
دانة ـ اللي يسمعك يقول اسكت .. وا عليه .. وايد مهتم لهالعنز اللي باعوها أخوانها له .
ضاحي ـ دانة .. أنا صج مهتم وايد فيج .. أنت تعجبيني بدرجة كبيرة ..
دانة فجأة لقت نفسها صارت بموقف غريب.. ضاحي.. ضاحي يعترف لها أنها أعجبته ؟؟ ما قدرت تواجهه هالموقف لانها جبانه .. ما تحب هالمواقف ..
دانة ـ بروح لبيت نايف ..
قامت تبي تطلع .. لكنه مسك كتوفها ووقفها لفت له .. طبعا كان ضخم . هي بالنسبة له نتفة .. طالعت له ..
ضاحي ـ آسف أني قصيت شعرج .. كنت .. كان الشيطان معمي عيوني .. وما قدرت أ...ما قدرت أشوف طريجي ..

**********
بدور تعلمت الطبخ ............ووووووووووووووووو .. انجاز حصل في تاريخ البشرية ..
ابتسم خالد وهو يشوف الدجاج بالكاري اللي طبخته بدور اليوم ..
ـ وايد مبتكر ..
بدور ـ ماريا النذلة تناحست معاي وماكانت تبي تقول لي الريسبي تقول ايش توب سيكرت ..
خالد ـ شاللي تطور وخلاج تطبخين ؟
بدور ـ ... أنت كله برا .. والكمبيوتر لين هالحين ما وصل ولا النت .. قلت أجرب الطبخ .. بس على حسابك كسرت ظفر .
خالد ـ ههههه .. مشكورة يا حبيبتي .. علشاني كسرتي ظفر ؟؟ تضحية كبيرة من جنابكم ..
بدور ـ ذوق بس .. وقولي رايك ..
خالد ـ بالنسبة لأول مرة .. good
بدور ـ صج ؟؟
خالد ـ تبيني أسوي لج مسرحية سمير غانم المتزوجون ؟؟؟؟؟؟؟؟؟؟ لا .. طبخج أهون ..
بدور ـ ههههههه .....
خالد ـ ليش ما تآكلين ؟؟
بدور ـ ما أشتهي .. من ريحة الطباخ شبعت .
خالد ـ متأكده موب حاطة لي طبوب ولا سم ؟؟
بدور ـ ها ؟؟ وليش انشاء الله ؟؟ تموت فيني وتحبني .. مع أن عندك مشكلة في التعبير عن هالشي .. ما أحتاج طبوب تخليك تحبني زيادة ..
خالد ـ واثقة الأخت .
بدور ـ عندك كلام ثاني ؟
خالد ـ لاء ..
بدور ـ شرايك اليوم بما أنك ييت الساعة ست نطلع نشوف فيلم ..
خالد ـ لا .. ما أقدر .. عندي ريسيرج .. ما أقدر أتجاهله ..
بدور ـ خالد . .هذي رابع ليله ..
خالد ـ قلت لج البحث مهم .. بكره .. لحظة .. ما أقدر بكره في عملية لازم أكون حاضر فيها .. بكره الصبح ما عندي شي ..
بدور ـ كيفك . خلاص . اعتبرني موب موجوده .
قامت معصبة ودخلت الغرفة وصكت الباب بقوة ..احتار خالد . .. صج قوية هالبنت .. بس مايقدر يخليها في البيت بروحها ..وخاصه دراسته بدت تصعب وايد .. بدت تآخذ من وقته وحياته .. خذ نفس قوي .. بدور نوع متحرر دلوعه واثقة .. ما تنترك بروحها في البيت خصوصا أن مافي شي يجذبها في هالبيت .. قام وراح غرفتها ..
خالد ـ ............... نمتي ؟؟
بدور ـ لاء (قامت من السرير) تبيني أنام في دقيقتين ؟؟
خالد ـ يلا البسي .
بدور ـ ليش ؟؟
خالد ـ ساعة ونص ما بتأثر في بحثي .. في فيلم شفت البوستر ماله وأنا ياي . شكله حلو ..
بدور ـ لا .. ما أبي .. بعدين بتلومني فيه ..
خالد ـ في مين ؟؟
بدور ـ عن بحثك بتلومني بسببي ما كملته ..
طالع لها خالد بنظرة ..
بدور ـ الحين أبدل ..
قربت منه وحضنته وقالت ..
ـ ما قلت لي اذا تحرشت فيك بنات ولا لا ؟؟؟
خالد ـ ليش غبي ؟ علشان تنطين لي تفضحيني بينهم ؟؟
بدور ـ حبيبي.. تعرفني ما أحب حد يقرب من أشيائي .. وأنا غيورة حيل عليك .. أنت لي أنا بس !!!
خالد ـ أنا من أشياءج ؟ ؟؟ هذا مديح ولا ..
بدور ـ هذا قانون .. أدمر كل اللي يقرب منك حبيبي .. .
ضحك خالد .. لكن بدور ما كانت تضحك ..
خالد ـ عجلي يا غراينديزر .. وقتي محدود ..
***************************
لي هالحين هالشكوك اللي فيها ما تريحها ..ضاحي يظن أنه خلاص .. صفت القلوب بينهم .. لكن الدانة كانت تضغط على نفسها .. بتحاول تشوف الايجابيات وتنسي السلبيات .. هالأسبوع اللي مر كان حافل بالأحداث ..هي وضاحي أخيرا صاروا يتكلمون وييلسون مع بعض ...
لكنها موب مرتاحة .. في قلبها وايد شكوك.. من اللي كان يكلمها ؟؟ شالفضايح اللي تستر عليها فيصل ؟؟ وين يسافر ؟؟ ليش ما كان يبي يتزوجها ؟؟ ليش طلعوا ببيت بروحهم مع ان قسمهم كان عود وايد ؟؟
وايد أسأله .. ماوصلت دانة لدرجة التكلم فيها مع ضاحي.. كانت أسئله تبي شجاعة للأسف ما تملكها دانة ..
ضاحي ـ وأخيرا .. يالدانة .. بيتنا .. شرايج ..
دانة ـ وايد عوود .. كبير علينا ..
ضاحي ـ اشتريت هالبيت من سنة .. وخلص تشطيبه من شهرين ...
دانة ـ البيت حلو ..
ضاحي ـ اهم شي يعجبج ..
دانة ـ عاجبني وايد ..
طالعت دانة لهالفيلا الضخمة ..
ضاحي ـ الخدامات وصلو ..يابهم راجو ..
دانة ـ زين ..
ضاحي ــ اوكي ما بتشوفينهم؟
دانة ـ هالحين....ضاحي .. ممكن أروح بيت خالي اليوم ؟؟
ضاحي ـ بوصلج لو تبين ؟؟
دانة ـ مشكور .. من أسبوع ما شفت خالي .. واشتقت له ..
حط يده على خدها بطريقة ناعمة ..
ـ شاللي مضايقج ؟
معقول حس فيها .. دمعت عيونها .نزلتها علشان مايشوف دموعها ..
دانة ـ ولا شي ..
صار لها أسبوعين ما اسمعت من حمد الحمار .. وشايلة هم خالد .. غير شكوكها في ضاحي .. وقمر اللي كل يوم تنتحب عليها تبيها تقنع حمد ما يتزوجها ..
ــ ولا شي بس حاسه بتعب .. يلا رتبت أغراضي وملابسي ,,,
ابتسمت .. وهي تقول لنفسها
(الجانب الايجابي من اللي صار .. أني قربت وايد من ضاحي .. واكتشفت انه انسان محترم .. عزيز النفس .. لبق.. يمكن لان شغله يتطلب منه هالأشياء.. بس هو صج غامض ..صج هالاسبوع كان بداية وايد زينه لحياتنا . بس .. ما أحس أنه يوثق فيني .. ما أحسه فتح لي قلبه .. أحسه يعاملني برسمية .. هامه راحتي .. هذا شي زين .. بس .. عالعموم .. هذي صورة وايد أحسن من قبل .. على الأقل أحس أني متزوجه من شخص يقدرني .. وصار لي بيت بروحي .. . زيين .. (
روزيتا ودونا .. الفلبينيات اللي يابهم ضاحي ..
**************
دخلت بيت خالها ومالقت عبير في غرفتها .. طقت الباب على غرفة خالها ..
ـ مفتوح ..
دخلت الدانة ولقت مرت خالها .. كان مبين أنها كانت تصيح ..
دانة ـ خالتي .. شفيج ؟؟
ام خالد ـ ولاشي ..
دانة ـ ليش دموعج عيل ؟؟ وين عبير وين خالي ؟؟
ام خالد ـ اطلعوا راحوا السوق ..
دانة ـ زين ليش دموعج ؟؟
كانت ام خالد يالسه على سجادتها ولابسه شيلة الصلاة . يلست نبها الدانة ومسكت يدها ..
دانة ـ شفيج خالتي ..
ام خالد ـ قلبي يعورني يا بنتي ..
دانة ـ سلامة قلبج .. شفيه ؟
ام خالد ـ ولد خالج ما عنده قلب يدق ويسأل عن امه .. هالولد بالمرة .. لاحيا ولا مستحى .. يالله ليش بليتني بولد عاق ..
الدانة ـ لا يا خالتي لاتقولين جي .. أكيد اتصل وانت موب موجوده ولا لين هالحين ما استقروا ..
ام خالد ـ صار له شهر يالدانة شهر .. هو لاربع سنوات ما سأل .. يفرق عليه شهر ؟؟ هالولد بيب لي الجلطة من جفاه ..
كانت ام خالد تصيح بحرقة .. هونت عليها الدانة .. وقالت ـ هالحين اتصل فيه ..
ام خالد ـ أنا لو أعرف له رقم كان اتصلت .. بس ما عرف .. ما عرف ماقال لحد ..
دانة ـ لحظة يا خالتي بس أييب الرقم .. طرشت دانة مسج لقمر تطلب منها الرقم .. أكيد منيرة تعرفه .. هي كل يوم تكلم بدور ..
دقايق وطرشت لها قمر الرقم .. اتصلت الدانة برقمهم ..
بدور ـ يس ؟
دانة ـ هلا بدور . شخبارج ؟؟
بدور ـ عمتي ؟؟؟ هلا عمة .. شخبارج ؟؟
دانة ـ الحمدالله .. شخبارج يالقاطعه ؟؟
بدور ـ وايد مشتاقة لكم ..
دانة ـ واضح .. زين وين ريلج ؟؟
بدور ـ موجود ليش ؟؟
دانة ـ خذي هذي ام خالد كلميها وبعدين نادي خالد يكلمها ..
أعطت دانة التلفون لام خالد .. وقامت عنها بحجة تشرب ماي ..
كان البيت فاضي .. تمت دانة تدور فيه وهي تفكر .. شلون تلقى طريقة تكلم فيها حمد ؟؟ الحمار ما اتصل ..
يلست على الكرسي .. وتمت تفكر .. شالقلب اللي عند خالد مافكر يكلم أمه ؟؟ شلون ؟؟ هذي أمه ؟؟ .. مسكينه أم خالد كان قلبها يحترق على ولدها ..اللي ولا فكر فيها وبدور تكلم منيرة كل يوم .. صج لاقالوا قلبي على ولدي وقلب ولدي على صخر ..


الحلقة السابعه عشر
تمت تصيح ..
ـ حرام عليكم .. والله ما أطيقه .. ما أحبه ..
دانة ـ قمر .. شفيج ؟؟ .. حمد والله زين .. طيب وحبوب ..
قمر ـ لا تقولين عنه جي أنا أعرفه . لاتنسين سافرنا مع بعض وكانت أسوأ مرة سافرت فيها ..
دانة ـ زين البنات يطالعون ليش تصيح هالبنت .. اكتمي دموعج ..
قمر ـ ...................................
دانة ـ هههههههه .. والله انكم نكته ..
قمر ـ عمتي لاتضحكين علي ..
وارجعت تصيح ..
دانة ـ خلاص قمر .. خلاص .. ما بضحك ..
كانت دانة كاتمة ابتسامتها غصب .. طلعت قمر عدة الميك آب وعدلت المكياج اللي خرب من دموعها ..
قمر ـ بروح معاج اليوم للبيت ..
دانة ـ حياج الله .. ليش ؟
قمرـ عندي امتحان وفهد الحمار ما يخليني أدرس من ازعاجه كله يصيح ..
دانة ـ بيمرني ضاحي بعد شوي .شفيه فهد ليش يصيح ؟؟
قمر ـ ما عاجبته المربية الجديدة .. امي طردت القديمة وهو كان متعلق قيها كانت معاه من انولد .. بعدين القديمة أحلى هذي جيكرة ..
دانة ـ صج .. هو عمره كم شهر أكيد متعلق فيه مثل أمه .. هي منيرة ما خلصت من سالفة المربيات ؟.؟؟
قمر -- أمي بتسافر لبدور بعد أسبوعين .. وتترك فهد هنا مع المربية .. .
دانة ـ واعليه.. يتم بروحه ؟؟ ليش ما تآخذه معاها ؟؟
قمر ـ أمي ؟؟ تحلمين تآخذه معاها أمس يات وباسته وقالت بقلب بارد من يومين ماشفتك تخيلي ؟؟ تاركه ياهل عمرة ثلاث شهور مع وحده ما تعرف إذا سنعة ولا لاء .. ضاحي بيعزمنا على الغدا ؟؟
دانة ـ أنا أعزمج على الغدا ..
قمر ـ ايه .. اجبري خاطري بعد ما خليتيني أصيح ..
دانة ـ أنا ما خليتج تصيحين .. أنتي من سمعتي موعد الخطوبة ييتيني تصيحين ..
قمر ـ اييه . يا ربي .. قلت لأبوي أني ما أبي .. بس .. ما علق قال ما بيده شي ..
ارجعت الدموع لعيون قمر ..
دانة ـ قمر ... بس دموع لاتكبرين السالفة هذا أنا أخذت خالج وأنا ما كنت أبيه .. والحمدالله حالنا زين .. وانتي وحمد صدقوني .. لايقين لبعض .. أنتي تغيرينه وهو يغيرج .. صدقيني .. ما قلتي لي متى الخطوبة ؟
قمر ـ أمي قالت لي بعد العيد ..
دانة ـ أي عيد ؟؟
قمر ـ عيد الفطر ..
دانة ـ زين .. موب سيء .. عندج وقت تجهزين حفلة كبيرة ..
رن جوال اانة .. كان رقم ضاحي ..
ـ ألو .. أنا بره ..
دانة ـ اوكي ..
صكت التلفون ..
ـ خالج ينطرنا ..
ركبت دانة وركبت قمر ـ السلام عليكم ..
ضاحي ـ وعليكم السلام ..
قمر ـ شلونك خالي ؟؟
ضاحي ـ الحمدالله .
قمر ـ مبروك البيت اليديد .. متى تسوون حفلة ؟؟
ضاحي ـ حفلة ليش ؟؟ هي مجرد عزومة بسيطة انشاء الله هالاسبوع ..
دانة ـ ضاحي اليوم أنا عازمة قمر على الغدا ..
ضاحي ـ أي مطعم ؟
دانة ـ على ذوقك ..
قمر ـ بس ما نتأخر برا .. عندي امتحان ..
ضاحي ـ امتحان ؟؟
قمر ـ ايه .. حط لنا شي يا خالي .. الجو موب حلو جي بدون مؤثرات صوتية ..
ضاحي ـ مؤثرات صوتيه؟؟ والله عليج مصطلحات .. نزليها في كتاب ..
حط ضاحي شريط لعبدالمجيد ..

قمر ـ روحي لريلج ... ما أحتاج بيبي ستر .
دانة ـ ههههه ... ريلي هالحين نايم .. وأنا يالسه هنا أدرس موب لخاطر عيونج ..
قمر ـ الساعة سبع .. نايم لين هالحزة ؟؟ روحي صحيه ..
ابتسمت دانة وطلعت من الغرفة .. اللي ما تعرفه قمر انه دانة منحرجه تدخل لغرفة ضاحي.. فكرت دانة تروح لغرفتها وترتاح .. لكنها فكرت أن ضاحي يمكن يكون عنده موعد ..
مرت غرفته .. لكنها اسمعت صوته ..
ـ حبيبتي .. مشتاق لج .. أدري .. شسويت اليوم ؟؟ اووه .. عجبج الفستان ؟؟ عاد حلو ولا لاء ؟؟ شلونه ؟؟ وردي .. الله الوردي حلو وايد عليج ...
ابتعدت دانة عن الباب .. وعضت شفايفها بقوة ..
(واضح انه موب راقد .. خلي أروح أبدل ملابسي وأرتاح .. (
ما قدرت تطلع من راسها هالفكرة .. أنه يكلم حبيبته .. وماقدرت تحبس دموعها .. هو اللي يخونها .. هو الي اعترف لها بصراحة أنه محتاج وقت لين يرتب أموره ,,, يمكن هي من بين أموره .. يمكن ..
رن جوالها ..
ــ ألو .. ألو ..
ـ السلام عليكم دانة ,,
دانة من اسمعت الصوت زادت دموعها ..
ــ يا حمار يا كلب يالخايس يالتيس ..
وبدت تصيح .
خالد ـ وعليكم السلام هههههههههههههه ,,
دانة ـ أسبوعين يالظالم أسبوعين ؟؟
خالد ـ أي كنت بكلمج بعد يومين . بس ..خذي هذي ليلى ,
دانة ـ ألو خالد طمني عن صحتك ألو ..
ليلى ـ ألو دانة .. قوة ..
دانة ـ هلا ليلى هلا شخبارج .؟؟ شلون خالد طمنيني عليه ..
ليلى ـ الفحوصات تتقريبا انتهت وبكرة في عملية .. طويلة ..
وقف شعر جسمها من اسمعت هالخبر ..
دانة ـ بكره ؟؟
ليلى ـ اييه .. لا تخافين اختصاصين بيسوون العملية وحمد الحمدالله معانا .. الحمدالله .. بس الله يستر ادعي له ..
دانة ـ زين ليلى .. عطيني اياه خل أكلمه ..
ليلى ـ راح .. طلع ..
دانة ــ زين هذا رقمكم ؟؟
ليلى ـ نتكلم من جوال واحد هنا .. يعرف خالد .
حست دانة بصوت ليلى مهموم ..
دانة ـ تفائلي بالخير تفائلي .. وانشاء الله خالد ما عليه شر انشاء الله .. أدعي لكم من قلبي أمانة ليلى خلي حمد يتصل فيني بعد العملية ..
ليلى ـ انشاء الله ..
دانة ـ زين خالد نادييه ..
ليلى ـ ما أدري كأنه دخل الحمام .. دانة حاله تعبان وايد .. وايد ..
دانة ـ ادعي الله يقوم بالسلامة . لاتنسين خلي حمد يكلمني بعد العملية ..
ليلى ـ انشاء الله .. دانة .. كلمي عمتي هناء وعمي ناصر .. ترا .. عرفوا بالموضوع ..
دانة ـ شلون ؟؟ ومتى ؟؟
ليلى ـ أمس .. اتصلوا وقال لهم حمد .. عمي مصر يسافر .. وأنتي تعرفين حالته الصحية كلميهم وطمنيهم ..
دانة ـ انشاء الله ..توصين على شي ؟؟ ..
ليلى ـ لا ..سلامتج ..
دانة ـ مع السلامة .
صكرت من عند ليلى وهي تصيح . البست ملابسها ..
ــ قمر أنا بروح بيت ناصر .. اذا طلع ضاحي قولي له ..
قمر ـ اوكي ,,
راحت الدانة وهي متوترة وايد وخايفة موت على أخوها ناصر .. ليش يا حمد الغبي ..
وصلت بيت أخوها .. دخلت وكان الكل متجمعين في الصالة .. هناء وحسن وسلمان وناصر .. وشكلهم مهمومين حيل ..
دانة ـ السلام ..
وراحت لناصر ..
دانة ـ ناصر هونها .. ياناصر ..
ناصر ـ دريتي ؟؟
دانة ـ اييه .. خالد اتصل اليوم فيني .
هناء ـ كلمتيه ؟؟ شخباره ؟؟ شلونه ليش ما يرد على تلفوناتي ؟
وكانت دموع هناء تنزل مع كل حرف تنطقه ..
داة ـ هدي بالج يا هناء .. ما كلمته وايد .. كلمتين ولا ثلاث .. قالت ليلى أن حمد قال لكم ..
هناء ـ كنت تعرفين يا دانه ؟؟
تحاشت دانة تطالع في عيون هناء ..
هناء ـ كنتي تعرفين ؟؟
دانة ـ اييه ...
هناء ـ من متى .. قبل العرس ولا بعده ؟؟
ما قدرت داانه تقول لهناء الحقيقة ..
ـ بعده لما سافر حمد ..
ما حبت دانة تبين لهم أن حاله متأخر .. وما حبت تبين لهم أنه كان في فرصة يعالج من من زمان بدل العرس.. من عرسها كانت تدري بمرضه .. يعني من شهرين وشي ..
دانة ـ لا تخافين يا هناء . انشاء الله يشفى ويطيب ويرجع أحسن من قبل .. ناصر ..
حطت يدها على كتفه ..
ـ ناصر .. انشاء الله كل شي يتحسن ..
ناصر ـ وأنا كنت أهاوشه كل ما يتعب ويرجع البيت وينام .. كنت أشوفه تعبان وما شكيت .. وآخر مرة يوم طاح في الدوام شكيت لكني ما رحمته ..
دانه ـ ناصر لا تزيدها .. أرجوك .. لا تكدر عمرك زياده مو وقته .
انصدمت دانة لما شافت دموع ناصر ..
ناصر ـ وهالبنت المسكينه شلون تزوجها وهو ما يدري ان كان بيعيش ولا ..
دانة ـ ناصر . لا تقولها .. اسم الله على عمر خالد انشاء الله يقوم بالسلامة .. لا تفاول عليه يا ناصر .. وصدقني ليلى كا..
انتبهت الدانة انها كانت بتقول لهم عن ليلى وانها تعرف كل شي بس تنحنحت ..
ـ ليلى بنت أصل وأخلاقها عالية ولا يمكن تفكر بهالطريقة ..
تنهدت دانه وهي تشوف ناصر اللي انكسر جدامها .. حاولت تتطمنهم عنه .. وان مافي شي جايد بس محاولاتها كانت فاشله .. حسن اللي هو حسن اللي مايهمه حد في هالدنيا .. كان مهموم حيل ..
**************
رجعت البيت وهي مهمومه وايد .. كانت قمر مثلا ما تركتها تدرس في غرفة من الغرف ..
الدانة ـ السلام عليكم ..
قمر ـ وعليكم السلام ..
دانه ـ ما كنت أعرف أنج شاطره جي .
كانت دانه مستنده على الباب وشنطتها وعباتها وشيلتها على يدها ..
قمر ـ أنا شاطره من زمان .
قالت قمر هالجمله وهي ترفع شعرها كله وتلفه وتحطه على جنب ..
دانه ـ ليش أنا حاسه أنج كنت سرحانه طول الوقت موب مركزه في اللي تدرسينه ؟
رفعت قمر راسها .. وقامت عن السرير اللي فرشت عليه كتبها واوراقها ..
ـ شدراج ؟؟
دانه ـ كنت نافشه شعرج وهذا يدل أنج كنت تلعبين فيه .. ما كنت تدرسين ..
ابتسمت قمر ..
ـ تقريبا .. كنت أفكر نص الوقت والوقت الباقي كنت نايمه هههههههههه..
دانه ـ والامتحان ؟؟
قمر ـ مجرد كويز بسيط.. بس كنت محتاجه أشرد من البيت عن ضجة فهد ومحاضرات أمي ..
دانه ـ بس منيرة ما تم في البيت .
قمرـ لا .. من تزوجت بدور صارت ما تطلع وايد .. غير الجمعات والحفلات اللي تصير في البيت .. البيت انقلب نادي ليلي . لصديقات امي .ما اقدر اتم ساعه بدون ما حد يدخل الغرفه ولا يصارخ فيني ..
تنهدت قمر.. (كنت محتاجه أفكر .. ..(
دانه ـ وا عليه يا قمر .. بيتي مفتوح لج أي وقت واي ساعه .. شفتيه .. يخوف من كبره وفاضي ..
قمر ـ انشاء الله تترسونه بهاليهال .. آمين ..
ابتسمت دانه ـ وين ابو اليهال ؟؟
قمر ـ ما شفته ..
دانه ـ بروح أنا أشوفه ..
دخلت الغرفه بهدوء .. كان نايم ..
شالنوم اللي نازل عليه ؟؟
تذكرت دانه اللي صار اليوم .. تضايقت .. واختنقت ..
دانه ـ ضاحي ..
رفع راسه ..
دانه ـ كنت أظنك نايم ..
ضاحي ـ عندي بكره طياره الساعه خمس الصبح ..
دانه ـ بتسافر مرة ثانية ؟
ضاحي ـ اييه .. هالمرة للبحرين ..
دانه ـ ممكن أسأل ليش ؟
ضاحي ـ زيارة دبلوماسية .. وبالمرة أمر الوالده ..
دانه ـ بتطول ؟
ضاحي ـ لا .. ثلاثة أيام بس ..
كانت واقفة عند الباب ..
ضاحي ـ وين كنتي ؟
دانه ـ رحت بيت ناصر ..
ضاحي ـ اتصلت فيج وحده من زوجات اخوانج .
دانه ـ اكيد مريم ..
ضاحي ـ شرايج نطلع ؟
دانه ـ وين ؟؟
ضاحي ـ قمر اطلبت مني أني أوصلها لبيتهم .. اوصلها وبعدين نروح نتمشى ..
دانه ـ اوكي ..
كانت دانه محتاجه تطلع .. كانت متضايقه حيل ..
طلعت من الغرفة بهدوء وراحت لغرفتها .. غسلت ويهها .. وهي متكدره غيرت ملابسها .. وطلعت ..
كان ضاحي لابس ملابسه وناطر في الصاله وقمر بعد ..
قمر ـ اووه .. شالكشخه ..
دانه ـ أي كشخه ؟؟
قمر ـ بتطلعون مع بعض ؟
ضاحي ـ مالج شغل .. لاتتليقفين .
دانه ـ بس نتمشى .
ضاحي ـ my lady
قمر ـ وأنا ؟؟
ضاحي ـ وأنتي شنو ؟
قمر ـ وأنا موب ليدي ؟؟
دانه ـ لا انت سالي ههههه ...
كانت ضحكه بسيطه.. التفتوا لها ونظراتهم تقول شاللي يضحك .. لكن دانه كانت محتاجه تطرد هالتوتر اللي داخلها .. كانت محتاجه تنسى الدموع اللي اكتمتها في بيت ناصر .
ضاحي ـ انزين يلا للسيارة .
وصلوا قمر .. اللي شكرتهم ..
ضاحي ـ وين تبين تروحين ؟
دانه ـ ما ادري .. أي مكان ..
ضاحي ـ تعشيتي ؟
دانه ـ تذكرت أن هناء ما عزمتها على قلاس ماي .. بس اعذرتها لانها كانت منهارة .
دانه ـ لا ..
مروا مطعم وطلبوا عشا ..
ضاحي ـ شفيج ويهج موب طبيعي ؟؟
دانه ـ ولا شي .. بس كنت شويه تعبانه من ييت من الجامعه ما ارتحت .. مع قمر كنت أحل الهوم وورك.. وبعدين طلعت لبيت ناصر ...
ضاحي ـ طولت في بيت ناصر ؟
دانه ـ رحت الساعه سبع ..
ضاحي ـ ما قلتي لي ..
دانه ـ مريت الغرفة بس لقيتك .. لقيتك تتكلم تلفون .
حست دانه بارتباك ضاحي ..
دانه ـ ما حبيت أضايقك أكيد حد من ربعك ..
كرهت دانه نفسها في هاللحظة ليش هي جبانه؟؟ ليش بينت له انها ما تعرف شي؟؟ ليش غطت عليه .. ليش ليش ؟؟
ضاحي ـ اييه .. يمكن ..
دانه ـ اليوم ليش ما طلعت من البيت ؟؟
ضاحي ـ كنت محتاج أرتاح .. بكره يومي طويل .. من الصبح أول ما بنوصل بنروح وزارة الخارجيه وبعدين مقابلات وسوالف طويله .. بعدين على العصر بروح اشوف امي بعدين في مأدبة عشاء .. تعرفين .. سوالف الضيافه .
دانه ـ اتصلت في عمتي ؟
ضاحي ـ لاء .. ما اتصلت .. بعدين .. ما قلت لي .. الشعر اللي كتبتيه لي .. انت اللي ؟؟
دانه ـ أي شعر ..
ضاحي ـ ما انساه اللي قلتي فيه .
غيابك هجرك كذبك وخداعك.... خنجر طعن قلبي لكن اخونك؟؟
لالا يالغالي لاتتهمني بطباعك....أنا بنت أصل وأكبر من ظنونك
انتي اللي ..
دانه ـ اييه ..
ضاحي ـ ............ كلماتج خلتني أصحى من نوبه الغباء اللي كنت فيها ..
دانه ـ ارجوك ضاحي كان موقف سخيف ما احب اتكلم فيه ..
ضاحي ـ ولا أنا .. بس كلماتج وصلت .. وأنا مستغرب من أنج تعرفين تكتبين شعر ..
دانه ـ لا تنسى أبوي .. كانت عنده هالموهبه ..
ضاحي ـ يعني ما أذكره وايد ..
دانه ـ كان ابوي يقول الشعر.. بس للاسف مالحقت على حياته .. مات وانا صغيره .. بس امي كانت وايد تتكلم عنه فأحس أني كنت عايشه معاه .
ضاحي ـ الله يرحمهم ..
دانه ـ الله يرحمهم .
كانت دانه تآكل ببطء .. تنهدت ..
ـ أستغفر الله ..
ضاحي ـ ليش هالتنهيده ..
دانه ـ تذكرت أمي وأبوي .. ما قدرت أمسك نفسي .
*************************

رجعوا البيت وكان الساعه 11 في الليل ..
دانه ـ تصبح على خير .
ضاحي ـ وانتي من أهل الخير ..
دخلت غرفتها ودخل غرفته ..
أخيرا ريحت جسمها على سريرها .. ضاحي يعاملها كنها اخته .. حسته اليوم يكلمها ببساطه بدون تعمق مثل ما يكلم منيرة ولا بدور ..
شالسر اللي وراك .؟؟؟
الحمدالله بكره عندها محاضرتين الظهر . الدكتور اعتذر عن المحاضرة الاولى .
لفت ويهها الناحية الثانية ..
عمليه خالد .. يارب اشفيه ,.. يارب اشفيه .
مع انها صلت العشا في بيت ناصر .. قامت وتوضت وصلت ركعتين دعت فيها لخالد ..
*****************
لاء .. لاء ............ لاء.. ماااااااااات ؟؟ ماات لا خالد مال مات مات .. طالعت ناصر اللي كان يبجي وهناء اللي كانت تبجي صرخت وحست بروحها اطلعت من جسمها .. حست بان روحها اطلعت من جسمها .. بحزن الدنيا في قلبها .. طالعت خالد وليلى .. اللي كانوا مغطيين بثوب أبيض .. تحاول تمسكهم تركض لهم لكنها تعثرت ووو..
فزت من النوم بصرخه عوده ودموع كثيره
(لا ما مات لامامات .. لا يا خالد لاتموت .. (
دخل ضاحي وهو مخترع ..
كانت الدانه تصارخ وترتجف ..
ضاحي -- بسم الله الرحمن الرحيم .. دانه دانه تعوذي من الشيطان ..
دانه ـ مات مات .. مات ..
كان تبجي بقوة وهي ترتجف ..
ضاحي حضنها بقوة بس علشان يهديها ..
ـ دانه اصحي دانه ..
دانه ـ مات .. خالد مات .. مات .
ضاحي ـ دانه اصحي محد مات تعوذي من الشيطان ..
مسك قلاس الماي وشربها منه .. وهود لها وهي تبجي ..
ضاحي ـ تعوذي من ابليس ..
دانه ـ اعوذ بالله من الشيطان الرجيم اعوذ بالله من الشيطان الرجيم .. حلمت انه مات مات ..
ضاحي ـ دانه .. الموت في الحلم طولة عمر انشاء الله تعوذي من الشيطان .
دانه ـ بس كانوا يبجون ...
ضاحي ـ والدموع في الحلم فرح انشاء الله .. استهدي بالله بس .. وقومي اغسلي ويهج ..
دانه ـ لا إله الا الله ..
ضاحي ـ قومي ..
سندها لين الحمام .. انتبهت دانه انه كان لابس ..
دانه ـ بتسافر ؟؟
ضاحي ـ اييه .. الساعه ثلاث .. وطيارتي خمس ..
دانه ـ يعني كنت تبي تروح كالعاده مودعني بنوته ؟
ضاحي ـ تقريبا ..
اغسلت ويهها .. وطلعت تتريق معاه ..
ضاحي ـ ما كان لازم الريوق .
ابتسمت دانه وهي تشوفه لابس تكسيدو كشخه .. طالعه عليه جنان ..
خاصه انه طويل وجسمه ممشوق ..فطلعته وسيم ..
دانه ـ حلقت لحيتك ؟؟
ضاحي ـ اييه ..
كان شكله مرتب .. هو موب حلو .. بس موب قبيح . ..بس كان شكله رزه ..
ـ رايح ببدله ..
ضاحي ـ اييه .. شرايج فيها ؟
دانه ـ وايد انيقه .
ضاحي ـ من ارماني . .
كانت غير عن كل البدلات اللي عنده .. راقيه وحلوه ..
طالع ضاحي الساعه ـ تأخرت .. ..
وقف بسرعه بدفاشه فاهتزت الطاوله وانكب على قميصه الابيض تحت الجاكيت الاسود الشاي .
ضاحي ـ بروح أغير قميصي ..
دانه ـ الشاي كان حار أكيد أذاك .. ..
ضاحي ـ لا كان بارد ..
دخل ضاحي غرفته بسرعه .. ودانه اركضت للمطبخ يابت ثلج الجاي كان حارق اكيد حرقه ..
دخلت الغرفه وهي شايله قلاس الثلج اللي خلال ثواني طاح على الأرض وتكسر ونثر القطع اللي فيه كلها في كل مكان ..
التفت لها ضاحي وبسرعه تلخبط وغطى جسمه ..
ارتجفت الدانه .. وقف شعر جسمها من اللي شافته ..
دانه ـ .................................................. .....ظهرك ...
نزل ضاحي راسه ..
دانه ـ لهالسبب كنت ........
كانت ترتجف .. دموعها انزلت غصب عنها ..
دانه ـ شلون ؟؟
ضاحي ـ حادث ..
كان ظهر ضاحي مشوه .. محترق بالأحرى .. فيه وايد خدوش وندبات وغرز .. كان قبيح منظره .. جزء جسمه اللي فوق كله كان مشوه ..حست دانه ان ضاحي انهار .. ما تقدر تطلع وكأن ما شي صاير .. لبس ضاحي قميصه ..
تنهد ضحي وطالع لها بانكسار ..
دانه ـ اذا ما تبي .. أنا ما أجبرك تقول لي شي ..
انسحبت بهدوء.. ودخلت غرفتها .. هذا هو السبب اللي خلاه بعيد عنها .. هالسبب اللي خلاه ما كان يبي يتزوجها .. موب أنه كارهها.. لاء.. أنه عنده هالسر ..هالتشوه في جسمه وكان منحرج منها.. حست دانه براحه وبنفس الوقت بمشاعر غريبه .. اخترقتها من شافت نظرة الانكسار في عيون ضاحي ..
الراحه أنها موب السبب في فشل حياتهم مع بعض ..
دخل ضاحي بعد عشر دقايق وهو لابس ثوب النوم ..
دانه ـ ما بتسافر ؟؟
ضاحي ـ اعتذرت .. ما قدرت أقنعهم بسهوله ..
دانه ــ زين ليش ما سافرت ؟؟
ضاحي ـ يا الوقت اللي أوضح فيه كل شي لج .. أنا مديون لج بهالشي ..
دانه ـ ضاحي .. اذا ما تبي تقول شي أنا متفهمه ..
ضاحي ـ لي متى بتظلين جي ؟؟ دانه أنا أدري أنا في نار قايده داخلج .. أدري أنج ماحابه هالتشتت اللي حنا فيه ..
ما علقت الدانه ..
ضاحي ـ كنت بقولج ليله العرس ..
دانه ـ بس أنا نمت ..
ضاحي ـ لاء .. موب هذا السبب.. دانه انبهرت فيج.. كنت جميله جدا وقارنت نفسي فيج .. حسيت بفرق كبير.. جبنت. .. ولما نمت .. كأنج ريحتيني من عذاب نفسي ..
دانه ـ لاتقول هالكلام ..
ضاحي ـ هذي الحقيقة . كنت جميله .. كنت رائعه ... وأنا كنت ولاشي جنبج . انا موب وسيم.. وعندي هالتشوه البشع في جسمي .. حسيت أني موب كفو لج ..
دانه ـ ضاحي لا ..
ضاحي ـ شش.. خليني أكمل دام عندي شويه شجاعه.. من خمس سنوات.. كنت مثل فيصل.. وهالسبب اللي خلاني اكرهه ..حطمت حياة بنات وايد.. كنت مشكلجي بشكل كبير وبسبب وظيفتي كنت اقدر أطلع منها مثل الشعرة من العجينه .. كنت مثل فيصل هالحين.. ما يحكمني ابو ولا قانون ولا ام ..يقولون العرج دساس .. وهالشي صحيح .. أبوي هالحين في مصر مع زوجته اليديده ومن شهر كان في سوريا.. لنفس السبب.. مع اختلاف المتيريال.. اييه . كلنا كنا معروفين بالدون جوانيه ... وانتي شفتي امي.. ما يهمها في هالعالم غير بنتها اللي ترملت صغيرة .. راحت تعيش معاها تاركتنا بدون كونترول ..
دانه ـ بس انتوا كبار ..
ضاحي ـ أمي تركت البيت من كان عمري 16 سنه .. وأبوي طلقها اول مرة من كان عمري سنه بس رجعها بعدين.. شوفي اضرار هالتفكك.. سالم ضعيف الشخصية.. ومنيرة تبي تتحكم في كل شي بجشع وطمع كريه.. وانا كنت . ... ما كان لي رادع .. ما انكر خلصت جامعتي والتحقت بوظيفه كبيرة.. بس كان لي جانب سيء.. لين تعرفت على منار.. منار كانت موظفه في الوزارة الخارجية التركيه..كانت مترجمه لغة عربية.. وانجليزية.. ما ادري شاللي جذبني لها بهالقوة.. يمكن تجاهلها لي.. وهالشي ما تعودته من أي بنت .. بعد محاولات وايد باءت معظمها بالفشل.. أخييرا تزوجت منار.. وتغيرت نظرتي للدنيا ..تغيرت بسببها .. كانت الشي الوحيد الي حبيته في حياتي.. كانت الحضن اللي ألجأ له دايم .. كتمنا زواجنا.. وانتقلت لوظيفه مؤقته في السفارة القطرية بتركيا ..حملت منار.. ويابت بنت وايد حلوة .. لين هاللحظة .. كانت حياتي كامله ..
دانه ـ عندك بنت؟؟
ضاحي ـ اييه .. اييه .. عمرها هالحين اربع سنوات ..
دانه ـ وأمها اللي كنت دايم تكلمها ؟؟
ابتسم ضاحي ..
ـ كنت شاكه وساكته ؟؟ لاء .. كنت أكلم .. مايا ..
دانه ـ مايا ؟؟
ضاحي ـ بنتي ..
دانه ـ اسمها مايا ؟؟
ضاحي ـ اييه ..
دانه ـ ومنار ؟؟
ضاحي ـ قلت لج لين يابت منار مايا وأنا حياتي كانت مثاليه.. في يوم كنت انا ومنار رايحين لحفلة بين دبلوماسيين كنت مدعو لها.. وتركنا مايا عند جدتها سهى أم منار.. اللي كانت سورية متزوجة من تركي ..ولهالسبب كانت منار تعرف عربي ممتاز ... امها مدرسة لغة عربية ..صار الحادث ..اللي فقدت فيه منار .. وصار لي هالتشوه في جزء من جسمي ..
دانه ـ ماتت ؟؟
ضاحي ـ اييه .. من ثلاث سنوات وانا اتهرب من طيفها .. لين أجبرتني منيرة على الزواج.. الي كنت رافضه ..
دانه ـ هي اللي كنت تحتفظ بصورها تحت مخدتك ؟؟
ضاحي ـ اييه .. ماتت منار ؟؟ ومايا ؟؟
دانه ـ وبنتك ؟
ضاحي ـ مع جدتها .. منار كانت البنت الوحيده لسهى ..وانا ما كان وقتي فاضي.. رجعت شغلي للدوحه.. وتركت مايا عند جدتها.. بس أنا أشوفها تقريبا كل اسبوعين .. وبنتي تعرفني .. وآدز لها هدايا و أشياء وايد ..
نزلت دانه راسها ـ ليش ما قلت لي ؟؟ ليش ؟؟
ضاحي ـ ..................
دانه ـ توقعتني يعني بزعل وبعصب وما برضى ؟؟
ضاحي ـ ..............
دانه ـ يمكن مفروض يكون هذا شعوري .. لو أني في مكان قمر ولا في مكان بدور .
سكت دانه.. وحست أنها اذا قالت زياده بتتعب نفسيا.. كانت تبي تترجم له أنها مالها مكان بين اخوانها وأنهم ملوا منها .. كانت عايشه سنتين من العذاب في التنقل بين بيوت أخوانها .. ابتسمت لضاحي ..
ـ كان مفروض تقولي .. مهما كان .


الحلقة الثامنه عشر
صباح الخير ..
فتحت عيونها ولقته يبتسم لها .
فزت من سريرها ـ الساعه كم ؟؟
ضاحي ـ ثلاث ..
دانه ـ لا .. عندي محاضرة لاء ..
ابتسم ضاحي .. استحت دانه ..
ـ صباح النور .. ولا GOODAFTER NOON
ضاحي ـ نمنا متأخر ..
دانه ـ اييه..
رتبت شعرها .. ودخلت الحمام تآخذ دش وتجدد نشاطها .. وكان حمام طويل .. راجعت فيه كل اللي صار امس من اعتراف ضاحي لها بالحقيقة
طلعت وماكان موجود.. البست ملابسها.. ومشطت شعرها .. حطت مكياج .. ابتسمت . اخيرا انزاح هالحاجز اللي بينها وبين ضاحي.. هالسر اللي كانت حاسه فيه انكشف . وقبل كل شي .. ضاحي انسان حساس رقيق . وهالصفات كان مخبيها تحت ستار خشونته وقسوته ..
رشت عطر شوي ..
ضاحي ـ نعيما ...
دانه ـ الله ينعم عليك ..
باس خدها .. لعب شوي بشعرها ضحكت ..
ضاحي ـ بتمرضين .. ما تجففينه ..
دانه ـ ما يجف بالهين يبي له ساعة او ساعتين يلا يجف ..
طالعت له دانه في المنظرة .. وطالع لها بنفس الوقت .. استحوا الاثنين ونزلوا راسهم ..
***********
بدور ـ بتجي أمي الاسبوع اللي ياي ..
اعتفس خالد ـ ايش ؟؟
بدور ـ بتيي امي الاسبوع اللي ياي .. شاللي ما فهمته؟
خالد ـ وين بنحطها ؟؟
بدور ـ بتنام معاي .. وانت تنام في المكتب وين تنام كل ليله بدون ما تعبرني ..
خالد ـ بدور بس مرتين من التعب نمت ..
بدورـ انشاءالله مرة .. مجرد انك فكرت تنام وأنا موب قربك أعتبره خيانه.
خالد ـ خيانه ؟؟؟؟؟؟؟؟؟؟؟؟؟؟؟؟؟؟؟؟؟؟؟ والله انج مخرفه ..
تعب خالد .. بدور كل ما يالها تختلق مشاكل سخيفة.. والسبب انها فاضيه.. يتمنى خالد لو يرجعها للبلد ويرتاح خصوصا ان وقت الجد بدى عنده ..
خالد ـ بترجعين مع أمج ..
بدور ـ ايش ؟؟
خالد ـ أمزح ..
مستحيل يعيش بروحه هالاربع اشهر اللي يايه ..
بدور ـ ليش عندي احساس انك تقصد اللي قلته .
خالد ـ متى بننتهي ؟؟
بدور ـ خالد مليت ..
خالد ـ قلت لج ..بنشغل بدراستي ..
بدور ـ أنا طول اليوم بروحي .. مليت ..
خالد ـ وأنا بعد .. طول اليوم بروحي بعيد عنج ..
حضنها خالد يبي يهدي السالفه اللي تتكلم عنها كل ليله ..
****************
اتصلت في هناء حوالي عشر مرات .. وهناء كانت مثلها ما عندها أي معلومات عن عملية خالد ..
ظلت طول اليوم ماسكه جوالها .. ناطره اتصال .. ضاحي في دوامه .. وهي في جامعتها ..
الغرور ـ دانه .. هالثلاث ايام اللي مرتا تغيرتي فيها ..
دانه ـ من أي ناحيه ؟
الغرورر ـ احلويتي زياده .....صرت .. غير شوي ..
كانت النفسية هي اللي لعبت بحال دانه .. كانت شايله هم زواجها وهم خالد .. وانزاح عنها الهم الكبير هم زواجها.. أخييرا صارت تحس انها تنتمي لبيت ضاحي .. اخييرا حست بالراحه النفسية ,.. بس ظلت مشكله خالد .. وهي تتمنى انه يقوم من العمليه بسلامه .. مر ثلاث ايام من كلمته ..
دان ـ مافي شي ..
الغرور ـ لا يكون حامل ..
دانه ـ لاء .. موب حامل ..
قمر اسألتها نفس السؤال .. ومنيرة بعد .. وشافت مريم امس وسألتها نفس السؤال ..
ارتاحت من هم .. بقى هم واحد وهو صحة خالد ..
الغرور ـ وين سرحانه ؟؟
دانه ـ ولا مكان ..
رجعت البيت وهي شايله هم خالد .. انحصر تفكيرها هالحين في خالد ..
كان ضاحي وجود .. ابتسمت له ..
ضاحي ـ كأنج تأخرتي اليوم ؟؟
دانه ـ لا .. اليوم ثلاثاء .. ومحاضراتي لين الساعه ثلاث .
ضاحي ـ اشتقت لج ..
ماقدرت دانه نزلت راسها .. وهي تبتسم .
ـ وأنا بعد ..
يلست جنبه ـ ليش ضايق ؟؟
ضاحي ـ بسافر سوريا .. وبعدين بمر مايا في تركيا..
اكتئبت دانه.. كانت صج محتاجته قريب منها في هاللحظات الحرجه ..
دانه ـ متى ؟
ضاحي ـ بكره ..العصر ..
دانه ـ اوكي ..
ضاحي ـ يمكن أييب معاي مايا عندج مانع ؟؟
ابتسمت ـ لاء ..بالعكس ودي اشوفها ..
ضاحي ـ ماعندي صور لها هنا .. صورها في المكتب .. بكره لما ارجع من الدوام بيب لج معاي صورة ..
دانه ـ ممكن أسألك سؤال ؟
ـ اسألي ..
دانة ـ كم عمرك ؟؟
ضاحي ـ ما تعرفين ؟؟
دانه ـ ناصر يقول لي 24 وحمد 26 ..
ضاحي ـ عمري 28 سنه ما فكيتي عمرج من هالحيره وطليتي في بطاقتي الشخصية ..
دانه ـ ما ادري .. ما فكرت بهالشي ..
ضاحي ـ شسويتي اليوم ؟
دانه ـ ولا شي .. محاضرات ممله .. ودكاتره مملين أكثر .. بس شفت قمر .. تسلم عليك ..
ضاحي ـ متى خطبتها ؟
دانه ـ بعد العيد .اعتقد,,
ضاحي ـ قرب رمضان .
دانه ـ الاسبوع اللي ياي ..
ضاحيس ـ الايام تمشي بسرعه ..
دانه ـ اييه .. تغديت ؟؟
ضاحي ـ اييه في الدوام وانتي ؟؟
دانه ـ اييه اكل الكافتيريا المعفن ..
ضاحي ـ ليش ما طلعتي وتغديتي ورجعتي كملتي محاضراتج ؟
دانه ـ ما ادري ما كان عندي وقت ..
*****************
الساعة 2.30
رن جوال الدانه نطت .. وبسرعه ردت قبل لا يصحى ضاحي ,
ـ الو ..
وهي تهمس ..
حمد ـ آلو هلا بدانه .
طلعت دانه بره الغرفه وصكت الباب بشويش علشان مايصحى ضاحي ..
ـ هلا بحمد ها بشرني شلون عملية خالد ؟
حمد ـ الحمدالله استأصلوا الورم ..
كان صوته صج تعبان ..
دانه ـ صج ؟؟ الله يبشرك بالخير .. نجحت العملية ؟؟
تغرقت عيون الدانه بدموع ..
حمد ـ اييه الحمدالله دخلوا من سبع ساعات والحين الحمدالله طلعوا ..
دانه ـ الحمدالله الحمدالله .. كلمته شفته ؟؟
حمد ـ ممنوع لين بكره ..
دانه ـ زين وبعدين ؟
حمد ـ انشاء لله يتحسن مع العلاج ..
دانه ـ كيماوي؟
حمد ـ لا .. هو ورم موب خلايا سرطانية .. بس كان حاله وايد متأخره ..الحمدالله انهم لحقوا عليه ..
دانه ـ وليلى ؟؟
حمد ـ موجوده بس بعيد هالحين في الكافتيريا ..
دانه ـ الحمدالله .. اهم شي سلامته ..
حمد ـ الحمدلله .. كانت عمليه خطره وايد .
دانه ـ الحمدالله .. متى بترجعون ؟؟
حمد ـ بعد تقريبا اسبوعين اذا تحسنت حاله ..
دانه ـ انشاء الله .. يا عمري يا خالد يا عمري .. الحمدالله .. والله اشتقت له مووت ..
حمد ـ قولي لمي وبوي ما قلت لهم ..
دانه ـ انشاء الله .. زين يالخايس ليش ماتتصل تاركني في نار ؟؟
يلست على الكرسي ..
حمد ـ أخاف تسندريني ببنت اخوج .
دانه ـ اايييييه .. القمر..
حمد ـ قصدج القهر ..
ابتسمت دانه ماتذكر وين اسمعت اللقب عن قمر من قبل.
دانه ـ ليش انشاء الله .. انت بس ترجع يسون حفلتين .. حفلة رجوع خالد والحفلة الثانية خطوبتكم ..
حمد ـ خلاص ماني براجع ..
دانه ــ ارجع بس ارجع ..
حمد ـ وأتزوج هالمايعه؟؟ لاء ..
دانه ـ نشوف بعدين .
حمد ـ ما بيخلوني اتزوج هالخام مستحيل .
دانه ـ زين ما يحتاي نقاش في هالموضوع لانا انتهينا منه يلا مع السلامه بتصل في بوك ..
حمد ـ ما انتهى سمعتي لما ارجع نتفاهم..
اتصلت دانه في ناصر موب هامها الوقت وقالت له الخبر وحست بفرحته ودموعه مع انها بس تسمع صوته ..
*************

صكت التلفون وهي معصبه ..
ـ شفيج؟؟
ـ سمعت خبر من امي .. ما ترتاح يا حبها للتقليد في كل شي ..
خالد ـ بدور؟؟ شفيج تحرطمين؟؟
بدور ـ قمر الشيخة ما هدا لها بال الا تنخطب .. ما ترتاح الا لما تآخذ كل الاهتمام ..
تضايق خالد.. وانزعج لهالخبر ..
ـ انخطبت ؟؟ لمن؟؟
بدور ـ هالمتعوس المنحوس المعقد حمود .
خالد ـ من؟
بدور ـ حمود ولد عمي ..حمد نسيته؟؟
خالد ـ لحمد؟؟
بدور ـ اييه .. هالكريهه ما ارتاحت الا تتزوج عقبي علشان تطير مني اللقب .
خالد ـ..................
بدور ـ بتصير هي العروس اليديده أنا أراويها هالعفنة ..
كان خالد مصدوم .. حس بخنقه .. قمر بتآخذ حمد ؟؟
انصدم بقوة .. قمر بتآخذ حمد ؟؟ بس قمر له ,,,له ..
******************
ظلت دانه مستغربه شلون ضاحي يطلع من غير ما يسلم عليها؟؟ نطرته طول العصر.. ما يا .. وهذا يعني انه سافر.. اتصلت فيه ما يرد .. ماتعرف ليش ..
مرتها قمر هي ومريم ..
قمر ـ شفيج ؟؟
دانه ـ ضاحي سافر من دون ما يكلمني ..
قمر ـ متزاعلين؟؟
دانه ـ بالعكس .. أنا وهو سمن على عسل .. ما ادري ليش طس جي واختفى .
مريم ـ تلاقينه مالحق هو بين شخصيات سياسية الحماية عندهم اوفر يمكن مالقى وقت يتصل ..
دانه ـ يمكن ..
ضيفتهم وتموا يسولفون لين المغرب ..
مريم ـ اووه رمضان غير يالدانه .. غير لازم تيين البيت مبجر وتجهزين سفرتج .
دانه ـ ادري .. أمي مع اني كنت صغيرة الله يرحمها علمتني كل شي ..
قمر ـ هالسبب هو الي خلا امي بتسافر لبدور .. أن بدور ماتعرف شي وبيكوون صايمين ..
دانه ـ يمكن ..
مريم ـ أنا بيب لج أغراض رمضان .. أدري مع دراستج ما بتفضين ..
دانه ـ والله ما ادري شقول .. مشكورة يا مريم ما أطلع من يزاج ..
مريم ـ هالحين بروح لهناء أتحمد لها بسلامة ولدها تيين يا قمر ؟؟
قمر ـ مع الدانه ايي في الليل .. عندي كم واجب ..
طلعت مريم بعد ما سلمت على الدانه ..
الدانه ـ يسلم عليج .
قمر ـ من؟؟
الدانه ـ حمد ..
قمر ـ مرياااااااااااااااام انطريني يايه معاج ..
الدانه ـ وين رايحه ؟
قمر ـ دام بتفتحين هالسيرة ما بيلس هنا .
دانه ـ خلاص .. روحي لعمتج ام خطيبج وتحمدي لها بسلامة حماج ..
عصبت قمر ـ والله انج حمارة ..
دانه ـ مريم ؟؟؟
قمر ـ ما برووح ..
دانه ـ شوفي الجانب الايجابي .. وأنتي وليلى بتظلون قريبين من بعض .. ومني ..
قمر ـ بس ما ابي حمد .. تعرفين من الي في بالي ..
دانه ـ رجعنا !!!! خلاص نظفي مخج من الصدا .. تراج خرفتي قبل عمرج .
قمر ـ اتطنزي انتي موب حاسه في هالنار اللي داخلي ..
دانه ـ يالخبله ياتج فرصه من ذهب تعيشين حياة ثانية يالخبله حمد أحسن من هالسخيف اللي ابتلت فيه اختج ..
قمر ـ لاتقولين عنه سخيف .. هو الي ابتلى فيها موب هي اللي ابتلت فيه ..
دانه ـ ياربي .. انا ما بقول شي .. بس بكره بتقولين وين حمد ووين هالزفت خالد .. تعالي نروح لغرفتي أدرس .
قمر ـ زين ليش انتي وخالي تنامون في غرف منفصله؟؟
دانه ـ لا .. غرف وايد في البيت . أنا جامعه .. وهو وظيفته .. كل منا يبي له مساحته الخاصه .. بعدين أنا ارجع في اوقات يكون هو نايم فيها ما ازعجه وارتاح في غرفتي ..
************
البيت فاضي .. قمر ما قدرت تبات معاها ..لان منيرة عصبت عليها . حست أخيرا براحه خالد قام بالسلامه ..
دخلت الغرفة .. وهي مستغربة من ضاحي .. شلون ما يتصل فيها ؟؟
حاست دفاترها بحجة الدراسه لكنها تعبت ..
قلبت قنوات التلفزيون .. مافي شي سنع ..
قامت تتمشى في البيت وهي ملانه ..
الساعة 1 في الليل .. ..حتى الخدم نايمين .
في الصالة كان الاستيريو وجنبه سيديات وايد ..
لقت السيديات .. لقت ام كلثوم وعبدالحليم ومحمد عبدالوهاب .. الجيل القديم كله .. حتى عيسى الاحسائي ...وفرج عبدالكريم ..
حطت عبادي الجوهر ...
كلمة ولو جبر خاطر ...ولا سلام من بعيد ..
ولا رسالة يا هاجر ..بيد ساعي البريد ...
أنا في انتظارك تقابلني وتسمع قصتي حتى النهاية ..
وأنت اختيارك تسامحني اذا حبيت أو تنسى هوايا ..
حرام كسر الخواطر .. كثر الجفا مايفيد ..
حرام مادمت فاكر تهجر وتبعد بعيد ..
كلمة ولوجبر خاطر .. ولاسلام من بعيد .. ولا رسالة ياهاجر بيد ساعي البريد ..
ان كنت ناوي تعذبني أنا راضي بتعذيبك واحبك ..
من مثل أنت يقنعني ومن يقدر يخليني أسيبك ..
حرام كسر الخواطر كثر الجفا مايفيد .. حرام ما دمت فاكر تهجر وتبعد بعيد .....
ايه من ذنب عندي استاهل عليه هجرك والعناد ..
ياللي خنت عهدي بعد الود ليه ؟؟ من بعد الوداد من بعد الوداد .. ))
ـ أرق؟؟
التفتت دانه للصوت . وماقدرت ما تبتسم ..
كان ضاحي واقف وهو مبتسم..وبين يديه بنت صغيره ..
قامت له وسلمت عليه وخذت منه هالبنت الصغرة .. كانت البنت ملاك صغيير ..
ـ شلون تسافر جي بدون ماتكلمني ؟
ضاحي ـ تكنسلت المهمة اللي كنا بنروح لها .. فسافرت تركيا ويبت البنت من عند يدتها .. اللي طولت يلا استوعبت ..
ـ في يوم واحد؟؟ تسافر تركيا وترجع؟؟
ضاحي ـ لا تنسين أنا مين؟؟ وبعدين أنا سافرت الصبح الساعه سبع .. وعلى ريولي من الصبح ..
دانه ــ حمدلله على سلامتك .. يعطيك العافيه .. ارتاح ايلس ..
حطت دانه البنت ودخلت تيب لريلها شي يروي منه ...
***********************
تخللت أصابعه في شعرها .. وطالع لها بنظرات حنونه ..
ـ اشتقت لج ..
نزلت عيونها .. اللي في ثواني ذرفت دمعه ..
ـ ليش الدموع ؟؟
ـ اليوم حسيت بالغربة لما سافرت .. بعد ما حسيت بالامان أخيرا وراحه البال ..
طالع لها بنظرات غريبه ..
ـ أمان ؟؟
ـ أكيد,, كنت ضايعه نفسيا ومعنويا في الفترة اللي راحت .. كنت خايفه .. بس الحمدالله بعد صبر طويل .. الحمدالله الله انعم علي بزوج حنون .
ـ بس حنون ؟
ابتسمت .. كل المشاعر في قلبها لضاحي مالها نهاية .. كأنها ينبوع تفجر في صحرا مشاعرها .. خلاها تتلون بألوان هالمشاعر وترتوي منها ..
ـ تبيني أمدحك ؟؟ بدري ..
ـ ليش بدري ؟
دانه ـ ........
ضاحي ــ تستحين ؟؟ عالعموم أنا ما كنت أبي مدح بس كنت أبي أشوف شلون يكون ردج ..
ــ خلاص ..أبي ردك ..
التفت ضاحي في هاللحظة يمسح على راس بنته مايا ..
وكانت هي جالسه جنبه .. بينهم شبر ..
ــ أوكي ردي عن نفسي ؟؟
ابتسمت ـ لاء طبعا .. ردك عني ؟؟
ـ ليش تطولينها وهي قصيرة ؟؟ قولي امدحني ..
ضحكت ..
انتبهت لنظراته وهي تضحك ..
دانه ـ ليش تطالعني جي ؟
ضاحي ـ أحبج لما تضحكين ..
ارتاحت دانه .. وحست بشعور غريب ..
ضاحي ـ أحسج .. تنورين بهالضحكه ..
دخلت الخدامة وهي شايله بيدها صينية العشا ..
نزلت دانه راسها ... وقام ضاحي .
ـ بروح أغسل يديني وجههي ..
دانه ـ ثانك يو روزيتا ..
روزيتا ـ اني ثنج ايلس ؟؟
دانه ـ نو ثانكس باك تو سليب .
روزيتا ـ قود نايت ..
قامت دانه لقرب مايا.. كانت نايمه مثل الملاك .. ما تشبه ضاحي ..كل الشبه لأمها اللي شافتها دانه في الصور ..
رجع ضاحي ..
ــ وين راحت الخدامه ؟
ـ راحت تنام .. ليش تبي شي ؟؟
ضاحي ـ كنت أبي جاي ..
دانه ـ رايحه أسوي جاي ..
ضاحي ـ لا .. أخاف ما تعرفين ..
دانه ـ لا صدقني .. أعرف .. ما تدلعت لهالدرجة ..
****************
ضغط على أسنانه بقوه بس علشان يكتم غيضه ..
ـ وبعدين ؟
عصبت بدور قامت وخذت مجلاتها ودخلت الغرفة وهي معصبه ..
مسك كتاب كان يقرا فيه.. ومسك قلم .. فرغ غضبه بهالقلم وكسره بقوة .. وحذف الكتاب على الأرض بعصبيه ..
((متى بتفهم هالحمارة ؟؟؟))
تعب خالد من نكد بدور ودلعها .. وعدم احترامها لانشغاله في الامتحانات والواجبات ورغباتها الدايمه في الطلعات والسوق والمولات .. لو أنهم في الدوحه كان أمان تطلع بروحها ما يخاف عليها .. لكنهم في أمريكا.. أم الجرايم والمصايب .. ماتقدر تطلع بروحها .. ولا مع أي بنات بعيد عن نظره .. بين كل ثلاثه تشوفهم في الطريق في واحد مجرم ..
عصب أنها تتجاهل حاجته للدراسه وبذل جهده .. وماهمها إلا وناستها ..
بس في نفس الوقت ما يلومها ... ما يقدر .. صار لها أشهر بين هالجدران .. وبروحها .. خصوصا أن ماريا ماتجي إلا علشان شغل البيت ..
فكر .. عرس عبير بعد العيد .. بيسافر ولا لاء ؟؟
طبعا بيصادف الكريسماس هنا .. فتكون أجازه قصيره .. يترك بدور في بيت عايلتها ويرجع يكمل .. وجوده بروحه ينهي كل دراسته .. ويرتاح ..
خذ جاكيته وطلع برا البيت يتمشى ..
كان الجو بارد وايد .. والناس وايد .. نيويورك في الليل أحلى منها في النهار .. كان مكتئب من سمع زواج قمر.. حاول يكتم غيظه لكنه ما قدر .. بدور لاحظت عليه شروده وبروده .. ولاحظت الضيقه اللي هو فيها ..وسألته ان في شي يعكر مزاجه لكنه برر لها أنها الدراسه.. ما يقدر ينسى قمر .. صج يشبهون بعض وايد .. لكنه .. يلس مع قمر ساعتين وأعجبته وايد تمكنت من قلبه في ثواني .. وبدور ما كان لها أي محل من الاعراب في حياته قبل ما يغلط ويتزوجها بالغلط.. بدور موب شينه حيل . لكن قمر لها .. لها شي في قلبه .. دخل محل قهوة .. كان يبي يدفي عظامه شوي ..
-hi ..
كانت كاثرين الي معاه في المستشفى .
-hi
- can I …..
أشر لها خالد على الكرسي ..
- be my gest..
- thanks… are you wating for someone?
-no …
- do you finish your search?
- no
-I can help you with it..
استانس خالد...أخيرا حد يساعده في هالبحث الملعون ..
- realy?? Do you know about the referance??
-yeh ..meet me tomorrow here I will bring some books..
انتبه خالد انها تطالع رفيجتها اللي واقفه عند المدخل ..
- we will go to drink a beer if you want to came??
- thanks..i don’t drink..
كانت نظراتها واضحه .. نظرات اعجاب.. شرب خالد قهوته وطلع يتمشى . بعد نص ساعه رجع البيت وهو مشتري معاه كم مجله أجنبية طبيه ..
دخل لمكتبه وما مر بدور.. موب كل مرة يراضيها تعب .. قلب في هالمجلات..وبعدين حط راسه ونام على الكنبه اللي في مكتبه ..
**************
بانت هالحين فايده ثانية للعيش ببيوت أخوانها طول هالسنتين الي راحو.. انها تقدر تتواصل مع اليهال ..
مايا ـ بدك تآكلي؟؟
مايا رغم عمرها الصغير فيها عقل كبير أكبر من عمرها ..
دانه ـ اييه .. أبي آكل .. وأنتي؟؟
مايا ـ ما بدي ..
دانه ـ ليش؟؟
مايا ـ ما بدي ..
دانه ـ بدك تيته؟؟
هزت مايا راسها بدلع ..
الظاهر البنت متولعه في يدتها ...
ـ بس بابا موجود ..
مايا ـ موجود؟.؟؟
نادت دانه ضاحي اللي كان في مكتبه يتصل في ربعه ..
ـ نعم؟؟
دانه ـ مايا ..بابا موجود بدك تآكلي؟؟
هزت مايا راسها باي ..
ضاحي ـ من ناداني؟؟
قامت دانه لين عنده عند الباب وهمست ..
ـ مستوحده .. شكلها خايفه ..ماتبي تتريق الا لما سمعت صوتك وشافتك .شكلها تبي يدتها ..
ضاحي ـ هي متعلقه وايد في يدتها .. حاولي تعودينها عليج ..
ـ انشاء الله تعال تريق معانا .. ما بتتعود لين تشوفك معاي ..
ضاحي ـ عندج جامعه؟
دانه ـ اييه .. بس مابروح ..
ضاحي ـ ليش؟
دانه ـ هالايام ما بروح .. ماعندي شي


الحلقه التاسعه عشر
ـ كل عام وأنتي بخير .. ومبارك عليج الشهر ..
كان خالد يكلم منيرة ببرود شديدوهو منصدم من هالتغييرات اللي فيها .. صايره أصغر من بدور ..
منيرة ـ مريت فرنسا مع رفيجتي.. وبعدين ييت هنا . ..
بدور ـ يمه اشتقت لج وايد ..
خالد ـ وايد محلوة عمتي ..
منيرة ـ لاتناديني عمتي .. تبين أني كبيرة .. نادني بمنيرة عادي ..
بدور ـ واو منور .. شكلج فله .. مسوية ريلوك؟؟
منيرة ـ شفت أنا مزوجتك بنتي الذكيه ؟؟
بدور ـ بنتم واقفين هنا في المطار ؟؟ يلا خالد
منيرة ـ اييه .. أكيد ريلج صايم .. ما نبيه يتعب ..
طالع خالد الشنط اللي يابتها منيرة معاها واستغرب . اهتمامها بعدم تعبه وو بيشيل هالبلاوي ..
منيرة ـ يبت سيلينا معاي ترتب أغراضي لي ..
طالع خالد سيلينا اللي كانت مبتسمه له وهي شايله شنطة المدام الصغيرة ,,
وقال في قلبه (( لو أني منها كان انحشت من زمان ((
طلعت بدور مع منيرة وتم خالد مع سييلينا يحاولون يتدبرون الشنط ..وقال لها وهو يمزح ـ اهربي سيلينا.. في لجنه حقوق الانسان هنا .. جلدي اركضي .. هذي أمريكا .. الحيوان له حقوق هنا .. هاف رايتس ..
ـ عاد تفهمك ولا لاء؟؟
التفت خالد للشخص اللي كلمه . وكانت مفاجأة !!!!!!!!!!
خالد ـ فارس ؟؟
فارس ـ اييه ..
سلم عليه ..ـ شتسوي هنا يا أخوي؟؟
فارس ـ في مؤتمر طبي ودعوني له .. ييت أنا وكم دكتور من الخليج ..
خالد ـ أهلا ..
فارس ـ ما بزعجك .. الظاهر مستقبل ناس من هلك ..
خالد ــ أم المدام ..وين بتنزل؟؟
فارس ـ في فندق .. ما أدري والله بالضبط وين ..
خالد ـ خذ هذا رقمي اول ما تستقر .. اتصل فيني ..
فارس ـ انشاء الله .. وليش تبي تتنحش الخدامة ؟؟ خبل انت؟؟ تبي الاهل يطرشونك تدور عليها ؟؟
خالد ـ شسوي .. الايثار وما يسوي .
.....
ــ الشقة وايد صغيرة ؟ وين بنام أنا ؟؟
خالد ـ هذا المتوفر ..
منيرة ـ سيلينا وين تنام ؟؟ ايش هاذا ؟؟ وأنتي متحمله ؟ ماتصلتي فيني وقلت لي ؟؟
خالد ـ شفيج يا عمتي ؟؟ هذا اللي لقيته ..
بدور ـ يمه عادي .. تعودت ..
منيرة ـ خالد .. من بكره تدور لك شقة أكبر ولا تدور لك فيلا تسكن فيها بدور ..
خالد ـ أنا موب عيزان عن فيلا كبيرة ولا شقة أكبر.. بس هذا اللي لقيته.. قريب من المستشفى وقريب من الجامعه.. وهذي المنطقه فيها عرب بس ..
منيرة ـ لا يا خالد ما اسكت عن هالشقة .. شلون كنت عايشه فيها يا بنتي ؟؟
خالد ـ عالعموم بدور بترجع معاج يا عمتي ..
بدور ـ ايش؟
خالد ـ خلاص بدور .. ارجع مع امج ..
بدور ـ بس انت ما قلت لي ؟؟
خالد ـ كنت أفكر في هالشي .. وصراحه ..وجودج يقلق بالي ويشوشني لاني أتركج بروحج طوال اليوم ..
بدور ـ لا يا خالد ما اقدر أصبر بعيد عنك ..
خالد ـ لمصلحة الكل .. أفضل تسافرين ..
منيرة ـ أي .. ارجعي معاي بعد اسبوعين .. احسن لج .
بدور ـ شسوي ؟؟
خالد ـ داومي في الوظيفة اللي قلتي لي عنها ..

قمر ـ ههههههه .. شوفي هالسبال يطقها ههه.
قامت دانه وشالت فهد الهمجي عن مايا اللي قامت تصيح .
دانه ـ اخوج من علمه يشد الشعر ؟؟ توه صغيير ..
قمر ـ حيوان .. ما عليج منه .. آآه يوعانه ..
دانه ـ ادرسي .. وانسي الأكل ..
قمر ـ متى بيرجع ...
دانه ـ حمد بكره بيي ..
قمر ـ ما كنت أسأل عن ال.. كنت أسأل عن ضاحي خالي ؟
دانه ـ بيرجع اليوم في الليل ..
قمر ـ بيتم يسافر جي دايم ؟؟
دانه ـ اييه .. لين يترقى .. يصير يسافر كل يوم ..
قمر ـ وأنتي راضيه ؟
دانه ـ قلت لج من قبل .. لي حياتي اللي انشغل فيها وله حياته .. والحمدالله متفاهمين على هالمنطق ..
قمر ـ ما تشتاقين له ؟؟
دانه ـ اشتاق له وايد ..
قمر ـ وهو ؟؟
دانه ـ أعتقد نفس الشي ..
استحت دانه من قمر اللي تستجوبها ..
دانه ـ ادرسي يالحمارة .. امتحانج بكره مهم ..
قمر ـ اييه مهم .. شلون تناديج مايا ؟؟
دانه ـ لليوم ما تناديني باسم محدد .. ما ادري ليش ..
قمر ـ عيل شلون تناديج ؟؟
دانه ـ ما تنادين تأشر لي .. وبعض المرات اذا كنت بعيد عن نظرها تنادي ضاحي ....
قمر ـ واذا خالي موب موجود ؟؟
دانه ـ تم تصيح وتبجي بدون سبب لين أيي ..
قمر ـ علميها تناديج بسمج .
دانه ـ اسمي صعب ..
قمر ـ سوي نفس نوال الزغبي وبسطي لها .. دنا دنا دنا .
وهزت قمر كتوفها ترقص ..
دانه ـ لاتجرحين صيامج بتقليد هالاشكال ..
قمر ـ اييه نسيت ..
دانه ـ تونا في الاسبوع الاول من رمضان شاللي معذبج جي ؟؟
قمر ـ ااييه .. عمتي أنا موب مخروعه على الأكل .. بس متعوده أشرب نسكافيه كل يوم الصبح .. وفي رمضان يلازم صداع غريب .. وأجوع زياده عن الايام العادية ..
دانه ـ مدمنه ؟؟ مدمنه يا قمر ؟؟
قمر ـ مدمنه ؟؟ شتخرفين ؟؟
دانه ـ مدمنه كافيين ؟؟
قمر ـ اييه خرعتيني .. ايه مدمنه ..
دانه ـ ما باقي شي على الاذان .. ساعتين بس ..
قمر ـ شسويتي فطور ؟؟
دانه ـ ما ادري بس بما ان نايف ما بيجي .. وضاحي بيي في الليل .. قلت لها تسوي شي بسيط ..
قمر ـ حرام عليج .. أنا يوعاااانه مووت ..
دانه ـ اوكي .. أنا بروح الحين المطبخ أشوف شسوت هال..هي خدامتكم شسمها ؟
قمر ـ سيدرا ..
دانه ـ طباخه محترفه ؟؟
ـ بتعجبج ..
طلعت دانه بعد دقايق ..
ـ لقيتها مسوية بيتزا ومعكرونه بس ..
قمر ـ والحلويات شسوت ؟؟
دانه ـ ما أدري كأنها مسويه كيك .. ما انتبهت .. بس بتفطرين على بيتزا ومعكرونه ؟؟
قمر ـ اييه .. عادي ..
هزت دانه كتوفها كأن ما بيدها حيله ..
ـ ما أدري ما يكفي ..
قمر ـ ليش ما يكفي ؟
دانه ـ ماسوت شي من يدامنا اللي نعرفه .. ماسوت لاهريس ولا دياي ولا لحم .. المعكرونه بصلصه ولحم مفروم.. ولا عيش ولا ثريد . حتى شوربه ما سوت ..
قمر ـ عادي من يآكل هالاصناف هالحين ؟؟
دانه ـ أنا العام أفطرت عندكم كانت موجوده ..
قمر ـ لأبوي بس . أنا وأمي وبدور ما نآكل ..
دانه ـ ضاحي لما يي في الليل أكيد بيكون جوعان ..
قمر ـ عادي أي شي يقزر الحال .. وبعدين هو مسافر يعني ماعليه صيام ,
دانه ـ بس هو يصوم لان شغله كله سفر .. والحمدالله اليوم غير أول .. الرحله ماتآخذ ساعه ماله داعي يفطر ..
قمر ـ وبعدين ؟؟
دانه ـ لما أرجع البيت بسوي له شي .. سريع ..
قمر ـ يا عيني على الحب ..
دانه ـ ادرسي بس ..
حاولت دانه تتظاهر جدام قمر أنها تدرس .. بس الحقيقة ان قلبها كان مسافر بعيد .. كان عند ضاحي .. كانت تفكر شلون هي مشتاقه له لحنانه لابتسامته .. ماتدري .. بس شكلها بدت تحب هالضاحي .. تحبه وبجنون ..
لان هالشعور ماقد مرة غزا قلبها واجتاحه ..
طالعت هالأوراق اللي بين يدينها .. وكتبت
((حلم ولا حقيقة ؟؟ واقع ولا محال ؟؟
أنا اليوم سعيده ..ولاني مشغول البال ..
بس ....
شالثمن ؟؟ ((
*************
كان ياي لكافيه اتفق مع كاثرين انها تيب له المراجع فيه ..لكنه مر فارس وخذه معاه ..
فارس ـ تشرب شي ؟؟
خالد ـ لا .. بتمرني زميله لي تعطيني بعض المراجع ..
فارس ـ شفيك متغير ؟؟ كأن الحيوية اللي كانت فيك انطفت ؟؟
خالد ـ شالتعبير العجيب ؟؟
فارس ـ أنا من جد أتكلم ..
خالد ـ أبد ما في شي ..
فارس ـ من كان يظن أني ألاقيك صدفة تحاول تنحش الخدامة ههههههه..
خالد ـ كانت صدفة غريبه ..
فارس ـ بترجع متى ؟؟
خالد ـ نهاية يونيو ..
فارس ـ ترجع للمستشفى ؟؟
خالد ـ اييه.. دوام تاريخ 12 يوليو ..
فارس ـ هذي رفيجتك ؟؟
خالد ـ زميلتي قصدك . اييه كاثرين .. تبيني أناديها كايت بس أنا مطنش ..
فارس ـ وايد حلوة هالزميله ؟؟
طالع له خالد بطرف عينه ـ أي حلاة ؟؟ باهته وايد وعيونها صغار شالحلاة اللي تتكلم عنها ؟؟
فارس ـ روح لها روح .. تطالع بنظرات الله يستر ..
خالد ـ فارس الله يستر عليك أنا متزوج ..
فارس ـ وأنا بعد .. هههههههه..
خالد ـ شقصدك ؟
فارس رفع يدينه ـ ولاشي ..
خالد ـ زين بكره عازمك على الفطور .
فارس ـ ما عزمتني اليوم ؟؟ خليتني أفطر على كاكاو ..
خالد ـ الحين شفتك .. الصبح كنت في المستشفى.. أنا نفسي فطرت على سندويش تونا ..
طالع خالد الساعه كانت ثمان ونص ..
خالد ـ فيه مطعم قريب عجيب ..
فارس ـ وين ؟؟
خالد ـ قريب .. يلا .. تجي معاي ؟؟
فارس ـ والشيخه ؟؟
خالد ـ المدام مع أمها .
فارس ـ قصدت الشيخه الثانية ..
خالد ـ تخسي تكون هذي شيخه علي .. بروح دقيقتين آخذ منها الراجع .. وأرجع الحين .. خلك هنا ..
ـ hi kate
-hi if you busy can…
- I just meet afriend …
أشر على فارس كانت شايله بين يدينها كتب كثيرة ...انحرجت وقالت ..
- I see.look ..take this..then maybe later we will talk about it..
- thanks a lot for helping me..
- just try to help….you..see you later..
راحت بسرعه وهي مرتبكه .. وشال خالد بين يدنه مراجع كبيرة ..
فارس ـ كل هالكتب وين بتحطها ؟؟
خالد ـ في السيارة نروح نتعشى وبعدين أرجع البيت آخذها ..
فارس ـ بس شكلها تعنت فيهم يلا يابتهم ..
خالد ـ لاتخاف ... برد لها هالمعروف..
***************
ـ بدوور ..
بدور ـ وين كنت تأخرت وايد ؟؟
خالد ـ شفت دكتور فارس .. تعشينا مع بعض ..
بدور ـ ما بتخسر شي اذا اتصلت ..
خالد ـ شفيج معصبه اكيد كنت مشغوله مع امج ..
منيرة ـ رجعت ؟؟
خالد ـ شلونج يا ام فهد ؟
منيرة ـ بخير .. وين كنت من الصبح لين الحين ؟؟
(حلو .. صاروا اثنين يحققون معاي بدل الوحده (
ـ التقيت رفيجي وتعشينا مع بعض ..
منيرة ـ ماعرفت تتصل ؟؟
خالد ـ نسيت أتصل توقعت أنكم مشغولين مع بعض وبعدين توها الساعه عشر .
بدور بدت تصيح ..
خالد بنفاذ صبر ـ شفيج ؟؟؟
ـ اتصلنا في المشتسفى قالوا انك طلعت من الساعه ست .. اتصلنا في كل ربعك اللي كتبت رقمهم في الدفتر يقولون ما شافوك .. خفنا يكون صار لك شي ..
حضنها خالد وهداها ..
ـ خلاص ما بعيدها ..خلاص بلا صياح ..
منيرة ـ ليش يوم اتصلنا بيوسف ردت علينا بنت ؟؟
خالد ـ اكيد حد من هله ..
منيرة ـ بس يوم طلبنا يوسف قالت لنا مافي حد بهالاسم وان الشقة لها وماعندها حتى شريك في الغرفة ..
خالد ـ ما ادري هو اعطاني هالرقم بس ما استعملته ..
بس الحقيقة غير.. الحقيقة ان هالرقم لكاثرين.. اللي رغم أنها تعرف بزواج خالد بس كان عندها أمل فيه .. وخالد متخوف من شكوك بدور اللي صادها مرة تشيك على ملابسه العطر والشعر ..فحط اسم كاترين بسم يوسف ..
خالد ـ بروح أصلي هالحين ,,
**************

خلصت صينية دياي بالبطاطس ..طلعت دانه من المطبخ .. ربع ساعه ويي ضاحي .. ركضت تحممت ومشطت شعرها وحطت شوي مكياج .. ولما رشت العطر دخل ضاحي .. ابتسمت وقامت له .
ـ حمدالله على السلامة ..
ـ الله يسلمج .شالعطر .
دانه ـ اشتريته أمس لما كنت مع قمر في الستي ..
ضاحي ـ ليش ؟؟
دانه ـ شاللي ليش ؟؟
ضاحي ـ ماسمعتي عبادي شيقول لج ؟؟
دانه ـ أنا ؟؟ يقول لي أنا ؟؟ ومن عبادي ؟؟
ضاحي ـ ايي ..يقول لك انتي ..
دانه ــ شيقول ؟
ضاحي ـ يقول ..
هو فيه مثلك ؟؟ ياللي الحسن ظلك؟؟
ليه العطر ؟؟ وأنتي أنفاسك دخون .. وليه الكحل وأنتي ما غيرك عيون ؟؟
ليه ؟؟ تفكيرك يكون ؟؟ أنك تكوني دايم أجمل أنتي أجمل أنتي أجمل من جماللك من دلالك .. من خيالك .. ياللي كل أفراح قلبي والحزن في المسافه بين فرقاك ووصالك ؟؟
طالعت له دانه متفاجئه .. وفي نفس الوقت ضحكت ..
ـ وأنا على بالي أن العطر ما عجبك ..
بس ابتسمت .. وهو باس راسها ..
ـ ريلج يوعان .بيروح يبوس بنته ..
دانه ـ خسى اليوع .. هالحين أنجب لك الاكل .
***************
لما شاف الورقه انصدم ..
( I cant stop thinking about you ……I cant .. I realy like you..
in simple words..
I love you
Love From first sight
K)
))حب من النظرة الأولى ؟؟ .. والحين ؟ وبعدين ؟؟ المصيه انها تعرف اني متزوج ..بآخذ أسماء هالكتب وأرجعها لها بكره وأعتذر . آخر شي أبيه هو غيرة بدور ((
لكن خالد ما كان يدري باللي متخبي له ..
******
رجوع خالد فرحه ما بعدها فرحه .. عمامه سووا له مآدب افطار عوده .. وكل الدوحه حضرتها وحمدالله على سلامته ..
كانت فرحة هناء فرحتين . رجوع ولدها .. وسلامته ونجاح العمليه .. الوحيده اللي ماكانت فرحانه كانت ...........قمر ..
قمر فرحانه بسلامة خالد لكنها موب فرحانه بردة حمد ..
عصبت دانه ان ضاحي اضطر يروح الاردن لمدة اسبوع .. وماحضر هالفرحة العوده .
المفاجأة كانت حمل ليلى . .. اللي كان مبين عليها أنها كانت في أزمة نفسيه .
هناء ـ كلي يا ليلى .. ليه ويهج أصفر ؟؟
ليلى ـ أنا آكل عمتي .. وين أمج يا قمر ؟؟
قمر ـ سافرت لبدور ..بترجع بعد أسبوع ..أو اثنين..
ليلى ـ وانتي يالدانه ؟؟ متى يبتي عيال؟؟
ضحكت دانه فعلقت هناء ـ هذي بنت ضاحي ..شسمها؟؟ م؟؟
دانه ـ مايا..
هناء ـ الي هو .. الريال كان متزوج ومرته ماتت عنه من سنين .. وخلت له هالبنت ..
دانه ـ الله يرحمها ..
ليلى اندهشت .. وابتسمت لما شافت ابتسامة دانه ..
مريم ـ ماتآكلين يالدانه ؟؟ هالبزر فاطره وطول اليوم تآكل .. كلي انتي ..
دانه ـ أنا عادي ..آكل مافيني شي ..
هناء ـ كلي وخلي البزر عنج ..
دانه ـ لاتقولون لها بزر .. قولو مايا ..
هناء ـ مويا؟؟
دانه ـ خلاص يا هناء ناديها بزر ,,
ليلى ـ صج قمر قال لي حمد أنكم انخطبتوا مبروك ..
هناء ـ اييه خطبها ناصر لحمد .. انشاء الله لارجعنا من مكه نسوي حفله ..
الكل - مكه؟؟
هناء ـ أنا وناصر بنآخذ ليلى وخالد ونسوي عمره ..
دانه ـ ودي أيي معاكم ,,
هناء ـ تعالي .
دانه ـ ما اقدر وين أخلي الجامعه ومايا ..
مريم ـ وضاحي ههههههه..
دانه ابتسمت .,,,
عبيرـ عاد عرسي بعد العيد لاتنسون ..
ام خالد ـ محد بينسى .. انشاء الله ..
**********
ليلى ـ شصار ؟؟ ومن مايا؟؟
دانه ـ الحمدالله .. الحمدالله يا ليلى.. الامور بينا تصلحت .. ومايا بنته كانت من زوجه تركيه بس ماتت ..
ليلى ـ قولي لي كل شي ..
قالت لها الدانه ...من سفره الين بنته .
دانه ـ ليلى .. ماتصدقين شقد أحبه...أحبه .. انسان قلبي استسلم له .. ماينطق الا بسمه.. غير غير ..
ليلى ـ الحمدالله يعني وداعا لكل المشاكل بينكم ؟؟
دانه ـ انشاء الله .. هو .. أحس أنه يحبني .. بس سفره الدايم يسبب لي قلق ..
ليلى ـ قلق؟
دانه ـ موب عدم ثقة .. بس عدم استقرار ..دايم موب موجود .. ما أحس أني أشوفه وايد .. انا في الجامعه وهو في شغله .. وبعدين يسافر أيام ..مانيلس ويا بعض وايد ..
ليلى ـ دانه .. شوفي كنتي وين وصرتي وين ..
الدانه ـ أي والله الحمدالله .. وأنتي وخالد؟؟
ليلى ـ نموت في بعض .. بس شي واحد مايعجبني فيه ..
دانه ـ ؟؟؟؟؟
ليلى ـ يحب كرة القدم أكثر مني ..
ضحكوا مع بعض ..
ليلى ـ ترى صج سألته وجاوبني بهالاجابه ..
***
رجع البيت بعد يوم مهلك ..
كان البدور ناطرته في الصاله بدموع قهر ..
انتبه انها لابسه وكاشخه ..
ـ السلام .
بدور انتفضت ـ شالحقارة ؟؟ ليش ؟؟ ليش ؟؟ أنا شسويت لك ؟؟
خالد ـ خير اللهم اجعله خير ,, شفيج بعد ؟؟
من اسبوع من يات منيرة والبدور كل يوم مسويه لها موال ..
بدور ـ هذي آخرتها ؟؟ عيل ليش تزوجتني .؟ انا براويك .. أنا بتصرف معاك بعدين ..
حذفت في ويه خالد شي .. انصدم خالد لما شاف الاوراق اللي تناثرت على الأرض ..
طلعت بدور وسيلينا شايله الشنط .. ومنيرة لحقتهم ..
خالد ـ وين رايحين ؟؟؟؟؟؟؟؟؟
منيرة ـ رايحين نعلمها الادب والاصول ..
طلعوا من الباب .. وخالد في صدمة .. رجع للأوراق اللي تناثرت على الأرض .. هالخط الحلو .. جمعها وحطها في ملف .. ملف أسود .. مثل لون يومه ..ويومها.....
************
الدانه ـ وين راجو ؟؟
قمر ـ شفيج مستعيله ؟؟
الدانه ـ الساعه وحده .. متى ألحق وأجهز الفطور .
قمر ـ بيمرني خالي فيصل .
وقف شعر جسم الدانه من سمعت هالاسم ..
قمر ـ شفيج ؟؟
دانه ـ ما أبي أروح معاه ..
قمر ـ ليش ؟
دانه ـ أعتبره ويه نحس علي .. كل ما أشوفه تصير لي مشكله عوده..
قمر ـ شالكلام الماصخ .. يلا .. دامج مستعيله ..
دانه ـ لاء ..
قمر ـ كيفج .. هذي سيارته برا .. تروحين هالحين ولا ؟؟
دانه ـ أصلا ما استأذنت من ضاحي .
قمر ـ خالي ما بيرفض .. تعالي ..
سحبت الدانه من يدها .. ودانه استسلمت ..
ـ السلام .
فيصل ـ وعليكم السلام ..
قمر ـ هاذي عمتي دانه ..
فيصل ـ شلونج يالدانه .
دانه ـ بخير .. الله يسلمك وأنت؟
فيصل ـ الحمدالله ..
حست الدانه أن فيصل متغير .. متغير .. ما شافت كشخته اللي متعودها .. وحسته من دخلت مرتبك .. ما تدري ليش ..
طول الطريق وقمر تتكلم معاه عن الجامعه .. ودانه اكتفت بالسكوت ..
فكرت . يمكن السبب انه رمضان وانه صايم ..
حتى عطره .. ماكان حاطه ..
وصل قمر لبيتهم .. .. وحرك لبيت الدانه .. اللي يبعد عن بيت قمر ربع ساعه ..
فيصل ـ شلونج يالدانه ؟؟
الدانه ـ الحمدالله ..
فيصل ـ ماشفتج من زمان ..
دانه ـ اييه .. ما مريت البيت العود من زمان ..
فيصل ـ لكم وحشه ..
استهجنت دانه هالجمله ,,,
ـ شنو ؟؟
فيصل ـ (كان متردد .. )ــ البيت فاضي من دونكم ..
الدانه ـ ما اعتقد هالشي .. ام فيصل والبنات . وحتى تركي . موجودين .. شخبار تركي ؟؟
فيصل ــ ماسألتي عن أخباري ..
الدانه ـ .........................................
فيصل ـ دانه لا تعذبيني زياده .. من طلعتي من البيت وأنا في عذاب ..
غمضت دانه عيونها وهي كارهه عمرها لانها طاعت قمر ..
الدانه ــ...............
فيصل ـ ليش ساكته ؟؟ دانه .
دانه ـ فيصل .. يا أخوي تراك تنسى وايد أني مرت أخوك ...وهالكلام اللي تقوله ما يجوز ..
فيصل ـ شتحبين في هالشين ؟؟ هالغوريلا؟؟
عصبت دانه لانه غلط على ضاحي ..
ـ أنا ما أسمح لك تقول عن ضاحي جي ..
فيصل ـ صرتي تدافعين عنه ؟؟
دانه ـ لانه أنبل أنسان شفته ...
فيصل ـ أنبل ؟؟ قد مرة قال لج ضاحي أنه يحبج ؟؟
دانه ـ ......................
فيصل ـ طبعا لاء .. لان قلبه مشغول بوحده أجنبية .. تزوجها ويابت له بنت ..
دانه ـ قصدك منار ؟؟
فيصل ـ اييه ..
دانه ـ منار ماتت من سنين .. والبنت في بيتي الحين أربيها مثل بنتي ..
فيصل ـ أنا أحبج .. أحبج .. من يوم غبتي عن عيني وأنا انقلب حالي ..
دانه ـ بس .. لاتكمل .. الظاهر يا فيصل أن كلامي معاك ماله فايده .. أنا زوجة أخوك .. ولابعمري بخونه ولا طالع لغيره .. وقلبي ملك له وحده .. له ..
فيصل ـ بس ..
دانه ـ لا يا فيصل .. الأمور زادت عن حدها.. أنت نسيت حدودك ..تجاوزت المعقول .. هالأوهام شيلها من راسك لانها مستحيله ..بعتبر نفسي ما سمعت هالكلام .. ماسمعته ..
سكت فيصل .. لان لهجة الدانة كانت قوية وصلبه ..
مرت الدقايق محملة بكره وغضب الدانه سريعه .. وصلت البيت وقالت باقتضاب ـ شكرا..
نزلت من السيارة وصكت الباب بهدوء ..ودخلت لبيتها .. لكن صج اللي صدمها انه فيصل تم واقف لمدة خمس دقايق.. لبست عباتها وشيلتها وطلعت له ..
ـ في شي فيصل ؟؟
صدمها أنه كان سرحان .. اللي صدمها أكثر كانت دموعه .. يبجي ؟؟
ـ في شي فيصل ؟؟
نزل فيصل الشباك ..
ـ ما أقدر ..
دانه ـ شنو ؟؟
فيصل ـ ما أقدر أنسى .. هالشي متغلغل فيني ..
دانه باستغراب ـ شاللي متغلغل فيك ؟؟
فيصل ـ أنت ...

حرك سيارته وطلع من بيتها .. تركها في دوامه ..
(يا فيصل ..حافظ كلام الحب وتبي تطبقه علي ؟؟ بس أنا ما أحبك .. للأسف مافي شي فيك يحرك شعره فيني.. صج أنك جميل ..وجذاب وهالخرابيط .. بس عمره الجمال والجاذبية ماكانت ميزة للرجال .. للأسف أنت من داخل فاضي ..فاضي للأسف.. وقلبي.. استحقه وبجداره شخص واحد .. شخص اغرقني بحنانه ومشاعره رغم انه ماصارحني بحبه لي ..بس أنا أحبه .. أحبه .. وأموت فيه (
دخلت البيت ... ورمت العباية والشيلة ودخلت المطبخ كانت دونا تغدي مايا ..
دانه ـ وين راجو؟
دونا ـ قو اوت ..
دانه ـ الله يرجك يا راجو ..على هاللي سويته ..
*****
طالعت دانه الساعه .. كانت خمس ودقيقة ..أذن .. وضاحي ما يا .. ومقفل جواله وتلفون المكتب محد يرد.. لايكون رجع وسافر ..
افطرت وهي مشغولة البال ..
خذت مايا لغرفتها .. نامت البنت بعد ماكانت تعبانه .. صلت المغرب ولبست تنورة بيجيه طويله مع بلوزة بيضا ..
مشطت شعرها القصير . واللي بدى يطول شوي .. بس اللوك حلو عليها ..
البست عباتها وخذت شيلتها وقرآنها ..نزلت تحت ..
من كانت صغيرة .. كل ليلة تروح لصلاة التراويح ..في المسيد ..هالشي جزء من رمضان كانت هي وأمها كل سنه يروحون ولما توفت كانت تروح بروحها .. وضاحي أذن لها بعد الزواج أنها تروح للمسيد .. اللي كان قريب من بيتهم الجديد .. كان بينهم بس عشرين متر .. دانه تروح على ريولها كل ليلة ..
نطرت شوي .. الساعة ست ونص الين .. بعد ربع ساعه .. بالأخير قامت وراحت ..
طبعا مافي ليالي آمنه مثل ليالي رمضان ..
دخلت المسيد مال الحريم .. وسلمت على بعض الحريم الكبار اللي تعرفت عليهم في الايام الي راحت ..
ام محمد ـ شلون ريلج معاج ؟؟
دانه ـ الحمدالله .. ماقلتي لي شلون زوج بنتج للحينه في المستشفى ؟
أم محمد ـ أي والله وا عليه المسكينه شايله همه .. مرض قلبه زاد عليه ..
ام سيف ـ ادعي لها الله يفرج كربتها ويسلم لها ريلها ..
تمت أم محمد تدعي لبنتها .. وفي ثواني الكل مسكوا قرآينهم قروا شوي وبعدين بدت صلاة التراويح .
طالعت انه الساعة . ثمان ونص ..
ما يابت جوالها معاها علشان الحريم كلهم كبار وينزعجون لا رن عليهم ..
ارجعت البيت الساعة تسع وربع ..
سيارة ضاحي موب موجوده .. وحتى راجو موب موجود .. وين راح ؟
دخلت البيت .. حطت عبايتها وقرآنها في الصالة .. ودخلت لقت دونا وروزيتا يالسات ياكلون ..
دانه ـ بابا يا ؟؟
روزيتا هزت راسها بلا ..
داانه ـ حد اتصل ؟؟
هزت دونا راسها بلا ..
دانه ـ البيبي صحت؟
دونا ـ نو ..
طلعت دانه من المطبخ..
ـ شكلهم مايدرون عن شي ..
شيكت كاشف الارقام .. ولقت رقم قمر موجود ..
صعدت لغرفة مايا مرتها كانت نايمة.. طلعت ومرت غرفتها .. وطالعت جوالها .. في خمس مس كوول من قمر ..
ـ شفيها قمر ؟؟
دخل ضاحي الغرفة بهدوء ..
قامت له وهي تبتسم .
ـ وين كنت ؟؟ وليش مقفل جوالك ..
انتبهت دانه أن ضاحي ويهه موب طبيعي .. ويتحاشى يطالع لها ..
ـ ضاحي شفيك ؟
أعطاها ضاحي أوراق بيدها ـ اقري ..
دانه ـ شالسالفة ؟؟
وقرت ـ
صرت جزء من أيامي وروحي .. صرت حب سقيم صعب أتخلص منه ..
خذت قلبي دموعي وكل جروحي ... احترت ياللي معاك الحب نار و جنه ..
ارتجف كل جزء في الدانه .. هذا خطها
.. ما تجرأت ورفعت راسها .. تنفست ببطء ..
ضاحي ـ كملي ..
دانه ـ ...............
ضاحي ـ اقري .. اقري ..
دانه نزلت الورق ..
سحبه ضاحي من يدها وقرأ ـ خالد .. أعلنت اليوم رضوخي للمشاعر اللي غزت قلبي تجاهك .. خالد . أنا متأكده أني أحبك .. ولسبب ما أعرفه متشككه في الوقت نفسه ..
دانه ـ بس ضاحي ..
ضاحي ـ لا .. هذا الجزء الأحلى .. خالد . شفتك اليوم .. كابرت على كل مشاعري .. وما..
اسحبت دانه الاوراق من يد ضاحي وقطعتها وهي تصيح ..
ضاحي ـ هالـ..
سكت ضاحي .. وهذا اللي قهر الدانه .. انه سكت..طالعت له كانت الخيبه على ويهها .. كأنه حد مات بالنسبة له .. كل قسمات ويهه تنطق بهالشي .. ارتجفت أكثر . لا يكون ..
دانه ـ ضاحي . أرجوك .. أنت مافهمت .
طالعها بنظرة مافيها أيي تعبير ..
دانه ـ لا .. لاتظن أن في شي بيني وبينه . لا .. والله هذا مجرد كلام .. والله .. ضاحي حرام عليك . .. أمي كانت تحن على راسي سنين علشان أتزوجه وما تزوجته ..
ضاحي ـ ..........................
ازدادت دموع دانه .. كانت في موقف من رهبته ماقدرت توصف شي ..
ـ هذا كله ماضي .. ماضي مافيه رجعه والله العظيم والله .. ضاحي لايروح ظنك بعيد .. هذا كلام يهال..
ضاحي ـ اذا التاريخ من كم شهر كلام قديم؟؟
دانه ـ والله قديم .. قبل الزواج .. أيام المدرسه والله ..
ضاحي ـ أنا ما كنت بلومج لو أنه ماضي .. أنا لي ماضيي .. أنت مع من رجعتي اليوم .
ارتبكت دانه زياده
ـ مع قمر وفيصل .. ..بس ما يجوز تحكم علي من ظنون ..
ضاحي ـ قلت لج لو في الورق ماضي .. والله ما حاسبتج عليه ..
دانه ـ وهو ماضي .. ماضي .. كلام تافهه ..
ضاحي ـ للأسف .. تكذبين على من ؟ .. أنا سمعتج تكلمين خالد .. وترددين له كلام الشوق والغزل .. سمعتج يالدانه.. سمعتج ..
كان صراخه قوي عليها .. انصدمت ..
دانه ـ مممتتتى؟
ضاحي ـ هذيك الليلة .. كنت مفتكر أني أحلم .. لكن .. ....دانه ..أنتي طالــــــــــــــــــــ ـــــــــــــــــــــــــــــق..
حست دانه أن الدنيا اسودت في ويهها .. أنها فقدت حاسه السمع والبصر لانه في هذيك اللحظة ماشافت غير ظلام وماسمعت غير صوت نفسها المعدوم ..


الحلقة العشرون
ماتدري دانه شلون وصلت بيت ناصر .. ماتذكر شصار .. ماتذكر أي شي .. يات بعباتها وقرآنها .. لكنها بجت دموع أكثر من أي حد بجى في يوم من الأيام .. الشي اللي تذكره أنها انخرست بعد انطق ضاحي بالطلاق .. الكل في غرفة حمد يبون يعرفون شصار .. شاللي ياب دانه لهم هالحزة بهالحاله وهالدموع .. دانه كانت بس ماسكة القرآن بيدها تقرا بقلبها والدموع في عيونها .. ماردت على أي حد فيهم .
ناصر ـ شفيج ؟؟ أدق على ضاحي مقفل جواله ..
لفت دانه ويهها ..
حمد ـ شفيج ؟؟ شفيج ؟؟
هنا ـ يمه الدانه شفيج ؟؟ شاللي كدر خاطرج جي .
دانه آخر شي كانت تبيه هو التفكير .. كان كلامهم يدخل من أذنها اليمين يطلع من أذنها اليسار بدون مايترك أي أثر فيها ..
مانامت .. تمت طول الليل حاضنه هالقرآن وتصيح ..
حاول حمد يتودد لها ويخليها تتكلم .. لكن محاولته كانت عقيمة ..
ارتاحت دانه لما سمعت المقرئ وصوت الآذان الفير .. غمضت عيونها أخيرا ..
صحت بعد ساعات ..
دخلت هناء وحاولت تكلمها .. لكنها مانطقت بغير كلمة وحده ..
ـ طلقني ..
انصدمت هناء .. حاولت تستفسر لكن دانه ما نطقت بحرف ..
طلعت هناء للجمعية الظهر . وتركت الدانه بروحها في البيت مع الخدامة ..
رن جرس الباب .. وراحت الخدامة تفتحه ..
دخلت قمر لى دانه .
قمر ـ حاولت أتصل فيج أمس .. حاولت بس ما لقيتج ..
دانه ـ خلاص ..
قمر ـ أمي وبدور ناوين لج على نية ..
استغربت دانه ـ بدور ؟؟ وامج ؟
قمر ـ اييه .. البدور لقت ملفج عند خالد .. واتصلوا في خالي ولا خلوني أعرف شصار ..
انصدمت دانة.. لا .. لالالا.
البدور + خالد + منيرة + الملف الأسود = طلاقها من ضاحي ..
هالمعادلة ما قدرت تفهمها ..
ـ هـــــــــــا؟؟؟؟
قمر ـ اييه . أمي وبدور يايين وراي .. دانه .. اشردي ..
دانه ـ خالد ؟؟
قمر ـ ما أدري ..دانه الله يخليج خل نطلع من هنا ..
لكن الدانه ماتحركت خطوة.. ماقدرت توقف من فظاعه اللي سمعته .. الدموع جرت على خدودها .. الحين تبينت الصورة.. بهارات وفلفل منيرة وبدور.. ووجود أوراقها وخواطرها عند خالد هاللي خلى ضاحي يتأكد من شكوكه .. هاللي خرب حياتها ..
رت بجسمها لأقرب كرسي قربها ..
دقايق ودخلت بدور ومنيرة .. بدور اللي دخلت الغرفة وهي معصبة وقفت دانه وهي منصدمة .. لكنها تفآجأت بكف نازل على ويهها ..
بسرعه دزت قمر البدور عن دانه وصرخت فيها ..
ـ شلون تمدين يدج على عمتج ؟؟
تحولت فجأة قمر لوحش مفترس فجرت كل اللي كتمته في قلبها من كره لبدور من زواجها لخالد لليوم في كف نزل على خد البدور بغضب ..
منيرة ـ قمر .. شلون تمدين يدج على أختج ؟؟
قمر ـ مستحيل تكون هذي أختي مستحيل .
انبهتت البدور .. وارتبكت ..
ـ بدل ما تساعديني في اللي قاصه علينا كلنا ..
قمر ـ شتقولين ؟
منيرة ـ بروح أييب الثلج .. خدج انتفخ ..
بدور ـ هالخايسه تبي تسرق ريلي مني ..
قمر ـ أي ريل ؟؟
بدور ـ خالد ..
قمر ـ خالد كان جدامها من كانت ياهل .. ما اسرقته من قبل عشان ترجع وتسرقه هالحين ؟؟
بدور ـ خالد لي أنا .. أصلا ماكان يبيها .. والا شتفسرين شلون قطت نفسها عليه وطرشت له رسايل الغرام.. ماكان يبيها ماكان يبيها ..
قمر ـ وماكان يبيج أنتي بعد ..
دانه ـ قمر .. لا ..
بدور ـ شقصدج ؟؟
داانه ـ ماتقصد شي ..
قمر ـ لاء أقصد .. أصلا خالد ماكان يبي يخطبج أنتي كان يبي يخطبني أنا ..
بدور ـ انتي شتقولين ؟؟
قمر ـ اييه .. هذا اللي أقوله .. خالد كان يبيني أنا .. أنا اللي شافه في بيتهم . أنا اللي أعجب فيها .. يوم راح لبوي وخطب كان قصده أنا ..
بدور ـ انتي شتخرفين ؟؟
قمر ـ أنا ما أخرف ..
دانه ـ قمر . خلاص .. قمر تخرف ماعليج منها .
قمر ـ لا ما أخرف .. بس .. يالدانه .,. خل تتأدب .. قالت لي عبير أنه خطب بنفسه واستحى يطلبني بالاسم ونسى أن عندي أخت .. وكانت الصدفة أني سافرت مع عمتي .. والا كان تغير كل شي ..
كانت قمر تتكلم بكره وغضب ماله حدود ..
بدور انصدمت ..
قمر ـ عمتي سألتني عن أوراقها وخواطرها .. اللي ضيعتهم أيام الثانوية .. وتمت تدور عليها أسابيع مالقتها.. والسبب بان هالحين .. دانه تذكرين يوم قلتي لي أنج لقيتي خالد يدور في غرفتج ؟؟ أيام ماكنت تسكنين عندهم وأخذ منها ملفات ؟؟ أعتقد انه خذ ملفج مع الملفات اللي باقيه .. تميت طول الليل أفكر .. واتصلت في عبير .. وأكدت لي هالشي لانها شافت ملف الدانه عند خالد ..
لكن بدور ما علقت .. كانت منصدمة من سالفة قمر ..
ـ علشان جي ما حضرت عرسي ؟؟وكنت تتهربين مني ؟
قمر ـ اييه ......... ماقدرت أستحمل ..
دخلت منيرة وبيدها صحن ثلج ملفوف بمنديل ..
مدته لبدور .. اللي دزته عنها فطاح على الارض وطلعت ..
منيرة ـ بدور .. ماخلصنا ..
بدورـ لايمه خلصنا .. وخلصنا من زمان ..
لحقت منيرة ببنتها ..
دانه ـ كنت قاسية عليها ..
قمر ـ لكنها دمرت حياتج ..
دانه ـ حياتي دمرت .. ماله داعي حياتها هي بعد تتدمر ..
قمر ـ كان لازم .. لازم .
خذت قمر المنديل اللي فيه الثلج . وحطته على خد الدانه .. اللي قالت ..
ـ ضاحي يقول اني كلمته .. أنا ماكلمته ..ولاقد مرة صار بينا كلام حب وغزل شلون ؟؟ شلون؟؟
صاحت بقوة وارتمت في حضن قمر ..
*******************
طالع التلفون للمرة الألف .. كل مرة يبي يتصل في بدور .. لكن يتردد .. هو في دوامه .. اللي بتروح فيها هي الدانه.. الدانه .. اللي مالها خص في شي .. بدور ومنيرة قلوبهم قاسية ماترحم .
أخيرا مسك التلفون وطلب رقم بيت نايف ..
كانت ضربات قلبه تزدد مع كل رنه .. وصدره يرتفع وينزل من شدة توتره وسرعة نفسه ..
ثواني مرت ..
ـ ألو ..
كان صوت منيرة ..
خالد ـ وين بدور ؟؟
منيرة ـ خالد الحق بدور ..
خالد ـ شفيها ؟؟ لايكون صار لها شي ..
منيرة ـ البنت موب طبيعيه ..ماتتكلم ولاتتحرك .. .. البنت موب طبيعيه .. الحق خالد.. الحقني بنتي يا خالد ..
صك التلفون بسرعه . وهو متشتت .. بدور لايصير لها شي .. ما بيسامح نفسه إذا صار لها شي .. لاء ..
**********

الحلقة الحادية والعشرون
اذا كانت في وكالة أنباء أسرع من رويترز فهي ........هناء ..
دانه احبست نفسها في غرفة حمد وسط دموعها متجاهله الوفود اللي ذبحها الفضول تبي تعرف شصار ..
مريم ـ روقي يالدانه .. هو اللي خسر ضيعج من يده .. صدقيني بكره يتقدم لج أحسن منه وأحلى منه ..
هناء ـ اييه يالدانه .. ناصر معصب .. بس هو اللي خسران ,, بكره الله يعوضج بواحد أحسن منه . مايستاهلج .. ما تصدقين أن الخطاطيب طقوا باب ناصر يخطبونج .
دانه زادت في الصياح .. وحست أنها بتنهار ..
مريم ـ والله مايسوى تصيحين عليه هالردي .. خل يولي .. الله يقلعه في ستين داهية .
دانه ـ لاتدعين يا مريم لاتدعين ..
محد فاهم سبب دموعها .. محد فاهم ان هالدموع سببها حب كبير في قلب دانه لضاحي ,, أن فكرة أنها ابتعدت عنه تقطعها مية قطعه .. محد بيفهم أن سبب هالدموع الحب .. محد بيفهم ..
مريم ـ الله يهده . .. والله طرف ظفر يده ماتسوى دمعه من دموعج .. خليه يذلف .. الله فكج منه ومايبتي له ظنى ..
هناء ـ اييه والله .. تدرين ام ظبيه قالت لي ان لما تنتهي العدة تبي دانه لسلوم ولدها ..
مريم ـ تدرين ثامر شقال لي ؟ قال لي ان فيصل اخو ضاحي تقدم لها تخيلي ؟؟
هناء ـ قال لي ناصر انه رده .. وانه مايبي من ريحتهم أحد .
مريم ـ منيرة ما طلت أكيد مالها ويهه .. بعد سواه اخوها الردي ..
هناء ـ اييه مايندرى ..
**
رن جرس الباب .. وانتظر ..
ـ سيلينا افتحي الباب .. سيلينا .. صج حماره .. يعني أنا أفتحه ؟؟
فتحت الباب بعصبية ..
خالد ـ بدور ..انتي بخير ..
ارتبكت .. ونزلت عيونها ..
ـ بدور في غرفتها ؟؟
خالد ـ شلونها هي بخير ..
قمر ـ في غرفتها ..
أشرت له لغرفة فوق .. كانت لابسه عباتها وشكلها تبي تطلع ..
خالد ـ وين رايحه ؟؟
قمرـ أشوف الانسانه اللي دمرت حياتها ,
خالد ـ من تقصدين ؟؟ دانه ؟
قمر ـ الظاهر قائمتك مليانه .. ناسي مين ..
خالد ـ شفيها دانه؟؟
قمر ـ تطلقت .. والبركه فيك وفي مرتك ..
صكت الباب بقوة وراها ..
طالع خالد بيت بدور .. أشرت له قمر على غرفة ..راح لها بسرعه .. خوفه على بدور خلاه ينسى كل شي .. ويقص تذكره ويرجع الدوحه ..
دخل الغرفة .. كانت البدور ممده . ويهها خال من أي لون . وعيونها في السقف ..
ـ بدور .. بدور ..
قرب منها ومسك يدها من الخرعه .. لفت ويهها عنه ..
ـ بدور .. والله مابيني وبين الدانه أي شي ..
ـ بدور .. ردي علي شفيج ؟؟
كانت ماتبي تطالع له . تنهد .. طالع الادوية اللي على الطاولة اللي عند راسها .. كانت مهدئات ,,
دخلت منيرة ..
ـ شتسوي هنا ..
خالد ـ زوجتي شفيها ؟
منيرة ـ شفيها ؟؟ ما أدري . الدكتور يقول انهيار عصبي .. وهي مانطقت كلمة من يومين . ولا تآكل حتى الأدوية ترفضها .. شسويت في بنتي يا خالد شسويت ؟
خالد ـ ماسويت شي .. الملف موب حقي ولاكان بيني وبين الدانه أي شي .. بالعكس هي حلفتني اني ما اتزوجها علشان مايرغمونها اهلها .. والملف وجوده كان بين اعراضي بالصدفة .. بعدين دريت من قمر ان الدانه تطلقت ؟؟ ليش ؟؟ ليش ؟
منيرة ـ أنا ماتهمني الزفته دانه .. أنا تهمني بنتي .. بنتي شفيها ؟؟ انطفى نورها شفيييييييييييييها ..
بدت منيرة تصيح وقلبها يتقطع على بنتها اللي ماتتكلم ولا تسوي أي شي يدل على الحياه ..
لفت بدور في هالحظة لخالد ,,
ـ يمه أبي أكلم خالد على انفراد ..
احضنت منيرة بنتها اللي انطقت أخيرا .. وتركتها وطلعت ..
خالد ـ بدور .. زين ..
بدور ـ بسألك سؤال ..
خالد ـ ؟؟؟؟
بدور ـ يوم ييت تخطب من ابوي .. ييت تخطب بدر البدور نايف ؟؟؟
ارتبك خالد وتفاجأ .. وبدى يتأتأ ..
خالد ـ ييت أخطب منه بنته . وهو زوجني اياج.
بدور طالعت له بخيبه أمل ..
ـ يعني صج ..
خالد ـ شاللي صج ..
بدور ـ كنت ياي تخطب قمر ..
كأن حد حذفه في بركه من الماي المثلج .. وتركه بلا عوامه ..
شيقول ؟؟ شلون يبرر لها ؟؟ الاحرف تجمدت على لسانه .. كان في موقف ماتوقع ابد أنه يكون فيه ..
بدور ـ خلاص خالد انتهى اللي بينا .
خالد ـ شتخرفين ؟
بدور ـ خلاص خالد .. ما أقدر أتم معاك دقيقة زياده وأنا أعرف انه اللي هواها قلبك واللي حبيتها كانت أختي ..
خالد ـ بس . بس .. لا .. بدور انت شتقولين ؟؟ أنا أعجبني جمال قمر وأنتي وهي نفس الشي ..
بدور ـ لاياخالد .. موب نفس الشي .. كم مرة شفتها قبل قرار الخطبه ؟؟
خالد ـ كذا مرة بس هذا مايعني أنه ..
بدور ـ خالد .. ما أقدر أكمل معاك دقيقة .. وأنا أعرف أنك تفكر في أختي ..
خالد ـ قمر انتهت من حياتي في اللحظة اللي دخلت فيها انتي ..
بدور ـ لاء .. بالعكس .. أنا نسخة القمر .. يعني ماانتهت من حياتك .. كل مابتشوفني بتشوفها ..هي القمر وأنا البدر . حتى في الاسم .. حتى في الاسم
لفت ويهها عنه ..
خالد ـ بدور .. أنا أحبج أنتي .. أنا عشت معاج أنتي ..
بدور ـ للاسف .. كلام ماله أي معنى .. كلام في الوقت الضايع.. الحين فهمت سبب حيرتك وتوترك لما قلت لك عن خطبتها .ز ياني غبية شلون مالاحظت شلون ؟ أختي اللي تهربت مني من تزوجت لدرجة انها ماحضرت عرسي.. .. خلاص خالد .. انتهى كل شي بيننا ..
خالد ـ والمعنى ؟؟
بدور ـ ناطرة ورقتي ..
ما كان يبي يستسلم .. لكن بدور كانت مكابره حيل .. كانت قوية . طول عمرها قوية ..
خالد ـ بس أنا ما أبي أتركج ..
بدور ـ لاتعذبني زياده .. لاتعذبني .. يكفيني ماياني منك حد الآن .. ما تقدر تمتلكني .. أنا بدور موب قمر .
خالد ـ انا ابيج انتي .
بدور ـ انتهى النقاش يا خالد ..أنا النسخة المزورة .. وبتم .. اذا ظليت على ذمتك .. آسفة .. أنا أكبر من تزويرك .. ناطرة ورقتي منك ..
********
قمر ـ لازم تواجهين خالي . لازم ..
دانه ـ أواجهه ؟
قمر ـ اييه .. اذا كنت بريئة لازم تواجهينه ..
دانه ـ ..................................
قمر ـ صدقيني يا عمتي .. صدقيني ...
دانه ـ تبيني أروح له البيت ؟؟
قمر ـ اييه.. بحجة أنج بتآخذين أغراضج.. بس لازم تعرفين شاللي خلاه يشك فيج.. وأنا متأكده أنج أكبر من شكوكه ..
((المصيبه يا قمر اللي ماتعرفينه أن هذي ثاني مرة .. موب الأولى .. يعني ضاحي من الاساس ماعنده ثقة فيني ((
دانه ـ انشاءالله ..
قمر ـ ماتصدقين من شفت اليوم..
دانه ـ من ؟
قمر ـ خالد ..
طالعت دانه قمر .. هذ قمر نفسها اللي تتكلم عن خالد.؟؟؟ وين اللهفة والعيون المسبلة والتنهيدات ؟؟
دانه ـ خالد؟؟
قمر ـ اييه .. يالي لبدور بعد ما صار فيها انهيار عصبي .. لاتخافين .. حالها احسن من حالج ..
دانه ـ قلت لج لاتقولين لها ..
قمر ـ ما احس بالذنب .. ما ادري ليش ..
دانه ـ ...........أفهم أنج ارتحتي ؟؟
قمر ـ اييه .. ارتحت ان حاجز بيني وبين اختي انهدم . صج نبنى عشرة غيرة . بس المهم . انها عرفت احساسي ..والحقيقة ..
دانه ـ اشم ريحة أنانية ..
قمر ـ بالعكس .. كأن كان جبل ياثم على صدري .. وانزاح ..
دانه ـ ................................................
قمر ـ هذي غرفته؟؟
دانه ، من ؟؟
قمر ـ زوج المستقبل ..
دانه ـ اييه..
بدت تدور فيها وتقلب بين أشياءه .. وعطورته ..
قمر ـ عطورته تلوع الجبد مير خايسه .
دانه ـ كلها بوس وهوغو وشانيل ..
قمر ـ موب عاجبيني.. مكتبتها كلها كتب شعر ..
دانه ـ ماتحبين الشعر ؟؟
قمر ـ بالعكس .. أحب الشعر ,..بس شوفي . كله صحراء وبدو .. مافي شي بسيط ينفهم .
دانه ـ مم .. في طلال الرشيد .. وفي خالد الفيصل ..
قمر ـ اييه .. يمكن .
حست دانه أن قمر مهتمة في حمد .. تقلب بين اغراضه باهتمام ..
دانه ـ شفيج عفستي اغراض الريال ؟؟
قمر ــ ما ادري .. ما اجذب عليج لو قلت لج أني محتاجه لفته من حمد ولا ابتسامه علشان أبني آمال على هالزواج .. حمد المتعقد اكرهه ويكرهني .. على الاقل في شي مشترك بينا .
ابتسمت دانه .
ـ بيأذن بعد شوي .
قمر ـ أدري .. طبعا آخر شي أبيه أفطر هنا .
دانه ـ ليش ؟؟
قمر ـ عمي ناصر سوى هالحركه فيني خلاني ايلس بين الشباب هه .. طبعا لما كنت ياهل شوي ..بروح الحين ..
شالت شنطتها والبست شيلتها .. كانت قمر لاول مرة بدون ربع طن من المكياج على ويهها .. كانت مكتفية بكحل بسيط .
قمر ـ بروح الحين .. لاتنسين .. المواجهه ..
دانه ـ بروح اليوم .. بعد صلاة التراويح ..
***********
ماكان له أي رغبه يروح بيت أبوه .. حجز له في فندق .. وحبس نفسه طول اليوم .. بكره من الصبح يخلص اجراءات طلاق البدور ويرجع يسافر .. مايدري ليش انه موب نادم على الطلاق .. ماينكر أنه في قلبه شعور لبدور .. ماينكر أنه توهم ماصار لهم كم شهر متزوجين .. بس لسبب مجهول طابت نفسه منها .. يمكن لقوتها وكبرياءها ؟ أنها ماذرفت دمعه وهي تطلب الطلاق ؟؟ بدور ما ينخاف عليها .. تعرف تآخذ حقها ..
لازم يسافر بكره .. كل شي ولا دراسته ..
*********************************
طلعت من المسيد للسيارة ..
ـ راجو .. بيت ضاحي ..
شغل السيارة واتجه لبيت ضاحي ... اللي بعيد وايد عن بيت ناصر .. طول الطريق وهي محتارة شتقول له ؟؟ طول الطريق وهي تعد نفسها لمواجهته .. دموعها ماقصرت .. مع كل فكره كانت تنزل ..
اوصلت للبيت .. وتمت عشر دقايق تنتظر في السيارة ..
خذت نفس وانزلت . فتحت الباب بمفاتيحها ..
انصدمت ,,,
ـ بدور شتسوين هنا ؟؟
تعرف انه بدور من شامة صغيرة تحت حاجبها موب عند قمر ..
نايف ـ شلونج يالدانه ؟؟
دانه ـ هلا أخوي ..
نايف ـ مابتسلمين علي ؟؟
سلمت على نايف ..
التفت لبدور .. اللي بحركه مفاجئة حضنتها ..
استغربت دانه ..آخر مرة شافت البدور تفاجأت بكف على ويهها.. واليوم تآخذها بالاحضان ؟؟
نايف ـ بدور بسبقج وأروح السيارة ..
بدور ـ زين يبه ..
تفاجأت دانه ببدور .. كانت .. غير .. حتى نظراتها كانت غير .. كانت كله توطي راسها ..
بدور ـ عمتي , أنا آسفة ..
سكتت دانه ..
بدور ـ عمتي سامحيني ..أنا دمرت حياتج .. اليوم اييت أوضح لضاحي أن اللي ..اللي تبين له موب صحيح .. وأبوي يا معاي ..
ما علقت الدانه ..
بدور ـ عمتي .. والله اني ندمانه أني .. مديت يدي عليج .. أنا آسفة ..
دموع البدور كانت الكرت الأخير اللي رضت فيه الدانه .. حضنتها .. ومسحت على راسها ..
لان الذنب موب كله عليها .. ضاحي نفسه كانت عنده شكوك .. هو نفسه ماصدق خبر وصدق اللي انقال ..
بدور ـ بروح .. طولت على أبوي .
مسحت دموعها .. وطلعت بسرعه ..
طالعت الدانه الدري .. هذي خطوة صعبه ,, المهم ...ان الحقيقة تبان ..
خذت نفس قبل لاتركب الدري .. وطلعت ...
في الصالة اللي فوق .. كان حاط راسه بين ركبتيه .. وهو ينفخ ..
جرت نفسها غصب.. انقبض قلبها بقوة لما شافته . ماتصورت انها تحبه هالكثر ..
ـ ضاحي ..
رفع راسه بسرعه ..
وقف على حيله أسرع ..
دانه ـ ييت أخذ أغراضي وأسألكم كم سؤال ..
ضاحي ـ دانه ..
دانه ـ بس سؤالين .. متى سمعتني أكلم خالد ؟؟
سكت ضاحي ..
دانه ـ متى ؟؟
ضاحي ـ دانه أنتي كنتي تحلمين فيه دايم .. وفي ليله كلمتيه .. أنا متأكد .
دانه ـ أحلم فيه؟؟ ضاحي أنا كنت أرفضه من كان عمري عشر سنوات .. أمي ماتت وهي غاضبه علي لاني ماتزوجته!
ضاحي ـ الا دانه .. نسيتي ؟؟ لما حلمتي أنه مات ؟؟ نسيتي ..
شهقت فجأة .. فجأة اتضح لها كل شي ..
ـ هذا هذا .. كاااان .. كان ..
ضاحي ـ تنكرين ؟؟
صرخت دانه ـ كان خالد ولد أخوي .. ولد أخوي .. كان في لندن علشان يستأصلون ورم في راسه .. وكنت أحاتيه .. أحاتيه.. هو اللي كلمته .. وقلت له أني اشتقت له لاني ماسمعت صوته من أسابيع ,,
انهارت دانه بالدموع وضاحي انصدم ..
وعلى أقرب كرسي جلس ..
قامت الدانه للغرفة .. وطلعت الشنط اللي يات فيهم .. وبدت تحط فيها أغراضها .. وهي تصيح . ..
دخل ضاحي الغرفة ..
ـ دانه .. أنا آسف .. آسف ..
دانه ـ آسف ؟؟ هذي المرة الثانية ضاحي المرة الثانية ..
ضاحي ـ والله أنا نادم ..
دانه ـ وهالندم من أي بنك أصرفه ..
ضاحي ـ دانه .. أرجوج .. أنا محتاج لج ..
دانه ـ ما أقدر ياضاحي .. ما أقدر .. هالشي أقوى مني .. كرامتي أكبر من احتياجك .. للحظات ظنيت أني خلاص.. انتهيت من حالة الضيااع اللي كنت فيه .. للحظات . . وللأسف .. كانت ظنوني كلها غلط .
ضاحي ـ دانه .. ماتصدقين شكبر فرحتي اليوم .. أنه اللي كنت أشك فيه طلع غلط.. واحساس الندم الفظيع أني أسأت لج ..
دانه ـ ضاحي .. أرجوك .. جرحك كبير في قلبي .. كبير .. ماينسى في لحظة .. اتهامك.. كان .. الجرح الثاني لي ..
حذفت ملابسها وطلعت من الغرفة ..
طلع ضاحي وراها ..
ـ دانه ..
وقفت .. بس مالفت ويهها له ..
ضاحي ـ شالسؤال الثاني ..
دانه ـ أي سؤال ..
ضاحي ـ كنت تبين تسأليني سؤالين ..
دانه ـ ...................................
تحركت لين افتحت الباب ..
ـ كنت بسألك اذا تحبني ولا لاء ..
طلعت قبل لا تسمع الجواب .. كانت تبي تسأله هالسؤال من واجهها فيصل .. لكنه حست انه ماله معنى ..
************
ـ ما بتحضر عرسي ؟؟
خالد ـ لا يا عبير .. عندي امتحانات ..
عبير ـ بس انت قلت لي أنه اجازة الكريسماس .. صح ولا لاء ؟؟
خالد ـ الطيران كله محجوز.. وبعدين امتحاناتي صعبه وطول الاجازة بحبس نفسي .. ماعندي وقت أبد .
عبير ـ خالد .. شفت بدور أمس ..
خالد ـ وين ؟
عبير ـ في بيت ناصر ولد عمتي .. كان عندهم عشا لرجوعهم من العمرة ..
خالد ـ شلونها ؟؟
عبير ـ غير .. اللي محيرني انها سلمت على امي عادي ولا كأنها طليقتك ..
خالد ـ .......................... والدانه شلونها ؟؟
عبير ـ ما ادري يا خوي .. من تطلقت تغيرت حالتها .
خالد ـ مارجعت لريلها ؟؟
عبير ـ لا ....
خالد ـ وقمر ؟؟
عبير ـ خالد .. أنت من صجك تسأل ؟؟
خالد ـ ايه ..
عبير ـ حفلة ملجتهم ثاني أيام العيد .. يعني بعد بكره ..
خالد ـ كلميها عبير
عبير ـ no way أنت مينون ؟؟؟؟؟؟؟؟؟؟؟
خالد ـ بس جسي النبض ..
عبير ـ ما ادري .. تكلمت وايد عنك جدامها .. ولا مهتمة ..بس اسألتني مرة وحد اذا حمد من النوع اللي يلين راسه مع الحنه والرنه ..
صك التلفون خالد في ويهه عبير .. ما عجبه كلامها .. طبعا بعد شقة العائلات العربية انتقل لسكن شباب .. للاسف ما يعجبه ولا واحد فيهم .. كان فيه واحد اسمه دين(أمريكي ) وواحد اسمه خورشيد (باكستاني ) ,, وواحد اسمه دونالد .(أمريكي .. (
كلهم طلاب في نفس الجامعه اللي هو فيها .. ولقى اعلان مطلوب رووم ميد . لان اللي كان في الغرفة اللي هو فيها ارتحل .. (انتحر) ..
رن تلفون ..
ـ يس ..
ـ اتس مي كايت .. أم آوت ..
ـ جست أمينت ..
كانت علاقته بكاثرين قوية .. طول اليوم معاها .. ويتجولون ويدرسون مع بعض ... ويرجع في الليل معاه أكل يتفطر مع خورشيد بدون ماينطقون كلمة .
كاثرين ـ آر يو ستل فاست ؟؟
اسألته عن الصيام ..
ـ يس .. تودي از ذا لاست داي .. توومورو وي ويل سيليبريت ..
كاثرين ـ سيلبريت ؟؟ واي ؟؟
شرح لها خالد عيد الفطر . وكان مزعوج وايد لان امه ما رضت تكلمه .. ولا ابوه .. بعد ماعرفوا انه يا الدووحه وما مرهم ..

تغيرت بدور .. بدور اعتذرت من قمر .. واشرحت لها انها تتمنى انها تسامحها لانها كانت لئيمة معاها .. تغيرت البدور من تطلقت .. شخصيتها تغيرت وايد .. لكنها ما احضرت حفلة ملجة قمر .. رغم أن قمر أصرت لكن بدور اشرحت لها أنها مستحيل تخرب عليها الحفلة ..
ليلى ـ مابترقصين ؟
دانه ـ لاء .. أنا تعبانه مافيني على الرقص .. بس بتم جنب قمر ..
ليلى ـ يلا .. أنا وأنتي نرقص بنعومه انتي تعبانه وأنا حامل ..
دانه ـ ما أخيبج ..
رقصوا خفيف وويلسوا بعدين ..
قمر ماكانت راضية لين اللحظة الاخيرة عن حمد .. بس بعد اللي صار لبدور ودانه .. غيرت رايها ..
المصيبة على الناحية الثانية.. في الميلس حمد المينون وجلسة الاونس اللي مسوينها له أخوانه الميانين . حمد اللي كان معصب .. كان بيده يفركش هالزيجه بس عناد في هالبقر قمر .. رضى .
قمر ـ عمتي ..
دانه ـ هلا .. الي يسمعج تقولين عمي يقول بينا خمسين سنه ..
قمر ـ ههه . زين دانه .. خذي ..
دانه ـ ؟؟؟
قمر ـ خالي ضاحي سافر اليوم .. ويبي حد مع مايا .. رديها معاج لبيته وتمي هناك ليما يرد ..
استنكرت دانه طلب قمر ..
قمر ـ سافر دوره .. أربع أشهر .. مدري وين قال لي اسم الدولة بس نسيت .. يدة مايا ارجعت تشتغل وهو مايبي يردها.. أمي موب فاضيه تيلس مع منايا .. أنا اقترحت عليه أنج انتي تمين .. (خصوصا بردة هناء من العمرة بيرد الموال القديم) ..
شلون ما فكرت دانه ؟؟ نست العذاب النفسي اللي ذاقته على يد هناء ؟؟
دانه ـ بعدين وين أروح لما يرجع ..
قمر ـ لا تنسي عرسي بابن اخوج بعد ثلاثة أشهر .. صدقيني محتاجينج حكم بينا .. صدقيني ..
ضحكت دانه ..
قمر ـ أبوي أعطى حمد بيت في مدينة خليفة يقول هدية زواج .. ولج فيه غرفة .. غرفة والله لج غرفتين .. بس أرجوج .. مايا هالمسكينه وش ذنبها ؟؟؟
دانه ـ انتي متأكده خالج مسافر لمدة أربعة أشهر؟
قمر ـ اييه سافر .. حتى ابوي وصله .. ومايا معاي من العصر من سافر ..
رضت دانه بهالخياركحل مؤقت ... لانها كرهت بيت ناصر .. وماعندها أي طاقة حتى تتحمل هناء ..
صورت قمر .. اللي كانت بأحلى حلة لها .. دخل حمد مع نايف وناصر .. وصوروا .. طبعا كانت دانه تبي تموت من الضحك .. كان ويهه قمر لليمين ويهه حمد لليسار .
ونايف وناصر بينهم ..............صورت معاهم .. حضنوها نايف ووناصر. وسطهم .. بعد اقناعات قوية من دانه رضى حمد يمسك يد قمر (بالاحرى اصبع قمر لان الاخيرة ما اعطته يدها كنها تقول له اظفر قمر وايد عليك ..(
دانه ـ كأن بينكم ثار .. شالسالفة حمد ابتسم .. افرد هالويهه .. وأنتي قمر لاتييبين الحجي لعمرج عطيني ضحكة شقاقية .. وريني ضروسج ..
ابتسمت قمر .. وابتسم حمد شوي ..
دانه ـ خلي مايا عندج الليلة .. بكره بمرج وآخذها ..
قمر ـ زين ..
رجعت دانه مع حمد اللي كان ساكت ..
دانه ـ شفيك ..
حمد ـ ما اصدق أني غبي لهالدرجة علشان اتزوج هال..
دانه ـ هههههه انت للحينك ؟؟ حمد .. قمر والله زينه .. ما بتندم على هالزواج .. صدقني ..
حمد ـ أحسها شايفة عمرها علي .. شفتي شلون رافعه خشمها ؟
دانه ـ شي طبيعي ترفعه .. هذي بنت عمك من لحمك ودمك ..
حمد ـ أنتي شتخرفين ؟؟ شوفي اختها تطلقت بسرعه .. اكيد شينه ..
دانه ـ وأنا عمتك تطلقت بسرعه ..يعني أنا شينه ؟؟
حمد ـ لا لاتفهميني غلط . والله ماقصدي انتي زينه المزايين .. ولاحد يقدر يقول عليج كلمة يابنت حسن ..
دانه ـ وبدور بعد .. بنت ولد حسن .. بنت عمك .. مايصير تتكلم عنها جي .. هذا عرضك ..
حمد ـ اسحب كلامي يالعمة ..
دانه ـ خذ ..
حمد ـ شنو ذي ؟
دانه ـ رقم قمر .. دق عليها غلس اليوم في الليل ..
حمد ـ انتي من صجج ؟؟ مستحيل ..
دانه ـ واذا قلت لك علشان خاطري .
حمد ـ بس أنا ما أطيقها ..
دانه ـ حمد .. خلاص .. تزوجتها .. تطيقها ما تطيقها .. عيب هالحجي .. أقلم نفسك لايسمعونك أخوانك الخبول ..
حمد ـ اسكتي أنا اليوم أشك طق لي عرج من عيال اخوج هالحمير .. خاصه حسون زوجيه وفكيني منه ..
دانه ـ من أزوجه ؟؟
حمد ـ أي فلبينية ولاسيريلانكيه علشان أستلمه عدل ..
دانه ـههههههههههه .. شسوى لك هالاهبل ؟؟
حمد ـ طول الوقت في الميلس يتمصخر علي انا اراويه هالقرد التعبان .
ددانه ـ ليش ؟؟
حمد ـ حيوان .. أنا أراويه .. اليوم الا اقنع ابوي يزوجه ..
***************
حسن ـ هلا بحمد هلا .. هلا ..
حمد ـ ابعد عني ..
حسن ـ ليييه؟؟ يا خوي شفيك ؟؟ هذا وأنت تزوجت القمر مكتئب .. عيل لو أخذت وحده عادية شبتسوي ؟؟
حمد ـ فارج ..
دخل حمد لغرفته وسلمان وحسن ميتين ضحك عليه ..
هناء ـ سكتوا عن أخوكم يامال العافيه ..
دانه ـ وين خالد ؟؟
هناء ـ في قسمه مع زوجته .. الظاهر انه تعب فدخل ينام .خنت حيلي .. من الدوا اللي ياكله ..
سلمان ـ وين هالبزران نوره ومريم ؟؟
هناء ـ ناموا .. خذتهم الخدامه داخل ..
دانه ـ شخبار الجامعه يا حسن ؟؟
حسن ـ ليش ما قالوا لج ؟
دانه ـ لا ما قالوا . شفي ؟؟
حسن ـ يسلمون عليج ..
دانه ـ بايخه ...
سلمان ـ انفصل عن الجامعه أخييرا .. بعد أربع سنوات خطوبة ..
ضحكت دانه لكن حسن ماضحك ..
ـ شفيك نادم ؟؟
حسن ـ
موب أنا اللي اتحسف على وحده اهجرتني .. اللي عاوزني يجيلي يجيلي أنا مابروحش لحد ..
ضحكت دانه على حسن ..
ـ وانا على بالي صج متحسف ..
هناء ـ هذا هو .. كله سفر مع ربعه . وكله مطيح في هالشاليهات .. والجامعه وتركها ..
سلمان ـ لايمه .. هي تركته...
هناء ـ خوز عن اخوك ..
دانه ـ هناء خلي سلمان ينتقم لحمد .. حسن طول اليوم غلس على راسه .
حسن ـ دانه .. دامج بعباتج قومي نطلع ..
دانه ـ وين أطلع وأنا بهالكشخه ؟؟
كانت دانه لابسه فستان وحاطه ميك آب ..
هناء ـ وين رايحين في هالليل ؟؟
حسن ـ اليوم عيد .. والناس صاحيه لين الصبح .. قومي دانه غيري ثيابج وتعالي ناطرج في الصالة ..
سلمان ـ زين عزموني .. خلوا لي حشمه وجلاله ..
حسن ـ أنت روح لكتبك وادرس يالمصري ..
سلمان ـ كوني شاطر ومجتهد هذي موب عياره ولا مسبه ..
حسن ـ زين .. آسفين يالشيخ .. تفضل معانا لو تحب ..
سلمان ـ طابت نفسي من الطلعه معاكم ..
دانه ـ يلاسلوم .. حتى أنا مصريه .. لاتزعل من هالخبل ..
حسن ـ من تقصدين بالخبل؟؟
دانه ـ من غيرك؟؟
حسن ـ ما خبل الا ريلج . لا تدرين . ما أعتبره خبل .. كان عنده وجهه نظر يوم عافج ..
انصدمت دانه من كلام حسن ... سحبت نفسها غصب من الصالة .. وطلعت لبرا ..
حسن؟؟ حسن يقول لها كذا ؟؟ حسن ؟؟ كانت الصدمة من مصدر الكلام أكثر من الكلام نفسه .. حسن اللي في لحظة من اللحظات حسته ولدها هي ؟؟ من كثر معزته وحبه لها ..
وقفت عند السيارة .. كانت في صدمه أكثر من أي شي ثاني ..
طلع سلمان ..
ـ دانه ..
دانه ما قدت تمسك عبرتها أكثر . .
ـ أنا رايحه بيت ..
ـ مابتطلعين من هنا في هالليل ..
ماكانت دانه تبي تراويه دموعها .. دارت ويهها عنه ..
سلمان ـ مابتطلعين ارجعي ولايهمج كلامه ..
طلع حسن ـ من اللي ولايهمها كلامه ؟؟
سلمان ـ أنت .. من غيرك ..
خلال ثواني الامور بينهم زادت .حده .. زاد النقاش وزاد الكلام الماصخ حاولت دانه أنها تفرق بينهم.. لكن حسن عنيد .. وسلمان أعند ..
في دقايق استوت خناقه بينهم . وتعالت أصواتهم .. طلعت هناء للحوش .. وطلع خالد وحاول يفرق بينهم.. مسك حسن سلمان واطرحه على الارض ونزل فيه طق وسلمان احتراما لخوه الاكبر منه ما مد يده بس حاول يتصدى لضربه وحاول انه يوقف على حيله .. طلع حمد وحاول يفرق بينهم بعد مافشل خالد اللي كان ماعنده أي طاقه ..
حتى الواقفين طلعوا على الصوت وصاروا يتفرجون .. دانه كانت بس تصيح .. تبيهم يوقفون عن هاالهواش ..
ولما امسكوا حسن عن سلمان طلع ناصر .. وكان موقف تمنت دانه أن الأرض تبلعها ولا تم واقفه ..
ببرود ـ ادخلوا داخل البيت ..
دخل حسن بعدين سلمان .. وكان واضح أن سلمان وحسن هم اللي كانوا يتهاوشون من أشكالهم .
ليلى كانت واقفه عند السلم .. أشر لها خالد روح الغرفه فدخلت ..
خذ ناصر نفس عميق.. وبلحظات نزلت يده على ويه سلمان .. وفي نفس اللحظة على ويهه حسن.. جمدت الصدمه دانه .. وهناء حالت بين ناصر وبين عيالها .. اللي نزلوا راسهم في الارض .. موب هينه أبد في هالعمر ويمد أبوهم يده عليه ..
ناصر ـ هذا لانهم ما احترموا البيت اللي هم عايشين فيه ..
دخل ناصر لغرفته .. طلع حسن برا البيت .. وطلع سلمان لغرفته خذ مفاتيحه .. وطلع هو الثاني بسيارته .. حاولت هناء أنها توقفهم لكنها ما اقدرت.. كان خالد واقف وهو منصدم وحمد ماتكلم ..
حمد ـ شصار ؟؟ شصار بينهم ؟؟
خالد ـ شسبب الخلاف ؟؟
هناؤء طالعت دانه ـ كله منج أني يا ويهه النحس كل ما تيين بيتنا تصيير لنا مصيبه كله بسبتج كله بسبتج .. ما ألوم ريلج اذا طلقج .. أكيد ويه نحس عليه كنتي ..
كانت هناء تصرخ بقوة.. ودانه مابقى فيها أي صبر .. طلعت برا البيت وحاول حمد يمسكها لكنها طلعت .. ركبت السيارة وأشرت لراجو.. اللي شغل السيارة و طلع من البيت ..
ذبحت عمرها من الصياح ..
ـ بيت ضاحي ..
ما تقدر تروح بيت منيرة .. وماتقدر ترجع لبيت ناصر .. ولابيت ثامر ولا بيت سعود .. خلاص .. مافيها صبر على المذله ..
وصلت البيت وفتحته بمفاتيحها .. راحت للغرفة على طول .. حذفت عمرها على السرير ..وانهارت صياح وبجي ....
**********

تجاهلت اليوم الثاني اتصالات حمد .. كانت حابسه عمرها في الغرفه طول اليوم .. وعيونها اجحظت من كثر الصياح .. طلعت من الحمام بعد ما تسبحت ..
لقت مايا في الغرفة ..
شالتها وحبتها ..
ماياــ أنتي وين رحتي ؟؟
دانه ـ أنا موجوده .. كنت أتسبح ..
لقت قمر في الصالة اللي برا ..
قمر ـ اتصل فيني حمد يدور عليج .. حرام طيرتي له عقله من كثر ما يدورج ..
دانه ـ شخبارج ؟؟
سلمت عليها ببرود ..
قمر ـ انتي سمعتي شقلت لج ؟؟ وبعدين من أعطى حمد رقمي ؟؟
دانه ـ هو كلمج ؟؟
قمر ـ أنتي سمعتي شقلت لج ؟؟ أقولج دق يسأل عليج وهو مثل المينون .. طمنته وقلت له أكيد أنج هنا .. وسألني السبب وقلت له عن سفر خالي ..
دانه ـ بس هذا اللي تكلمتوا يه ؟؟
قمر ـ دانه انتي انهبلتي ؟؟ وشفيه عيونج جي ؟
دانه ـ ما فيها الا العافيه .. شوفي انا قررت اذا خلصت عدتي يعني بعد شهرين وشي .. اتزوج ..
حطت قمر يدها على راس عمتها تشوفها مصخنه ولا لا ..
ـ موب مصخنه ..تتزوجين من ؟؟
دانه ـ راجو ....
ضحكت قمر ...
دانه ـ انا من صجي ...ما امزح معاج..
قمر ـ حلال عليج بس ما فكرتي انه كافر وان مايصير زواجكم؟؟؟
هنا دانه اضحكت ..
قمر ـ ليش تضحكين ...
دانه ـ عادي أخلي مهري أنه يسلم ..
قامت دانه وخذت مايا للغرفه حضنتها حيل وحطتها على السرير .. ونامت بقربها ..
دخلت قمر ـ شفيج ؟؟ .. انت مو على بعضج ..
دانه ـ مو على بعضك حبيبي .. وين سمعت هالجمله ؟؟
قمر ـ دنه شفيج ؟؟
دانه ـ مافيني شي ..
قمر ـ براحتج .. أنا بروح الحين.
حضنت دانه مايا بقوة وماقدرت تكتم دمعتها .. لانها شمت فيها ريحة ضااحي ..
مايا ـ ليه بتبكي؟؟
دانه ـ قلبي يعورني ..
مايا ـ روحي الدكتور ..
دانه ـ زين .. بروح ..
مايا ـ روحي الحين ..
دانه ـ بعد شوي .. لما نصحى من النوم ..
مايا ـ بنام ؟؟
دانه ـ اييه ..
*************
مرت الايام بطيئه على الدانه .. مرت مليانه تعب نفسي ومعنوي وجسدي ..
الغرور ـ عصير ليمون ؟؟ بدون سكر ؟؟ لييش ناويه تنتحرين ؟؟
دانه ـ لا ..
الغرور ـ دانه ويهج متغير .. موب طبيعي بالمره ..
دانه ـ من هموم الدراسه ..
الغرور ـ زين بعزمج على الغدا ..
دانه ـ لا .. ما اشتهي .. برووح الين .. مافيني شده على المحاضرات اللي باقي ..
الغرور ـ أنتي موب طبيعه اليوم ..
دانه ـ أدري .
كان صج اللي زاعج دانه انها في الاسبوعين الاخيرين ما شافت سلمان ولا حسن..
شافت حمد وتهربت منه . وشافت خالد لكنها ماكلمته ..
في السيارة ..
رن تلفونها ..
ـ ألو ..
عبير ـ هلا .. وغلا ..
دانه ـ هلا بالعروس..
عبير ـ لا عاد جي استحي ... مر علي اسبوع . وخلصت من سالفة العرس ...انتي وينج هالحين ؟؟
دانه ـ على طريق الجامعه .. لييش ؟
عبير ـ مري امي .. ما كلمتها اليوم وأنا شايله همها .. .. ما أدري موب مرتاحه ..
دانه ـ أمرج وآخذج معاي ؟؟
عبير ـ لا أنا بعيده . أنتي أقرب .. مريها ..
دانه ـ تآمرين أمر ما طلبتي شي ..
عبير ـ ما يامر عليج عدو تسلمين لي ..


الحلقة الواحد والعشرين .... والأخيره ..
وهو بين أوراقه في عز انشغاله .. رن التلفون .. قام بتكاسل وهو يتأفف ,,
ـ يس .
ـ ألو ,,, خالد . ألو ..
خالد ـ ألو .. انا خالد من معاي ؟؟
ـ أنا سعود ولد عمتك ..
خالد ـ هلا سعود هلا .. شخبارك يا ريال ؟؟
سعود ـ خالد .. .. يا أخي خل ايمانك بالله قوي ..
خالد ـ شفيك سعود ؟؟ شصاير ..
سعود ـ أمك يا خالد .. عطتك عمرها ..
*************
غرقت عيونه بالدموع .. طالع هالاوراق اللي جدامه . .. قطعها كلها .. كلها .. . ويلس في زاوية الغرفة ..
شريط حياته مر جدامه .شاف خمس سنوات من الجفا .. شاف أمه وهي تبجي يوم رجع من السفر .. يوم تبجي لما سافر .. للمرة الثانية .. شاف جهنم جدامه .. شاف جهنم .. وهو يعرف أمه توفت وهي موب راضيه عليه ..
قطع كل الاوراق كل الكتب .. كل شي .. وهو في نوبه استنكار ..
ماتت أمه .. ماتت الغاليه .. ماتت وهي شايله عليه .. ماتت وهي زعلانه منه .. ماتت ..
***************
اقتنعت دانه أنها ويهه نحس .. ويهه نحس .. تحاشت نظرات هناء .. وتمت بقرب عبير .. اللي انهارت بالصياح .. ونفس الشي خواتها العنود وصالحه .. وبشاير ...كان خالها متماسك .. متماسك بطريقة ما اعتادتها منه .
قمر وبدور ومنيرة ومريم وليلى تقريبا كل العايله مجتمعه .
هذا يوم العزا الثالث .. وخالد مابين.. رغم أن سعود أكد أنه اتصل فيه .. الكل انتقد خالد اللي غاب في عزا امه ..
بوخالد ـ بشاير .. يبه ولدج نام قومي شيليه .. حطيه في غرفتج ..
قامت بشاير وهي شايله ولدها اللي ماتعدى الشهرين ..
دانه ـ خالي .. روح أنت ريح .. .
بو خالد ـ لا .. أنا ماعلي شر ..
هناء ـ أي يا بوخالد .. قوم وارتاح ..
قام بوخالد .. في نفس اللحظة اللي دخل فيها خالد البيت . كان خالد غير .. شكله ممبهدل ولحيته الظاهر ماحلقها .. لانها كانت مبهدله ..
ـ السلام عليكم ..
ـ وعليكم السلام ..
طنشه بو خالد ودخل لغرفته ..
سلمت عليه العنود واحضنته عبير بقوة وهي ميته صياح .. ونفس الشي صالحه ..
الكل عزا خالد وسلم عليه باليد .. حتى بدور .. ولما يا دور الدانه ..
ـ عظم الله أجرك ...
ـ أحسن الله سعيك ..
بس كانت ببساطه .. ونزلت يدها بسرعه واستأذنت ..
طلعت من البيت ورجعت البيت ..
*********
دخل خالد لبوه .. ونزل وحب يده وهو يبجي .. سحب أبو خالد يده ..
ـ خواتك يوا من السعوده في نفس اليوم اللي سمعوا فيه الخبر .. لكنك أربعة أيام ما ييت ..
سكت خالد .. ..
بو خالد ـ ماتنطق .. شأخرك ؟
خالد ـ كنت ... كنت .. ..
بو خالد ـ اطلع برا ..
خالد ـ بس يبه ..
ـ أمك ماتت .. واللي موتها هو انت بقسوتك وعقوقك .. اطلع برا بيتي .. لانه يتعذرك ..
خالد ـ يبه .. يبه أنا آسف .. أنا كنت أدرس .. كنت أبي أخليكم فخورين فيني ..
بو خالد ـ ليتك عامل نظافه وواصل رحمك أحسن من دكتور قاطع وصله .. أمك يا خالد .. أمك .. ماتت من قهرها منك.. اطلع .. ما أبي أشوف ويهك .. بعد اليوم .
قام خالد والدنيا مسوده في ويهه ..
بوخالد ـ شي أخيير .. أمك ما ماتت غاضبه عليك ..
كأنه ناقص احساس بالذنب علشان يزيد عليه أبوه بآلالامه ..
طلع خالد .
تنهد بو خالد .. خالد من يومه .. من يومه انسان قاسي .. اول شي عمته اللي طاحت بسببه .. واليوم امه .. طبعا ما ينسى أنه السبب في تشتت الدانه وطلاقها .. وكافي فشله جدام نايف ولد أخته .. يوم طلق بنته وزواجهم ما كمل شهرين .. هذا غير سواد الويهه اللي من وراه .. البنت اللقيطه ..ووواوات وايد .. صج أنه طلع دكتور .. بس للاسف ماينرفع فيه الراس .. خصوصا هله واللي يعرفون مصايبه ..
******************
*******************
مرت الايام .. ودانه كانت متعلقه وايد في مايا .. اللي كانت تناديها ماما .. طبعا دانه ماكانت تبي هالشي .. لكن الخدامات ينادونها ماما ومايا تقلدهم
مر شهر كامل .. ودانه ما قدرت تدخل بيت ناصر .... كان حمد يمرها بين فتره وثانيه . وخالد وليلى .. لكنهم ما كانوا يتطرقون لموضوع حسن وسلمان ..
خذت مايا معاها بيت خالها تشوفه ..خصوصا أن بيت ضاحي قريب منه شوي ..
دخلت البيت وطلبت من الصبي انه يناديه .. تفاجأت لما شافت خالد موجود ..
ـ دانه ..
ـ ......................
خالد ـ دانه ..أنا آسـ....
دانه ـ ماله داعي .. كل شي قسمه ونصيب ..
خالد ـ بس .. أعتقد أني كنت السبب .
دانه ـ .........................
خالد ـ أنا آسف . ..
سكتت الدانه ..
خالد ـ متغيره ..
دانه ـ ها؟؟
خالد ـ متغيره .. ويهج مافيه دم .. شفايفج بيض .. والهالات حول عيونج .. ما راجعتي طبيب ؟؟
دانه ـ مافيني شي ..
خالد ـ أنا طبيب ..
دانه ـ صج مافيني شي ..
خالد . ....... .. دانه .. بدون مقدمات .. تتزوجيني ؟؟
*************
خالد من شاف دانه رف قلبه .. كانت متغيره متغيره .. الحين مافي شي يمنعه من زواجه منها.. هو مطلق وهي مطلقه .. هو أمه كانت تبيه يتزوجها .. وهي أمها كانت تبيها تتزوجه .. وأكيد أبوه بيرضى عليه ..وقبل كل شي .. هذي دانه .. اللي ضيعها من يده مرة بغباءه .. وحبه للتحرر من قيودأهله .. طبعا عرضه للزواج منها كان المناسب في نظره .. هو يحبها .. هالشي تاكد منه .. تأكد منه ..
****************

لكن دانه .. كتمت شهقة عميقه . من اسمعت عرضه
((طبعا .. يبي يأكد شكوك الكل من حولي .. يبي يسبب لي مصيبه يديده .. بس .. أمي كانت تبي تزوجني اياه.. وأمه كانت تبيني له .. يمكن يكون خلاصي من هالحياة اللي أنا فيها .. يمكن .. بس لحظة . لحظة يالدانه .. نسيتي ؟؟ هاللي عافج .. هذا اللي بكل كره واشمئزاز قال انه مايتخيلج زوجه له .. هذا الانسان اللي حطم حياتج ؟؟ شتقول الناس لما تتزوجينه ؟ شيقول ضاحي ؟؟ضاحي ؟؟ ’آآآآآآآآآآآآآآآآآآآآآآآآآآآآآآآآآآآآآآآآآآآه’ضاحي .. بتتأكد كل شكوكه حولي لحظه .. أنا ما أبي خالد .. وين كرامتي ؟؟؟؟ وينها ؟؟ ليكون نسيتها اليوم في البيت ؟ وينج يا الكرامه وينج . وينك يالكبرياء . وينك ؟؟ وينك ؟؟ ((
دانه ـ لاء يا خالد .. لاء ..
خالد ـ لييش ؟؟ هذا موب رغبه أمج ؟؟
دانه ـ أدري .. ورغبه أمك الله يرحمها ..
خالد ـ زين ؟؟
دانه ـ آسفه يا خالد .. زواجك مني ما بيغير شي ..
خالد ـ شتقصدين ؟؟
دانه ـ اللي أقصده .. أنه بتم حقيقة أن أمي وأمك .. ماتوا وهم علينا موب راضيين .. تعالي مايا ..
مسكت دانه مايا .. وخذتها لي السيارة .. خذتها .. وهي هالمرة اللي رفضت خالد .. هي اللي قالت له لاء .
**********************
مر الشهر الثاني .. مرت الايام بروتينها المعتاد .. الجامعه الامتحانات .. مايا . الشي الوحيد اللي صج دانه كانت موب مرتاحه له هو قمر وحمد .. كانت قمر ما تعوت على حمد .. وحمد مايكلمها الا للضرورة القصوى ..
ـ والله يغث ..
دانه ـ اصبري عليه ..
قمر ـ شصبر الله يخليج .. اتصل فيني يقول لي ما أبي فستان عرسج عاري وصك في ويههي ...
دانه ـ ههه .. والله انكم نكته الموسم ..
قمر ـ تضحكين ؟؟ والله ولد أخوج يرفع ضغطي ..
دانه ـ زين .. لاتلبسين عاري ..
قمر ـ بس هذي ليله عرسي ماله حق ..
دانه ـ شكنتي ناوية تلبسين ؟؟
قمر ـ عجبني فستان كوكتيل مع ظهر مفتوح ..
دانه ـ شنو ؟؟؟؟؟؟؟؟؟؟؟؟؟؟؟؟؟؟؟؟؟؟
قمر ـ شفيج ؟؟
دانه ـ ظهر مفتوح لي وين؟؟
قمر ـ لي هنا ..
وأشرت لآخر ظهرها ..
دانه ـ يا بنتي جي أنتي متفصخه .. استحي حمد ريال محافظ مايحب هالاشياء .. شيلي على الاقل فتحة الظهر ..
قمر ـ أشيلها ؟؟
دانه ـ او البسي تحته شيرت ههههههههههههههههه ...
قمر ـ شيرت ؟؟؟ تطمنزين؟؟ .. زين . تاريخ عرسي 14\4..متى ألحق أدور في الكاتالوجات عن فستان؟؟
دانه ـ جدامج شهرين ..
قمر ـ أقل من شهرين لاتنسين الجامعه .. بعدين تاريخ عرسي يصادف فترة امتحانات .. أظن ..
دانه ـ والحل ؟؟
قمر ـ ما أدري .. .. فستان عرس ومحتشم ؟؟ وين ألاقيه ؟؟ يمكن في أفغانستان ..
دانه ـ طرحتهم روعه في أفغانستان شفافه بس العيون . تبين حتى ضبابيه .. هههههههههه .. أعتقد بترضي حمد هالمتشدد..
قمر ـ فكيني من ابن اخوج .. أقنعيه بلييييييييز ..
دانه ـ بحاول ..
*************
حمد ـ لاتخليني أروح الحين وأفركش كل شي وأنضم لجماعه الجهاد والتوحيد ..
دانه ـ الله يهداك حمد .. شفيك .. البنت موب كل يوم تعرس .. وشمعنى اللي قلته .. ؟؟
حمد ـ جماعه الجهاد في الاسلام .. الي يطلعون في التلفزيون في الاخبار اللي يمسكون خلق الله ويذبحونهم مثل الــ..
دانه ـ بس بس عرفتهم هالمجرمين .. اذا ذبح الابرياء عندكم جهاد لا والله ماشميتوا ريحة الجنه .. خلنا من هالتشدد.. خف على البنت .. وبعدين يا أخي .. كلمها باحترام شوي شنو هي ترفع السماعه وتصكها في ويهها بدون كلمه سنعه؟؟ خدامتكم ؟؟
حمد ـ أنت شفتيها شلون ترد على التلفون ؟؟
حط حمد التلفون على الاسبيكر ودق رقمها ..
ردت قمر بنفس خايسه ـ آلو ..
كان صوتها حاد شوي ..
صك حمد في ويهها التلفون ..
ضحكت دانه .. ـ زين داق على البنت .. ماعرفت تسلم على الاقل تصك في ويهها التلفون ؟؟ شتسوي تعطيها رنه يعني ؟؟
ضحك حمد ..
ـ تستاهل ..
دانه ـ ارجوك حمد .. خف على البنت .. وبتلبس شي معتدل ..
حمد ـ زين . بس موب عاري ؟؟ سمعتي ؟؟
دانه ـ انشاء لله ..
ـ وتراني بس أهدد بالكلام اللي قلته عن جماعه الجهاد .. أنا أصلا أستنكر فعلهم .. لاتنسين أني رجل أمن . وهالشي يعني العدل قبل كل شي .
دانه ـ أدري .. ..
حمد ـ شفيج هاليومين ؟؟ أحس أنج زدتي ؟؟ خصوصا بطنج ..
دانه ـ أفرغ في الأكل بس ..
حمد ـ حسن في غرفته .. وسلمان بعد .. دامج تشجعتي وييتي بيتنا (مع أن أمي موب هنا .. يلا .. روحي لهم .(
دانه ـ بروح لسلمان .. لاني حطيته في موقف سخيف ..
حمد ـ وحسن ؟؟
دانه ـ ................ انشاء الله ..
حمد ـ زين .. قبل لايأذن العشا .. علشان نروح كلنا للمسيد .
دانه ـ أشكره تقول لي خلصي بسرعه .
حمد ـ أشكره أقولج اشردي بذيلج قبل لاتيي امي ..
دانه ـ c u
طلعت دانه لغرفة سلمان .. طقت الباب ..
ـ ادخل ..
ادخلت ..
ـ السلام عليكم ..
ـ وعليكم السلام ..
بعكس ماتوقعت .. ابتسم لها .. راحت له واحضنته ..
ـ سلوووم .. حبيبي .. آسفه .. لانك بسببي صار لك اللي صار .
سلمان ـ أنتي مالج دعوه .. .. وأنا ماشايل عليج ..
دانه ـ عيل ليش زعلان مني وماتمرني؟ شهرين يالظالم ولاكلمة منك؟؟
سلمان ـ نسيتي أن امتحانات؟؟ وأنا مصري ؟؟
دانه ـ ههههههه .. بس ما يعني انك ماتمر ..
سلمان ـ استحيت ازورج بعد ماقال لي حمد اللي سوته امي فيج ..
دانه ـ عادي . موب أول مره .. بس ماقالت شي غلط .. أنا كنت السبب .
سلمان ـ لاء .. ماكنتي أنت.. حسن هو اللي كان السبب .. أنا ما أرضى عليج مهما يكون ..
دانه ـ تسلم لي .. الله يحفظك ويوفقك يا سلمان ولد ناصر ..
سلمان ـ ما أحلاها من دعوه ..
دانه ـ من بيحج السنه انشاء الله؟؟
سلمان ـ سمعت من أبوي أنه خالي ..
دانه ـ بروحه؟؟
سلمان ـ لاء . معاه حمد ..
دانه ـ الله يوفقهم .. ماقال لي حمد ..
سلمان ـ يمكن نسى ..
دانه ـ تعال معاي ..
سلمان ـ وين؟؟
دانه ـ تعال بس ..
مسكت يده لين وقف جدام غرفة حسن ..
سلمان ـ مستحيل ..
دانه ـ تدري .. ما انقبلت أعمالكم من اليوم اللي تهاوشتوا فيه .. شلون تبي الله يبارك لك في دراستك وأنت مخاصم أخوك ومتزاعل معاه؟؟
سلمان ـ يعني بتسامحينه ؟؟
دانه ـ ...أنا سامحته .. الباقي عليك ..
دخلت الدانه الغرفة بدون ماتطق الباب .. كان حسن يطالع التلفزيون ومن شافها وقف .. صج أنها أصغر منه بوايد .. لكن .. دانه تحس أنهم عيالها .. ..وماتقدر تزعل منه . كل هالمده وايد عليها ..
ـ دانه ـ يينا نستسمح منك . أنا وسلمان .. أنت الكبير وحنا غلطنا عليك ..
سلمان ماتكلم ..
لكن حسن باس راس عمته ..
ـ أنا آسف .... يالدانه .. كلامي كان .. جارح .. وأنا ماكنت أقصده ..
باس راسها مرة ثانية ..
دانه ـ أصلا أنا كنت أمزح معاك .. ونفس الشي سلمان .. ما أخذنا أي شي على طابع شخصي . .. السموحه منك..
حسن ـ لحظة .. صج أني دخلت الجامعه أربع سنوات بس كل الي فهمته مايي أربع محاضرات .. فالكلام الي تقولينه وايد كبير .. ما أفهمه .. شنو طابع وشنو شخصي ؟؟
ضحكت دانه ـ هههه .. كأنك ماتعرف .. يلا .. سلمان ..
مد سلمان يده وتصافحوا . كان واضح أنهم يكابرون ..
مستحين من بعض ..
حسن ـ آسف .
سلمان ـ لا .. أنا آسف أنا غلطت عليك .. ,, السموحه منك يا أخوي ..
***************************
خورشيد ـ there is girl wait for you ..
استغرب خالد الساعه 3 الصبح من يبيه في هالحزه؟؟ طلع وكانت كاثرين واقف في البرد عند الباب .. طلب منها أنها تدخل لكنها ما رضت ..ـ marry me ,,,
كان طلب كاثرين أكبر من أن يفهمه خالد ..
-I am sorry …what??
- marry me .. I fall in love with you ..
- I cant .Iam sorry..
-because I am not a muslim??
- may be ..may be I am not in love with you ..
- but ..
- there is no but.. I cant marry you ..because you ..you..
-fool??
- no .you are my friend..not my girl friend..yet !!
-thanks a lot for your kindness… but I don’t think that I can wait for it ..
- for what??
- being your girl friend I don’t want that ..
- you who asking me to marry you ..
- forget it too…
كان واضح أن كاثرين سكرانه .. وضوح الشمس .. لانه كانت تتمايل يمين ويار .. استغرب خالد .. لانه ولامرة لمح لها أنه يحبها .. وحتى لما كانوا يرووحون وييون كانوا بس يدرسون ..
دخل لغرفته .. ومسك التلفون ..
ـ ألو ..
ـ ألو ..
خالد ـ شيماء ؟؟
شيماء ـ هه . خالد ؟؟؟
ـ شخبارج؟؟
شيماء ـ اتصالك في غير وقته ..
خالد ـ ؟؟؟ ليش؟؟؟؟
شيماء ـ أنا بترك هالشقة اليوم .. فهالرقم خلاص انساه .
خالد ـ ليش ؟؟
شيماء ـ لأني أنا وسامر كتبنا كتابنا .. ملجنا .لاني انتهيت منك يا خالد .. انتهيت من أنانيتك ..
انصدم خالد .. وصك التلفون في ويهه شيماء .. .. ليش الحظ معاه بدا يسوء؟؟ ليش ؟؟ ؟؟
*********************
مريم ـ شيلي مايا .. البنت ماتت من التعب ..
طالعت مريم مايا الي تعبت من اللعب .. كانت اتفقت مع مريم يطلعون مع بعض لجنغل زوون يلعبون الاطفال..
مريم ـ شيليها المسكينه انهد حيلها ..
دانه ـ البنت ثقيله .. مأأقدر لها .. الحين نوصل السيارة ..
مريم ـ ششالسالفه توج من فتره كنت تشيلينها .. متى اثقلــــــــ.....
شهقت مريم ..
طالعت دانه عيون مريم وحلجها اللي تحول من o إلى ابتسامه ..
دانه ـ مريم لاتقولين لحد الله يخليج ..
مريم ـ بس ..
ـ أرجوج ؟؟؟؟؟؟؟؟؟؟؟
مريم ـ أحاول ..
دخلت السيارة .. ونامت مايا في حضنها ..
شغل راجو الراديو ..
كان عبادي الجوهر .. (ليه العطر وأنتي أنفاسك دخون؟؟ (
ادمعت دانه .. تذكرت ضاحي .. ما قدرت تمسك دموعها أكثر ..
)ياللي كل أفراح قلبي الحزن في المسافة بين فرقاك ووصالك؟؟ .. ليه يالقلب الحنون تآخذك فيني الظنون؟؟؟ ضيعت عقلك .. هو فيه مثلك .؟؟ أنتي ماغيرك عيون .. وأنا أحبك .. أحبك .. أحبك وأنتي أنفاسك دخون .. (
ما قدرت دانه تمسك دموعها عند هالمقطع .. ..
طبعا مريم .. رويترز 2 ما التزمت بكلمتها .. وفجاة بدت الاتصالات على الدانه .. قمر وحمد وخالد وليلى وناصر .. حتى هناء .. كأن ماصار شي بينهم دقت تبارك لها .. ناصر نايف سعود ثامر .. حتى بدور ..
أخييرا دقت مريم ..
ـ هذا وأنا قلت لج لاتقولين لحد ؟؟
ضحكت مريم ـ من فرحتي والله .. من فرحتي .. عاد ماتصدقين الكل يقول دانه حامل التعبير على وجوهم يموت من الضحك .. صراحه كان خبر الموسم ..هذا الخبر اللي صدق يصدم .. محد توقع حمالج .. الكل شافوا تغييرج الفسيلوجي .. بس محد منهم توقع أنج كنت حامل .
دانه ما علقت ..
مريم ـ كم صار لج؟؟
دانه ـ تقريبا ثلاث أشهر وشي..
مريم ـ يعني من طلقج ضاحي كنتي ؟؟
دانه ـ كنت مشككه .. بس تحليل الدم أكد لي ..
مريم ـ وليش ماتكلمتي؟؟ ليش ما قلتي ..
اسكتت دانه وماقالت شي لمريم ..
مريم ـ على العموم .. ألف مبرووك .. ألف مبرووك ..
صكرت التلفون دانه ..
ابتسمت .. طالعت بطنها .. طالعت له .. وهي تبتسم .. بتصير أم .. لي متى بتخبي عنهم ؟؟ .. بس لسبب تجهله.. كانت تبي سالفة الحمال سريه محد يدري عنها .. يمكن لانها ماكانت تبي حد يشفق عليها ؟؟
**********
ـ بيسافر ؟؟ الحج؟؟
دانه ـ اييه .. اتصلي فيه .. وادعي له بالسلامه ..
مسكت قمر التلفون .. واتصلت فيه ..
الزقت فيها دانه ..
قمر ـ السلام ..
حمد ـ وعليكم ..
قمر ـ ...................
حمد ـ قمر بغيتي شي ؟؟
قمر ـ تروح وترجع بالسلامه ..
حمد ـ بس فستان العرس بيظل محتشم وماتلبسين عاري ..
قمر عصبت ـ والله العظيم أنك .. سافاج ..
حمد ـ زين يالمتحضره .. لا تفلسفين على راسي .. أنتي السوقيه ..
قمر ـ الشره موب عليك الشره على الغبيه اللي داقه عليك تدعيلك بالسلامه ..
حمد ـ صج .. والله في هذي ما جذبتي .
قمر ـ شقصدك؟؟ أنا غبيه؟؟
حمد ـ أنا ماقلت شي .. أنتي اللي وصفت نفسج هالوصف الدقيق .. المهم .. فستان عرس .. يكون محتشم سمعتي ؟؟
قمر ـ واذا قلت لك مافي عرس ؟؟
حمد ـ توفرين علي المصاريف .. عادي أنتي زوجتي أخذج بثوبج اللي عليج ولافارقه معاي ..
عصبت قمر ـ اااااااااااااااااااااي .. لاء .. ماصدقت ماتبي تسوي عرس .. في عرس .. وفي فستان عرس ..
حمد ـ محتشم ؟؟
قمر ـ محتشم ..
عصبت حيل ..
دانه ـ هاتي ..
خذت التلفون منها وهي تضحك ..طلعت قمر برا الغرفه وهي معصبه ..
ـ ألو حمد . استح على ويهك شوي ..
حمد ـ على بالها غبي تمشي علي سواليفها ؟؟
دانه ـ والله من درت بسفرك ويهها تغير .. واتصلت عليك بسرعه بدون تردد .. البنت شكلها تحبك ..
حمد ـ لاتقولين..
دانه ـ والله .. أصلا هي من فتره بدت تسألني عن اللي تحبه واللي ماتحبه شكلها لانت .. لاترجع تقسيها ..
حمد ـ هههههههه .. خلاص أعطيني اياها ..
دانه ـ أنا بطلع عنكم .. بس ها .. عطها كم كلمة حلوين تذكرك فيها ..
حمد ـ أعطيني اياها ..
طلعت قمر وأعطت قمر التلفون . ودخلت تشوف مايا ..
طالعت مايا وهي تبتسم .. مسحت على راسها ..
دخلت قمر .. ويهها متورد لاول مرة والسبب مايكون المكياج ..
دانه ـ شفيج متشققه ..
قمر ـ ,,,,,,,,,,,,,,, حمد ..
دانه ـ شفيه ..
قمر ـ أحبه
ضحكت دانه ـ وناسه شسوى علشان غيرتي رايج ..
قمر ـ حط لي الأغنية الرومانسية الاولى في الخليج العربي ..
دانه ـ أي أغنية ؟؟
قمر ـ تدري أني موت أحبك ؟؟ وأن مالي غير حبك؟؟ واللي ينبض في ضلوعي .. ماهو قلبي هذا قلبك ..حطها لي .. حمد .. حط لي هالاغنية .. حمد ..حمد .. حمد .. حمد ... أأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأه ..
دانه لاحظت أن قمر تغيرت من أيام الملجه .. لاحظتها .. وعرفت أنها حبت حمد غصب عنها .. وأن خالد كان مجرد .. حب مراهقه تافه .. ماله أي معنى ..
عرفت دانه أنها خلاص .. انتهت بينهم حركات اليهال .. خلاص .. ..
دانه ـ وفستان العرس ؟؟
قمر ـ بلبسه محتشم .. ولو طلب مني ألبس عباه بدل الفستان مابيكون عندي مانع ..
ابتسمت دانه .. كانت قمر خلاص ذايبه في هواه ..
**
والسبب أغنية ؟؟
******************
تجول في هالبلد .. هو الحين وحيد .. وحيد حتى اشعار آخر....
لانه في المستقبل بيرجع ويطلب بدور .. مستحيل بدور تنسى اللي بينهم من عشرة .. مستحيل . وان نست .. .. ما يبي يحط أي خيارات .. ان نست .. فلكل حادث حديث ..
******************
فتحت الباب.. التفت لها .. انصدمت بوجوده .. كان ناصر ونايف موجودين .. البست شيلتها .. ماتوقعت ضاحي يي؟؟ قالت لها قمر أربعه أشهر ..
ناصر ـ دانه .. ضاحي يبي يردج ..
اسكتت دانه ..
(ضاحي يبي يردني ؟؟ زين؟؟ واللي صار ؟؟ أمحيه ؟؟ بس.. مستحيل .. كرامتي وكبريائي أكبر من ضاحي .. . بس اللي في بطني ؟؟ وحقيقة أني متشردة .. وأنا بروحي .. لكن لو صار لي هالياهل ؟؟ من بيتحملنا ؟ من ؟؟ وبعدين أنا أحب ضاحي.. أي كرامه وأي كبرياء ؟؟ وضاحي اعتذر ؟؟ ؟ظ أي كرامه وكبرياء بيظلون عندي اذا قلت لاء؟؟ أخواني وزوجاتهم مابيترددون في اذلالي .. مابيترددون في توجيه الكلام لي .. أنا بروحي ماكانوا يطيقون مسؤليتي ؟؟ ومع ياهل ؟؟ ضاحي أبو ممتاز.. والدليل علاقته ببنته مايا .. وأناأحبه .. بغلط في حق نفسي اذا رفضت الرجوع له .. في حق اللي في بطني .. أعتقد هالمده كانت كافيه لرد الاعتبار .. بس قبل كل شي .. شرط شرط .. ((
رفعت راسها ..
ناصر ـ ها دانه ؟؟
دانه ـ بس بشرط ..
ضاحي ـ أنا موافق على كل الشروط ..
ناصر ـ مابنسمع شرط الدانه أول قبل لاتوافق ؟؟ ششرطج يا دانه ..
دانه ـ يكتب هالبيت باسمي ..
انصدم ناصر ونايف ..
ـ لا يالدانه .. هذا شقى عمره ..
ضاحي ـ أنا موافق ....
انصدم ناصر ونايف .. وكان ضاحي واقف بثبات وقناعه ..
ناصر ـ بس ..
ضاحي ـ ماعندي مشكله .. أنا بكره انشاء الله بروح وأسجل البيت بسمج ..
اسكتت دانه , تمت طوال الليل وهي محتارة .. ضاحي راح لفندق وين حط أغراضه .. كانت خايفه يكرهها ضاحي.. يكرهها بسبب شرطها .. مانامت .. وهي تحوس في السرير .. وشايل هم .. اتصلت في ليلى .. وقالت لها كل شي صار ..
ليلى ـ ليش شرطتي هالشرط؟؟
دانه ـ لانه .. ما أدري يمكن يتكرر اللي صار .. ما أبي أتشتت . أبي ..
ليلى ـ لاتفاولين انشاء اله الامور بينكم تصطلح .. بس .. الرياييل مايحبون الحريم تتحكم فيهم ..
دانه ـ ليلى أنا أحاتي طول الليل .. طول الليل .. ماتصدقين شقد .. تعبت .. من الضيااع .. أبي أحس أن لي أرض لي بيت ..
ليلى ـ بس أنتي رجعتي لضاحي ..
ـ اللي افترقت عنه في المرة الاولى ..مهما صار ..كان لازم أأمن نفسي .. واللي في بطني ..
*****************
انفرد فيها أخييرا ..
نزلت دانه راسها ..
ضاحي رفع راسها .
ـ لا تنزلين راسج أبد ..
دانه ـ ضاحي اأنت سجلت البيت باسمي ؟؟
ضااحي ـ أاييه ..
دانه ـ انت تكرهني ؟؟
ضاحي ـ لوأكرهج أرجع لج ؟؟؟
دانه ـ بس ...
حست دانه أن كل همها انزاح لما حضنها ضاحي .. ما مسكت دموعها ..وتمت تبجي في حضنه بقوة ..
ضاحي ـ خلاص .. خلاص .. انتهت الدموع ..
دانه ـ ليش سجلت البيت بسمي؟؟
ضاحي ـ لاني ما بضيعج من يدي مهما كان بعد اللي صار .. ظلمتج مرتين .. وأوعدج مابظلمج بعد اليوم.. دانه.. كانوا شهرين من العذاب بالنسبة لي .. ما أدري شلون ابتعدت عنج .. دانه .. أنتي دانه .. مابضيعج من يدي أبد أبد .. واعذريني لغيرتي العميا .. اللي .. سببت لنا هالمشاكل .
دانه ـ ما تصورت حياتي بدونك..
ضاحي ـ ليش ما قلت لي أنج حامل ؟؟
دانه ـ أنت عرفت ؟؟
ضاحي ـ قالت لي قمر أمس ..
دانه ـ ....... كنت محتاجه وقت ..
ضاحي ـ دانه .. نسيت أجاوبج على سؤالج ..
دانه ـ أي سؤال ؟؟
ضاحي ـ بس بجاوبج .......... أحبج ..............................
ابتسمت دانه.. اضحكت بصووت عالي .. كانت لحظات غريبه .. غريبه .. هذا ضاحي اللي يعترف لها بحبه.. ماتقدر الا تحبه أكثر.. أكثر .. وأكثر . وأخييرا .. حست بأمان .. أخييرا ..


The End

سهر الليالي
الخميس
3.56AM
21\4\2004

اهداء ..
إلــــــــــــــــــــــــــــــــــــــــــى مــريم ......
))اشتقت لج .. اشتقت لج .. موووت .. يا المسافر ..((

انتهت .. اللحظات .. انتهت وهي غريبه وايد .. انتهت بحب ماله حدود .. بحب ماله نهايه .. ببداية حياة لدانه .. وضاحي

قصة في قمة الروووعة
مشكوووووووورة خيوو
الله يعطيج الف عاافية
تحيااتي