سارة وطلال

موضوع: سارة وطلال الأحد أغسطس 12, 2007 11:29 am

عمرها 17 سنة يعني في ثاني ثانوي ، حبوبة و مرحة وشطورة بس لكن غامضة ومدلعة وايد طبعا" لانها وحيدة امها وبوها ، شعرها اسود طويل وويها حنطاوي ولون عيونها عسلية فاتحة ، يعني كانت بشكل عام جميلة وويها طفولي .

في غرفة سارة الساعة 12 الظهر
تلفون سارة يرن
سارة : هلا وغلا دانو ، شخبارج ؟
دانة : اسمي دانة لا اقطع الخط .
سارة : سوووري ، زعلتي ؟
دانة : افا عليج ، انا ازعل منج ، سارة اطلب منج طلب ولا ترديني ؟
سارة : آمري عمري ، شنو تبين ؟
دانة : ما يآمر عليج عدو يا حياتي ، تعالي العصر بيتنا .
سارة : خلي حق بكرة اليوم ما اقدر ايي لانة يدي في المستشفى بروح له .
دانة : ارجوج اليوم تعالي بيتنا وبكرة روحي حق يدج .
سارة : ماااااا أقدر .
دانة : علشان خاطري لاتكسرينه .
سارة : امري لله ، بشاور الاهل وبرد عليج .
دانة : اوكي ، في امان الله .
سارة : في امان الله .

سارة قفلت الخط من دانة وهي حاسة ان في شيء لانه دانة مب من عادتها اتلزم عليها جذي علشان اتروح بيتهم .

وقامت حق تسأل امها و ابوها الي كانت متأكدة انهم راح يوافقون ، نزلت الصالة وقعدت يم ابوها الي كان يتابع الاخبار في قناة العربية .
سارة : يبة انت ماتمل من الاخبار من قناة الى قناة .
ابو سارة : اتروح امج اتيين انتي ، يبة هاذي اسمها ثقافة .
سارة : بية عندك شيء العصر ؟
ابو سارة : ليييش؟؟؟
سارة : لا ... بس كنت ابيك توديني بيت دانو .
ابو سارة : ليش ما قلتي امس اليوم بروح مع عمج الكراج ياخذ سيارته وبعدين بروح الى يدج المستشفى .
سارة ( بحزن ) : الحين من راح يوديني ؟
ابو سارة : روحي لمج في المطبخ تجهز الغذاء سأليها .

راحت سارة الى امها المطبخ
سارة : يمة تبين مساعدة ؟
ام سارة : لا عمري ، مشكووووورة .
سارة(بدلاعة): اقول يا اغلى واحلى و اروع ام في الكون .
ام سارة : تراج ما خليتي شيء حق باقي الامهات ، الله يستر من هاي المقدمة الطويلة الحلوة .
سارة : يمة تقدرين تقطيني بيت دانو العصر ؟
ام سارة :الساعة كم ؟
سارة : اربع العصر .
ام سارة : اصير خير ، لاني واعدة خالتج الساعة 4 ونص راح امر عليها .

طلعت سارة من المطبخ ودزت مسج لدانة وقالت لها ان الساعة اربع راح اتيي .
الساعة اربع كانت ام سارة جاهزة وتنطر سارة في الصالة ، بعد شوي الا سارة نازله كانت حاطة لها بس كحل ولابسة برمودة جينز ازرق مع بدي وردي ناعم وفوقة لابسة العباية الي كانت مطرزة على اطراف الكموم على شكل فراشات وردية وشيلةعلى طرفها مثل الفراشة الي مرسومة على العباية .

ام سارة : ها سارة جاهزة ؟
سارة : اي يمة .
ام سارة : يلا ، توكلنا على الله .

وصلت سارة بيت دانة
دانة : هلا ، تو ما نور البيت .
سارة : امنور بهلة .
دانة : تسلمين حبيبتي ، وين تبين تقعدين ؟
سارة : تدرين اني ما ارتاح الى في غرفتج .
راحوا الثنتين الغرفة وتموا يسولفون ، لما استأذنت دانة حق اتييب العصير من المطبخ . بعد ما طلعت دانة بشوي
طق ...... طق ........ طق
سارة ( بقلبه ) : هاذي ما تقدر تفتح الباب لازم يعني تقومني ، شنو يايبة ما صار عصير ؟.
سارة : كاني بقوم ، لحظة شوي .
فتحت سارة الباب الا اشوف اخو دانة ( محمد ) .

البقية في الجزء الثاني لانه الصراحة يدي ألمتني من الكتابة ، لكن مثل ما قلت لكم في البداية ما راح اكمل اذا ما لقيت تفاعل مع القصة ، وبعرف من غير ما تقولون اني كاتبة فاشلة .بااااااااااااااااااااااااي

موضوع: رد: سارة وطلال الأحد أغسطس 12, 2007 11:39 am

الصراااحة القصة حلوووة
و ننطر الجزء الثااني ع احر من الجمر
يالله كمليها
خخخخخ
لا اكسرش خخخخخخخخخخخخخخخخخخخخخخخ

موضوع: رد: سارة وطلال الإثنين أغسطس 13, 2007 4:46 am

ههههههههههههههههه يلااا بسرعه كملي الباجي لايمص دمج دراكولا

ههههههههههههههههههههههه ترااج شوقتينا آنا موتي القصص يلاا كمليها بسرعه

لاجي لج بيتكم اكسر ضلووعج واولهم حنجج خخخ

تسلمين والله

يعطيج العاافيه بووي

موضوع: رد: سارة وطلال الإثنين أغسطس 13, 2007 7:52 am

خخخخخخخخخخ
مدام بتين بيتنا مب مكملتها عشان اشوفج
مشكورين كل الي يتابعون القصة الصراحة ما خاب ظني فيكم وانشاء الله يعجبكم الجزء الثاني ....

فتحت سارة الباب الا اشوف اخو دانة (محمد)
سارة : دانة راحت اتييب العصير .
محمد : ادري ، آنه ياي اتكلم معاج ، ممكن ادخل ؟
سارة : تفضل البيت بيتكم ، بس الباب يتم مفتوح .
دخل محمد مع سارة وقعد على سرير اخته وسارة على الكرسي شوي بعيد عنه .
محمد : سارة آنه احب وحده وبيج تساعديني حق اخطبها .
سارة : ليش دانة قايله لك اني اشتغل خطابه ؟
سارة كانت ما توثق باي ولد وبعدين بنعرف ليش .
محمد : سارة شكلج ما فهمتي معنى كلامي .
سارة : الصراحة لا لانه هالايام مدري وش في مخي .
محمد الي قام من على السرير وتجه الى الباب : سارة .....
سارة : نعم
محمد : سارة آنه ...........
سارة الي تمللت من سالفة محمد يبي يتكلم ومب عارف : انت شنووووووووو ؟
محمد : احبج .
وطلع من الغرفة
ذيج اللحظة بدأت دموع سارة تنزل بغزارة بدون ما تحس .

دخلت دانة على سارة الغرفة ولما شافتها بهذي الحالة سألتها بخوف : سارة ، شنو جرى لج ؟
سارة : الله يسامحج يا دانة ، قولي حق اختج توديني البيت .
دانة : ليييييييييش ؟؟؟
سارة : دانة قولي حق اختج توديني البيت .

نسيت اعرفكم على عايلة دانة
بشار عمرة 29 سنة متزوج وعندة بنت وولد ويشتغل محامي
خالد عمرة 24 يدرس في لندن
اسماء اخت دانة الوحيدة عمرها 26 سنة معلمة ومب متزوجة
محمد عمرة 22 سنة مهندس
دانة عمرها 17 سنة صديقة سارة من 3 سنوات و آخر العنقود .

قامت دانة وقالت الى اسماء انها توصل سارة بيتهم بدون اي كلمة واذا رجعت راح تخبرها عن كل شيء ، وطول الطريج كانت سارة ساكته والدموع ماليه عينها .
من الطرف الثاني
دخلت دانة على محمد الغرفة
دانة : انت شنو سويت في بنت الناس .
محمد الي كانت ملامح الاستغراب على ويهه : ليش ؟
دانة : سارة طلعت من البيت وهي تبجي .
محمد : اقسم لج بلي خلقني اني ما سويت فيها شيء ، قلت لها اني احبها وطلعت .

طلعت دانة من غرفة محمد وهي متحيرة عن اللي صار حق سارة ، الموضوع ما يستاهل كل هاي الدموع .

وصلت سارة بيتهم الي ما كان احد فيه ، ركبت غرفتها ودقت على منى ، منى اعز صديقة عند سارة طبعا لانها صديقتها من الصف الثاني الابتدائي و كل اسرار سارة عندها .
منى : هلا وغلا سارة ، شخبارج ؟
سارة : هلا منى ، عندج شيء الحين ؟
منى :لا ما عندي شيء ، خير شنو فيه صوتج ؟
سارة : تعالي البيت بغيتج بموضوع .
منى : بعد نص ساعة اكون عندج .
سارة : اوكي ، بيباي
منى : باي

وتمت سارة تفكر في اليوم الي اعترف لها طلال ولد خالتها انه يحبها وشلون كانوا مخططين الى كل لحظة راح يعيشون فيها مع بعض ، لدرجة انهم كانوا مخططين لون الغرفة ووين راح اكون السرير وكم ولد وبنت واسمائهم ، في يوم كانت سارة نازلة لمها الصالة وكانت امها تكلم خالتها بدرية .
سارة ( بمكر) : يمه كنتي تكلمين من ، اكيد حبيب القلب ، ترى اعلم ابوي .
ام سارة : ههههههههه ... انتي ما تيوزين عن حركاتج ، هاذي خالتج بدرية تقول ملجت طلال اسبوع الياي .
سارة الي ما كانت قادرة تستوعب وبدأت الدموع تستعد بالجريان : يمة قصدج عبدالله .
ام سارة : لا يمه طلال ، تقول خالتج انه يه لها يقول يمه ابي اتزوج وراحت تخطب له البنية الي قال عنها وتفقوا ان اسبوع الياي الملجه .
سارة الي كانت مب مصدقة : بس يمه .........
ام سارة : شنو يمه ؟
سارة : لا لا مب شيء ( سارة كانت تبي تقول الى امها ان هي وطلال يحبون بعض ووعدها بالزواج ، بس لكن هونت ).

وصعدت سارة غرفتها وقعدت تبجي والى هاي اللحظة ما تدري ليش طلال سوى فيها جذي ، طلال حاول يتصل كذا مره بس سارة تقطعة في ويهه ولما كان يشوفها كانت تبتعد عنه وتحاول انها ما تتكلم معاه .
وعلى الافكار دق جرس البيت وكانت سارة تدري انها منى ، فتحت الباب
سارة : هلا بالي ناسيني .
منى : هلا فيج حبيبتي ، شنو صاير ليش تبجين ؟
سارة : تعالي فوق وعلمج كل شيء .
منى : سارة تراج طيحتي قلبي في بطني ، شنو صاير ؟
دخلو سارة ومنى الغرفة وسارة من رجعت من بيت دانة وهي تبجي ودانة كذا مرة تدق على سارة بس سارة ما ترد .
سارة : منى اليوم كنت في بيت دانة وخوها محمد .......
قاطعتها منى بخوف : ليكون سوى فيج شيء ؟
سارة : لا ، بس قال انه يحبني .
منى : شيء عادي ، ليش تبجين مب اول مرة يصيدج هالموقف .
سارة : مدري بس حسيت كلام محمد وحركاتة مثل طلال وتذكرت الي سواه فيني .
منى : انتي ليش ما تتصلين وتعرفين منه ليه سوى فيج جذي ، لاني حاسة انج ظالمته ، طلال خوش ولد وما اظن ان كان قصده فعلا يخونج .....

الباقي في الجزء الثالث
لاني الصراحة خيوب ما احب اكتب وااااااايد ........

ياترى سارة راح تتصل الى طلال ؟؟؟؟

وسلااااااااااامتكم .........

موضوع: رد: سارة وطلال الإثنين أغسطس 13, 2007 8:00 am

و علة في جبدش خخخخخخخخخخخخ
شوووقتيناا يالله كملي
ههههههههههههههههههههههههههههههههههههههههههههه
تسلمين القصة رووعه
انطر الجزء الثالث بااجر
اووكي

موضوع: رد: سارة وطلال الإثنين أغسطس 13, 2007 9:15 am

يلا بسرعه كمليهاا بسرعه لا قتلتش ههههههههههه

مشكوورة عمري ع القصه

كمليهاا بسرعه ععااد ههه

موضوع: رد: سارة وطلال الإثنين أغسطس 13, 2007 9:49 am

سارة : صج آنة ابي اعرف ليش سوى فيني جذي بس كرامتي ما تسمح لي .
منى : مهما كان راح يتم ولد خالتج .
سارة : الدنيا علمتني ان الي يبيعني ابيعه .
منى : حاولي يمكن اتكونين ظلمتيه .
وتمت منى تقنع في سارة لانة كان حالها ما يسر عدو ولا صديق ، والي مايعرفها يقول فيها حاله نفسيه .
واخيرا قررت تتصل وكانت متأكدة ان زوجة طلال خلود راح تكون في بيت ابوها لانة اليوم الخميس
تلفون طلال يرن ، كان طلال طالع مع ربعه
طلال ( لما شاف رقم سارة ) : عن اذنكم شوي وراجع .
ربع طلال : خذ راحتك دام زوجتك مب معاك ههههههههه.
رد طلال على التلفون
طلال : هلا وغلا بالزعلانة .
سارة ودموعها تنزل ما قدرت تتكلم : ..........
طلال : سااارة ..... وينج .......الو .......والله انج ظالمتني .
سارة ( بحزن ) : طلال ليش سويت فيني جذي ؟؟!
طلال : ممكن اجوفج وتكلم معاج في اي مكان تبينه ، وراح اقولج عن كل الي صار .
سارة ( بتردد ) : لا ما اقدر ، قول لي في التلفون .
منى من الجه الثانية : قولي له اوكي ، بروح معاج آنه .
سارة : اوكي طلال بكرة اشوفك في السيف ، بس اتقول لي السالفة السخيفه الي خليتني علشانها وراح امشي .
طلال : والله آسف ، بس بكرة راح تفهمين كل شيء ، ديري بالج على حالج .
سارة : انشاء الله ما يحتاج اتوصيني على نفسي آنة مب ياهل عندك ولا اصغر عيالك .
طلال (بخيبت امل ) : مع السلامة .
سارة : مع السلامة .

بعد شوي دز طلال الى سارة مسج يقول :
ياليت قلبي شفاف
والي بداخلة ينشاف
علشان تشوف كيف احبك
وعليك اخاف .......

قرأت سارة المسج وقالت الى منى ( بعصبيه ) : هاذي على باله اني الى الحين احبه لكن كله منج خليتيني اتصل فيه .
منى : حرام عليج لاتظلمينة شكل الريال فرح لما سمع صوتج الي من ملج الى الحين ما سمعه تقريبا سنة وشيء ، الا بسألج ليش الى الحين ما حملت زوجته ؟
سارة : الله مدري ، بس كأني سمعت مرة امي تسأل زوجتة وقالت لها ان طلال ما يبي يهال الحين لانه مب قد المسؤوليه من الحين .
منى ( بمكر ) : الا يمكن الى الحين احبج .
سارة ( بمزحة ) : قومي روحي بيتكم تراج مللتيني .
منى : هههههههههه ، افا عليج اذا تبين شيء تتصلين فيني واذا خلصتي تطرديني ، صج مصلحجيه ، خلاص بكرة ما راح ايي وياج .
سارة ( بدلاعة ) : لا عاد عمري ، احبج ، اموت فيج .......
منى : آنه ولا .......
قاطعتها سارة : براوييييييييييييج

وتموا يمزحون ما كأنه سارة توها ما خذه موعد مع واحد ، لما يت ام سارة ، ركبت الدري الا تسمع صوت سارة ، تعجبت من ردتها من بيت دانة بالسرعة ومن يابها .

طق ..... طق .....طق
سارة : من ؟؟
ام سارة : آنه ، ادخل ؟؟
سارة : اي يمه ، دخلي .
ام سارة : هلا منى شخبارج ، يمه سارة ليش رديتين من وقت من بيت دانة ومن الي يابج ؟؟؟؟
سارة الي ما تعودت تجذب على امها : يمه هذي منى اتصلت فيني وقالت لي انها يم الباب فقلت الى اسماء اخت دانة اتييبني .
منى من الطرف الثاني تشد ثياب سارة : سارة قولي الى امج عن بكرة .
سارة : يمه يقولون البنات نازل فيام روعة في سينما السيف ، تقدرين توديني آنه ومنى ؟
ام سارة : ما عليه لانة بكرة ما عندي شيء ، بس الساعة كم تبون تروحون ؟
سارة تاخذ راي منى : الساعة كم نروح ؟
منى : اعتقد الساعة 4 ونص .

بعد ما طلعت ام سارة من الغرفة قالت دانة : سارة دزي مسج الى طلال قولي له.
سارة : صار .
ودزت سارة مسج الى طلال تقول " بكرة الساعة 4 ونص انشوفك في السيف يم السينما ".

في بيت بو بشار يعني بيت دانة ، وتحديدا في غرفة اسماء الي كانت تقرأ كتاب
طق .................. طق ................... طق
اسماء : من عند الباب
بشار : آنه اخوج العود.. احم.. احم ..
اسماء : ادخل يا اخوي العود ... ادخل يا شايب ...
دخل بشار الغرفة : من الشايب يا عجوز على الاقل آنه متزوج وعندي يهال مب مثلج مدري ايش تنتظرين ، الفارس الى على حصان ابيض ؟؟، ههههههههههه.
اسماء (بحزن) : الف مرة قايله لكم آنه ماراح اتزوج الى اذا زوجتكم كلكم .
اسماء كانت تحس من بعد ما توفت امها انها المسؤوله عن اخوانها وعلشان كذا كانت ماتبي تتزوج الى اذا تطمنت عليهم .
بشار : اسماء تعرفين بدر صديقي ؟
اسماء : شفته كذا مره ، ليش ؟؟
بشار : الصراحة اليوم كلمني عنج يبي يخطبج ، ها شنو رايج ؟؟
اسماء : اكيد لا.
بشار : لييييييييييش ؟؟!!
اسماء : لاني مابي اتزوج .
بشار : ترى بدر خوش ريال وما يتعوض ، كفاية انه صديق اخوج العود .........احم احم ، والله تنطرين لما تصيرين عانس وتتزوجين على ريال متزوج .
وحاول بشار في اسماء لما طلعت روحة بس لا تخافون تراها رجعت لما قالت اسماء : خلاص آنه موافقه .
بشار ( بمزحة) : هذي الساعة لمباركة ما بغيت اخلص منج .
اسماء(بدلاعة) : افا عليك ، بس هونت انا مب موافقه .
بشار : اخوج العود يترياج ونتي تقولين لا ، انا آسف راح اقول لهم بكره ايون .
وطلع من غرفة اسماء الي كانت نص فرحانة لانها راح تتزوج ونص حزنانه لانها راح تترك اخوانها .

في بيت سارة الساعة 4 وشيء كانت سارة خايفه من الموضوع وتفكر انها خلاص تهون ....
الا منى متصله فيها
منى : هاااااااااااااااي
سارة : هلا فيج
منى : متى بتيوني ؟
سارة : تبين الصراحة آنه خايفه وافكر اني اهون .
منى : يا هبلة تبين تعيشين طول حياتج جذي ما تدرين شنو السالفة وتخافين تعطين قلبج احد وخونج ، يلا بلا دلاعة تراني انطر .
سارة : كاني جاهزه ، بعد 10 دقايق احنا عندج .
منى : بيباي
سارة : باي

بعد 10 دقايق تقريبا وصلت سارة الى منى وركبت منى السيارة
منى : سلام ، شخبارج خالتي .
ام سارة : الحمد لله ، شخباج انتي ؟
منى : آنه بخير .
سارة : اشوفكم طلعتوني من القائمة ولا كأني موجودة .
منى : افا عليج وحنا نقدر ، شخبارج عساج بخير ؟
سارة : احم احم .. بخير عساج بخير .
ام سارة : آنه بنزلكم واذا خلصتوا سوي لي مسكول .
سارة ( الي كانت تدري ان امها مستحيل تنزل معاهم لانها ما تحب المجمعات بشكل عام ) : ليش يمه ما بتنزلين معانا ؟
ام سارة : سارة تدرين اني ما احب المجمعات وترى ضمان معاج منى خوش ابنيه .
سارة : يمه الحين عاد بتنفخ نفسها علي ليش تقولين قدامها جذي !؟
وتموا يتكلمون ويضحكون لما وصلوا المجمع ، نزلت سارة ومنى ودزت سارة الى طلال مسج اتقوله انهم وصلوا .
قعدوا منى وسارة الا بثنين يتحرشون فيهم الا بوصول طلال يود واحد من ثيابه والثاني هرب
طلال(بعصبيه):ما تستحي على ويهك ؟
الولد : وش لك خص ، آنه ما كلمتك .
طلال (الي فقد اعصابه ) : هذي زوجتي .
الولد :ههههههههههه وين الدبلة ليش مب لابستها، اكيد لما اخذتها كانت ضعيفة والحين صارت دبه .
طلال : لا معاها حساسية
وشال طلال يده عن الولد وقام يركض الى صديقه .
من الجه الثانيه كانت سارة خايفة ان طلال يسوي في الولد شيء لانه تعرفه اذا عصب ما يقدر يمسك اعصابه .
طلال : سلام ، شخباركم ؟
منى وسارة : عليكم السلام .
منى : آنه استأذن بروح الحمام شوي وراجعة .
سارة كانت تهمس الى منى : لا تخليني بروحي معاه .
لكن منى عاندت ومشت .
طلال طالع سارة وقال لها : شنو تشربين ؟
سارة : طلال ارجوك عن اللف والدوران قولي الي عندك بسرعة ابي امشي .
طلال : ادري اني غلطان ، بس صدقيني سارة مب في يدي .
سارة (الي مب عارف عن شنو يتكلم طلال وتبيه يقول لها ليش سوى فيها جذي بسرعه): طلال ابي الزبدة بسرعة وخلصني .
طلال (الي حاول يلطف الجو ) : الزبدة في الثلاجة في البيت .
سارة (بعصبيه) :طلال بتتكلم ولا اقوم ؟
طلال : لا خلاص راح اتكلم ، قبل لا املج بسبوعين تقريبا اتصل فيني ابوج قالي انه يبيني ، تبين الصراحه آنه كنت فرحان وقلت بالمره احجزج منه ولما رحت له قالي : شرايك انروح البحر ، قتله : اوكي .
طول الطريج كان ساكت في السيارة ولما وصلنا فاجأني وقال : طلال انت تحب سارة ؟
ذيج اللحظة ارتبكت وتترددت وخفت وسكت ، قال لي : لا تخاف قول الصراحة انا شفت رقمك امس وانت متصل في سارة لانها كانت ناسيه تلفونها في الصالة .
تشجعت من كلامة وقلت له : ايه .
قال : بس يولدي آنة بزوج سارة واحد بخير ويا ولدي انت مثل اخوها وما تصلح لها ، حاول تنساها ودور لك على وحدة ثانية و عتبر سارة اختك لا اقل ولا اكثر .
والصراحة من الصدمه الي خلاني فيها ابوج ما عرفت شسوي ، رجعت البيت وقلت الى امي ابي اتزوج بس حق اقدر اني انساج وتذكرت وحدة ويانا في الشغل قلت الى امي عنها .
عرفتي يا سارة ان ما كان بيدي شيء لانه ابوج يبي لج واحد غني مب مثلي معاشي 200 دينار على اجار الشقة والفراتير يخلص ولو ما خلود تشتغل ما عشنا ، بس اوعديني انكون اخوان مثل ما قال ابوج .
سارة كانت منصدمة من الي قاله طلال وفجأة يات منى وقعدت .

طلال : سارة سامحتيني او لا ؟
سارة : لا
طلال : قلت لج كل الي صار شنو تبين اسوي بعد ؟
سارة : ليش ما قلت لي ؟
طلال : كنت ما ابي يصير شيء بينج وبين ابوج وتخسرينه ، هذا ابوج ومحد يقدر يعوضج عنه ، لكن آنه الف واحد بدالي .
سارة الي كبر طلال في عينها : اذا تبيني اسامحك اتدخلنا السينما اليوم على حسابك .
طلال : انشاء الله ، تآمرين شيء بعد ؟
سارة : لا سلامتك ، بس قوم احجز التذاكر لا بعد شوي اطلب شيء اكبر وما تقدر اتييبه .
وقاموا ثلاثتهم يضحكون ..........

بعد ما خلص الفيلم سوت سارة الى امها مسكول حق اتيي لهم .
بعد ما رجعت البيت حست براحة وكسبت اخو وخصوصا انها وحيدة امها وابوها ومسحت كل شي كانت تحملة الى طلال وخلت مكانه مشاعر الاخو ، وهي قاعدة على النت تدرون الناس عطلة ، تذكرت الي صار في بيت دانة وحست بالخجل وقامت سوت الى دانة مسكول .
دانة لمل شافت الرقم على طول قامت وتصلت الى سارة
سارة : هلا حياتي
دانة : هلا وغلا فيج ، سارة آنة آسفه .
سارة : آنه المفروض الي اتأسف ، بس لانه تذكرت شيء خلاني ابجي.
دانة : يعني انتي مب زعلانة مني ؟
سارة : لا حبيبتي ، ونسي السالفة الي صارت .
دانة :اقول لج شي وما تعصبين ؟
سارة : قولي .
دانة : محمد من امس وهو رايح وياي يسأل عنج.
سارة : قولي له اني آسفه على الي سويته فيه ، ما كان قصدي .
دانة : يوصل انشاء الله ، بس لا تنسين بكرة الشهادات .
سارة : اشوه ذكرتيني بس الليله ماراح انام من التفكير في النتائج .
دانة : اذا انتي الشاطر تقولين جذي آنه شنو اقول الي اييب في الثمانين .
سارة : ومن شر حاسد اذا حسد ، تحسديني وانا صديقتج .
دانة : ههههههههههه ما كان قصدي .
سارة : يلا باي .
دانة : باي

وفي بيت طلال اقصد شقته
رجع وقال الى خلود كل الي صار وفرحت خلود وايد لانة طلال قدر ان يتخلص من تأنيب الضير .
طلال من اول ما خطب خلود قال لها عن كل شيء وما خبى عليها شيء لانه كان مايبي يبدأ حياتة على الجذب ....

في غرفة سارة الساعة 12 في الليل
تلفون سارة يرن
سارة (بقلبه) :من متصل لي هالوقت ورقم غريب بعد .

اشوفكم في الجزء الرابع لانه اصابيعي قاعدة تبجي تقول .. ارحميني
على فكرة هاي صورة جمالية لا تضنون اني مينونه ...
مع الف سلااااااااااااامه ........ lol!

السلام عليكم ورحمة الله وبركاته

جميلٌ ما كتبته اناملك اخيتي
قصتك فعلا جميلة

ننتظر الاجزاء الباقيه
على احر من اليمر

وفقك المولى اخيتي

اختكم في الله
امـ زهراءــ

موضوع: رد: سارة وطلال الإثنين أغسطس 13, 2007 3:30 pm

هههههههههههكشووخيي الله كمليهااا
مشكوورة خيووو
اووكي
بااااي

عــــــــــا زفـــــــــــة

انتي دوما مميزه في ماتتكتبينه موفقه اخيه في كل خطوة تخطينهاا في حيااتج وننتظر الأجزااء المتبقيه يالله كمليه هههههه Wink

والله يوووفقج

ههههههههههههههههههههه

مشكوورة عازفه

اليوم راح اكمل القصة يعني الجزء الرابع مع اني زعلانه من الي ما كلفوا عمرهم حتى يمرون على القصة ولو مرار الكرام .....

سارة ذيخ اللحظة الى رن فيها التلفون كانت اتفكر " صج يمكن آنه في هذا السن محتاجة الى اخو يوقف وياي مب الى حبيب بس الحمد لله ، والله ما يسوي شيء الا فيه صلاح ، وانه المفروض الحين افكر في مستقبلي مب الى الحب والزواج وراح اخليهم آخر اهتماماتي ، الشهادة هي حلمي الوحيد الحين
التلفون يرن بس ما ردت عليه الا في آخر الوقت ؛ لانه خافت ان صاير شيء "لا سمح الله" وخصوصا ان يدها في المستشفى تعبان .
المتصل : الو
سارة "بقلبها " : من هذا صوت ريال ؟ يا ويلي من اكون ؟
المتصل : الووووووووو سارة وينج راقده ؟
سارة سمعت انه يعرف اسمها ردت : من وياي ؟؟
المتصل : شخبارج ؟ ما عرفتيني ؟
سارة : ليش على بالك متصل الى الجني الازرق حق يعرفك .
المتصل : هههههههههههه لا الاحمر
سارة : شكلك انسان فاضي ، من انت خلصني مب فاضيه مثلك .
المتصل : انا محمد اخو دانة .
سارة " بخوف " : دانة فيها شيء ؟؟
محمد : لا انا الي قلبي تعبان .
سارة " بعصبيه " : اخوي شكلك غلطان في الرقم ، هذا مب مستشفى اتصل السلمانية ( مستشفى في البحرين ) بطرشون لك اسعاف .
محمد : دانة قالت لي انج مب زعلانه بقت الرقم من تلفونها، قلت اتصل اعتذر وتكلم معاج .
سارة : بسألك ساعتك خربانه ؟؟ احد يتصل الى الاوادم هالوقت ؟
محمد: سارة فهميني والله اني احبج .
سارة : ووووووووع اسكت ارجوك ، ليكون تبيني احبك ، هذا الناقص .
محمد "بعصبيه " :انتي محد قال لج انج مغرورة و وايد شايفه في نفسج .
سارة : وانت محد قال لك انك واحد ثقيل دم وما تنطاق .
محمد : انا جذي ، ما عليه اراويج يا مغرورة .
سارة : انا ما راح الومك لانك محتر مني ، بس اراويك الحيييييييين اذلف فارج .
طووووووط ........ طوووووووط ........طوووووووط

سكر محمد التلفون وهو يقول " يا ربي صبرني آنه ما ليقت احب الا هذي المغرورة بس بعد احبها ........ احبها ........ احبها ....... شسوي
ولم التلفون يم قلبه ونام ( حركات عشاق يعني )

اما سارة من سكر محمد التلفون في ويها وهي متوعده له " آنه يقول عني مغرورة وشايفه في نفسي ، لا وبعد يسكر التلفون في ويهي ....
اراويك يمحمد ....... اراويك ، ورقدت

الصبح الساعة 8 في بيت بو سارة
صحت سارة وهي خايفه اليوم السبت يعني الشهادات
راحت الى امها الي كانت صاحيه وتقرأ قرآن في غرفتها
طق .......... طق .............طق
ام سارة : من ؟
سارة : يعني من ، محد في البيت الا آنه ونتي ابوي راح الدوام من ساعة تقريبا .
ام سارة : ادخلي ، احرجتيني الصراحه .
سارة : يمه اليوم الشهادات يلا المدرسة .
ام سارة : الله يوفقج يا يمه ، روحي اجهزي وانه اجهز ونطرج تحت .
سارة : صار يمه

بعد ربع ساعة جهزوا وراحوا المدرسة ، سارة نزلت ومها تنطرها في السيارة ولما رجعت
سارة : يمه علي مادة
ام سارة " بخوف " : صج يمه ليش انتي شاطرة .
سارة : الحين شسوي ؟
ام سارة : اكيد في شيء غلط
سارة : يمه الى هالدرجة واثقه فيني ؟
ام سارة : اكيد راح اوثق فيج ؛ لانه تربية امج مب لعبة .
سارة : يمة كنت امزح معاج نجحت بتقدير ممتاز ونسبتي 95%
ام سارة " بفرح " : مبروك يمه الف الف مبروك .
سارة : يمه مبروك بدون هدية ما يصير .
ام سارة : الي تأمرين فيه آخذه لج
سارة : بفكر وبرد عليج ، الحين بتصل الى خلود من فترة ما شفتها ، دقت سارة على خلود وتم التلفون يرن مدة لما ردت

سارة : وينج ؟ كل هذا نوم ؟
خلود : لا بس اشوي تعبانه اليوم .
سارة : انا اقول ليش ما رحتي الدوام
خلود : بعد شسوي ، انتي شلونج شخبارج من فترة ما شفتج وين مختفيه ؟
سارة : ابشرج نجحت وبتقدير ممتاز بعد .
خلود "بفرح" : صج الف مبروك عقبال التخرج ، ليش ما تيين البيت والله خاطري فيج وبالمرة تعالي تغذي ويانا بمناسبة النجاح .
سارة : لا كفاية انج تعبانة ، بعد اخليج تطبخين لي ، لا مرة ثانية .
خلود : لا تخافين تعالي ترى الغذى اليوم على طلال هو قايل لي انه راح يطبخ اليوم .
سارة : دام السالفه جذي لحظة بسأل امي .
سارة تكلم امها : يمه خلود عازمتني على الغذى توديني ؟
ام سارة : كالشيء ولا خلود ايه اوديج .
سارة : خلود بعد شوي آنه عندج لا تنامين .
خلود : لا تتأخرين تراني انطرج .

بعد خمس دقائق الا سارة يم شقة طلال
ترن ......... ترن
فتحت خلود الباب
خلود : هلا وسهلا بخت الغالي
سارة : هلا فيج ، طلال قالج ؟
خلود : على بالج شنو ، طلال تصير عنده اخت وما يقول لي .
سارة : تصدقين ، آنه فعلا محتاجه الى اخو في هالوقت .
خلود : ما تبين اخت ترى مستعدين الى اي خدمة .
سارة : هههههههه انتي اختي قبل لا تقولين ولا شنو ؟
خلود : اكيد اتشرف، لا بعد تبيضين الويه .
ومر عليهم الوقت لما وصل طلال ، طبعا سارة كانت تدري انه راح ايي لانه خلود قالت لها عن الوقت الي ايي فيه
لما سمعت صوت ريله على الدري قامت ودخلت المفتاح في الباب علشان ما يقدر يفتحه من الطرف الثاني ، طلال دخل المفتاح لكن المفتاح ما دخل قام يدق الجرس وسارة وخلود ساكتيين عنه وهم يضحكون ، وهو يدق على الباب بيده وعلى الجرس ، بعد فتره
خلود : حرام سارة فتحي له الباب كسر خاطري كفايه ياي من الدوام تعبان وراح يطبخ الغذى بعد .
سارة : ما اقدر كل هذا حب هههههههه
خلود : قومي فتحي الباب حرام عليج .
سارة : بقوم خلاص لا تموتين علينا .

فتحت الباب ودخل طلال الي كانت اعصابه واصله حدها
طلال "بعصبيه" : انا اقول ليش ما تفتحون الباب ؟ على بالي خلود فيها شيء اتصل على تلفونها مغلق ودق على الجرس والباب حتى يدي ألمتني محد يفتح الى من تحت راسج .
سارة : افا عليك ( توجه كلامها الى خلود ) هذا الي مسويه روحج كلش باقي شوي وتموتين عليه من الحب ، بس دخل قام يهزأني ما كأني ضيفه.
وراحت تمثل انها زعلانة وخذت تلفونها وهي تقول : بدق على ابوي ايي ياخذني ما راح اقعد اتغذى من يد هذا (وهي تأشر على طلال )

طلال وخلود الي كانوا يضحكون ( الاخوان عجبتهم المسرحيه )
تكمل سارة : خير ليكون عادل امام واقف يدامكم وانه مادري ، هذا بدل ما تقومون تبوسون يدي وريلي علشان اتم معاكم ، لكن هين .
طلال : ههههههههه بس آنه آسف ولج مني اسوي لكم غذى تاكلين اصابعج معاه .
سارة : وانشاء الله شنوالغذى ؟
طلال : يعني واحد ياي من الدوام تعبان شنو راح يسوي ، اكيد بيض مقلي .
سارة : آنه سارة بنت عبدالله آكل بيض مقلي على الغذى ، ولا اقولون غذى النجاح .
طلال وخلود : ههههههههههههههههههههههههه
سارة : تضحكون بعد، لكن لا تخلوني احرم ادخل شقتكم مرة ثانية .
خلود : افا عليج ونتي كل شيء تصدقينه، ما تدرين ان ولد خالتج حتى ما يعرف يشغل الفرن شلون راح يطبخ ؟
سارة : يا سلام ليكون تبوني اطبخ لكم الغذى؟ والله اتخلوني بجوعي ؟ والله لعلم امي عليكم .
طلال : هههههههههه خوفتيني ، اذا ما سكتي ما راح اغذيج اصلا .
سارة : شنو
خلود : يلا خلصت المسرحية .
اتصل طلال الى المطعم وطلب الغذى ودخل الحمام يسبح ولما يابوا الغذى تغذوا وتموا يسولفون شويء بعدها اسأذنت خلود وراحت ترتاح لانها كانت مريضه

وتموا طلال وسارة يتابعون التلفزيون ويتكلمون
لما تذكرت سارة محمد لانه بيت دانة في نفس فريج طلال بس بيت دانة في بداية الفريج وشقة طلال في وسط الفريج تقريبا
راح تسأل طلال عن محمد يمكن يعرفه لانه ماشاء الله طلال علاقته قويه مع الكل ......

تتوقعون طلال يعرف محمد أولا ؟
البقية في الجزء الخامس
ودمتم بحفظ الباري عز وجل .......

مشكوووووووووووورة خيووو
ع القصة الرووعة
و ننتظر الجزء الخاامس
يالله جلدي جلديي

وين عايشين اكيد في الهند
هههههههه

سألت سارة طلال : تعرف البيت الثاني اللي في اول الفريج لونه بيج فاتح
طلال : بيت ابو بشار قصدج ؟
سارة : ايه ، تعرفهم ؟
طلال : يعني مب الى ذاك الزود ... ليش ؟
سارة : تعرف ولدهم ثقيل الدم محمد ؟
طلال ( بتعجب ) : اعرفه هذا صديقي .. بس ليش ؟
سارة : ووووع ما صادقت الا هذا ، وع عليك .
طلال : انتي احترميني تراج في بيتي .
سارة : اسكت الله يرحم والديك ، اللي يسمع يقول بيت ماكأنها شقه
طلال : شوف هذي قاعدة في بيتي وتستهزأ بي
سارة : سوري بس ابيك تحرق دم محمد .
طلال : ليشششش ؟؟
قالت له عن اللي صار
طلال : محمد يطلع منه هالشيء وهو اذا شاف بنت ينزل راسه ويمشي كأنه حرمه .
سارة : وع لا تشبه الحرمه فيه تراه ما يستاهل .
طلال : اليوم العصر اهو راح اجي تحت مع الشباب مثل كل يوم ، بس آنه اراويج فيه

الا بطلعت خلود ..
طلال : ليش ما رقدتي شكلج تعبانه .
خلود : ما ياني ارقاد
وقعدت معاهم الى العصر الساعه 4 ، قام طلال حق ينزل تحت مع الشباب مثل عادته كل يوم ، وهو بيطلع
سارة : ما اوصيك لا تنسى
طلال : انتي بس انتبهي الى خلود خليها في عيونج وما راح يصير الا كل خير
خلود : فديت روحك والله
سارة : احم احم نحن هنا

نزل طلال تحت وقعد مع الشباب سالفه ورى سالفه ، واللي يغسل سيارته
لما وصل محمد
محمد : سلام عليكم
الشباب : عليكم السلام
طلال : حشه كل هذا نوم
محمد : شسوي اجي من الدوام تعبان ورقد وشوي هاليومين بعد مضايق .
طلال : عسى ما شر
محمد : الشر ما يجيك انشاء الله ، بس اشوي ارهاق .
طلال : الا اقول يوم الخميس العصر ما جيت ... ليش ؟
محمد : لا بس كان عندنا ضيوف
طلال وهو ياخذ محمد شوي على جنب : ايه .. انا كنت مار يم بيتكم وشفت بنت طالعه كانت تبجي بس لكن ألمني قلبي عليها لدرجه كنت ابي اروح اسألها .. وش مسوين فيها ؟
محمد اللي ما عرف شيقول : ما ادري هذي صديقة اختي ، بس احمد ربك انك ما قربت يمها .
طلال : لييييش ؟
محمد : هذي مره تحرش فيها واحد يم مدرستهم قامت كسرت دريشه سيارته .
طلال : فديتج يا بنت خالتي .
محمد ( بتعجب ) : شنوووووووو ؟
طلال : هذي بنت خالتي تراها متوعدة فيك ، على فكره تراها محجوزه الى ولد عمها .
محمد : اختي ما قالت لي انها محجوزه لا تجذب علي تري لو هي محجوزه قلبي يروح فيها .
طلال : كل هذا حب ، كنت امزح معاك
محمد : وكثر تدري اني ما اتمنى شيء كثر ما اتمنى انها تسمح لي اني اعبر عن مشاعري اتجاهها وبس

طلال حس بقهر من الكلام اللي يقوله محمد كان يبي يصرخ في وجه خلاص كافي ، لانه طلال ما كان يبي احد ياخذ سارة منه
لانه يحبها وراح يتم طول حياته يحبها
بس ما كان له حق يقول شيء لانه هو اختار حياته وما يبي يعذب ساره معاه لانه مستحيل انهم يجتمعون بعد ما قال ابوها كلامه اللي كان محير طلال
ابو سارة عمره ما همته لفلوس ، في شيء اكبر اهو ما يعرفه بس ما حب يتكلم لانه ماله دخل

تذكرون يوم المجمع تدرون ليش طلال قال الى الولد هذي زوجتي
مع ان كان بأمكانه ان يقول اختي ... بنت خالتي ... الخ
بس هو كان يتمنى ان يقول هالكلمه

طلال : خفف عليك يا خوي وثقل
محمد : تكفى طلال قول لها تسامحني على البارحه تراها بعد زودتها شوي وياي ، انا متصل اقول الحين اكيد بترحب فيني تسوي فيني جذي
طلال : شرايك نغير الموضوع
محمد : اصلا انا بروح البيت تعبان
طلال : آه من الحب وبلاويه ، روح بيتكم احسن لك .
واذا لك نصيب في سارة راح تاخذها
محمد : يلا مع السلامه
طلال : مع السلامه
جاسم ( واحد من الشباب ) : وين رايح تو الناس
يكلم طلال : انت شنو عندك قمت تتكلم معاه على جنب والرجال ما قعد معانا وراح .
طلال : لا ولاشيء بس هو تعبان شوي .

لما قرب وقت الاذان ركب طلال فوق
واول ما دخل
سارة : ها شصار ؟
طلال : انتي وايد ملقوفه
سارة : فيني حره عليه ثقيل الدم
طلال : حرام عليج ترى الرجال طلع عن جد احبج .
سارة : المطلوب مني ؟
طلال : على راحتج بس اهو يبيج تفهمين انه احبج وعلى راحتج بتحبينه او لا
سارة : آنه اقول عندي اخو اشد فيه الظهر تقوم توقف معاه .
طلال : انا رحت ابي احرق دمه لكن ما هان علي الصراحه
سارة : يعني آنه اللي اهون عليك
طلال : مب قصدي بس شكله يكسر الخاطر ، الا بقول شنو سالفة الى كسرتي دريشه سيارته
سارة : من قال لك
طلال : محمد
سارة : اصلا من قال الى محمد
طلال : انتي بتقولين او لا
سارة : لا ولا شيء تدري ان ابوي يتأخر علي شوي لما يكمل شغله واخو دانه بشار بعد يتأخر عليها فكل يوم بعد الدوام نروح نشتري من البقاله اللي يم المدرسه ، في يوم واحد قام يتحرش فينا ولا حقنا ما عطيته اي اهتمام في اليوم الثاني كرر مثل الحركات وهم ما عطيته اي اعتبار في اليوم الثالث بعد كرر الحركات قلت له بتروح ولا بشوف شغلك ما صدقني
فقمت اخذت حجرة من الارض ورميتها عليه فصادت الدريشه ونكسرت
ومن يومها ما قمت اشوفه يم المدرسه .
طلال : حرام عليج زين ما قالج تدفعين فلوس الدريشه
سارة : لانه يدري انه غلطان والله لوم مب غلطان تكلم لكن الحق وياي .

الا بصوت الاذان
الله اكبر ........... الله اكبر
راحت سارة وخلود يصلون وطلال طلع راح المسجد وبعدها مر ابو سارة عليها لانها راح تروح المستشفى الى يدها .

في بيت ابو بشار وبالتحديد في غرفة محمد اللي كان متضايق حيل من سالفة الحب اللي طلع له بها قلبه
الا باب الغرفه يندق
محمد : من ؟
بشار : ابو رائد
محمد : تفضل
بشار : انت الى الحين ما تجهزت بعد اشوي بجون اهل بدر
محمد من غير نفس : الحين بقوم اجهز
بشار : وش فيك يا خوي ، لا تقول لانه اسماء راح تتزوج لانه زين وافقت وراح اطمأن عليها
محمد : لا ما فيني شيء وبالعكس آنه فرحان وايد الى اسماء ، كفايه ضيعت عمرها زهي مجابلتنا

وتدخل مريم زوجة بشار
مريم : محمد الى الحين ما جهزت الحين بجون اهل بدر
محمد : انتي بعد مثل رجلج بس مقيوله من عاشر قوما اربعين يوما اصبح منهم ، ليكون على بالكم اني آنه العروس ، وش فيكم ؟
مريم : حشى ما يسوى علي وتعال انت شنو فيه زوجي بعد شيخ الرجاجيل وما تلقى احد مثله .
بشار : حبيبتي زوجتي
محمد : لو سمحتوا ، ماني فاضي لكم يلا طلعوا ابي اتجهز
مريم : انا بروح الى اسماء اشوفها جهزت

في غرفة اسماء
كانت ماسكه صورة امها وتبجي "كنت اتمناج معا في هاليوم لكن يمه سامحيني لاني بترك اخواني ودري اني مقصره بس مريم ما راح تخليهم محتاجين شيء .

تدخل مريم من غير ما تدق الباب
اسماء وهي تمسح دموعها : يدج تألمج اذا تدقين الباب ؟
مريم : لا بس حبيت اشوفج شسوين ، على بالي انج ترقصين من الوناسه بس للأسف شفت العكس
اسماء ( بحزن ) : مريم اذا تم كل شيء على خير ديري بالج على اخواني
مريم : ولا يهمج ، بسوي الى كل واحد حليب وراح اشربه وبعدين اوديهم الحمام واغيرلهم وبعدها ارقدهم بعد في شيء.
اسماء : ونتي دائما تاخذين المسائل مزح
مريم : ليش هالكثر متضايقه ، اخوانج كبار وكل واحد يقدر يهتم بنفسه ، آنه رائد عمره 6 سنوات ومعتمد على نفسه ويساعد بعد نور اللي عمرها 3 سنوات .
اسماء : انزين خلاص ..... الخدامه جهزت كل شيء ؟
مريم : يه

وتدخل دانه عليهم من غير ما تدق الباب بعد
اسماء : ما بقولج شيء لانه ابوي يوم بنى البيت نسى يحط لي باب
دانه: آنه شسويت ، دخلت غرفة اختي حبيبتي
مريم : ما بتحطي لج ميك آب شوي ؟
اسماء : لا ابيهم يشوفوني على طبيعتي
دانه : حتى كحل
اسماء : ولا شيء
في هالوقت وصلت خالتهم ... وبعدها بشوي وصلت عمتهم
ما مضى وقت الا وصلوا اهل بدر
دخلت الخدامه الحريم الصاله والرجال دخلوا مع بشار وابوه ومحمد المجلس .

البقيه في الجزء السادس
ما راح اطول .

عجييييييييييييبه عجييييييييييييييييييييييييييييييبه

كووووووول كيوووت

قصه حلوووه مرة عجييبه

تسلمي

الله يعطيج العافيه

تسلمين خيووو وانت الكووول
او لكيوووت

السلام عليكم ورحمة الله وبركاته

قصة وااايد وااايد روعة
ننتظر الاجزاء البقيه

اختكم في الله
كاتمة الحزن

مشكووورة خيوو ننطر الاجزاااء البااقية

موضوع: رد: سارة وطلال الجمعة أغسطس 17, 2007 8:01 am

دخلت اسماء او معاها اختها او مرة اخوها الصالة لللحريم الكل اعجب في اسماء واستغربوا انها ضالة على طبيعتها من غير ميك اب

الميلس عند الرياييل دردشوا اشوي او بعدين اتكلموا في موضوع العرس والملجة او حددوا كل شي والحريم مثلهم بعد او ام بدر قعدت يمها اسماء او دردشت معاها او حست براحة كبيرة لها

او قرروا ان يوم السبت الملجة او بعد شهر او نص العرس عشان يمديها اتجهز روحها او بالمرة اتكون فترة تعارف من ما بينهم

او بعد ما طلعوا اهل المعرس الي اهو بدر الكل بارك لها تالي بعد ما طلع اهلها اخوانها سلموا عليها او هم باركوا لها بس دانة يوم لمتها ما قدرت تتمالك نفسها او تمت اتصيييح والكل اهديها او اسماء هم صاحت معاها

في بيت سارة ظلت اتفكر في هاي الشي الي اسمه محمد صج اهو احبها هالكثر او بس يلعب لكن يوم اتذكرت كلام طلال اتاكدت انه احبها

اشوي او اهي سرحانة اتفكر التلفون بس ما انتبهت له الا في الاخير او عرفت ان المتصل دانة رفيجتها

دانة : اشفيج راقدة

سارة : مب راقدة سرحانة شوي

دانة: في من ليكون حبيب القلب المهم الي ماخذ عقلج يتهنا بو

سارة :عن الكلام الفاضي لاحبيب قلب ولا بطيخ المهم قولي لي اشعندج متصلة

دانة: حرااام اتصل والله ممنوع

سارة : لا حرام ولا ممنوع بس مستغربة انج متصله هل الوقت

دانة: انا متصلة اسلم عليج او اقول لج ان ملجة اختي اسماء السبت اسبوع الياي والعرس بعد شهر او بس

سارة: صج اسماء انخطبت

دانة: أي صج عيل اجذب انا

سارة : مبروووك الف مبرووك منه المال او منها لعيال اوكي دانة عمري الحين بسكر لان امي اتناديني يالله باي

دانة : ما تبين تسمعين شي رسالة من شخص

سارة : بلا ابي اسمع

دانة : في واحد اقووول روحي لامج تالي اتعصب عليج

سارة: دانو لا تقعدين تلعبين بعصابي

دانة: في واحد اسمه محمد اقول لج سوري او تراه احبج وااايد

سارة : خبر سخيف يا ريت ما سمعته او قولي له ينسى اني احبه

دانة: من شوي بتموت تبي تسم الخبر والحين

سارة : اوكي باااي

دانة: بايات تصبحين على خير

سارة سكرت التلفون او راحت الى امها

شنو تتوقعون تبي منها امها

البقية في الجز السابع

دمتم بود

موضوع: رد: سارة وطلال الجمعة أغسطس 17, 2007 10:15 am

السلام عليكم ورحمة الله وبركاته

هذا الجزء وااايد قصيييير
الأجزاء الباقيه طوليهم خيتي

وننتظر الاجزاء الباقية

اختكم في الله
كاتمة الحزن

موضوع: رد: سارة وطلال الإثنين أغسطس 20, 2007 4:57 am

اي و الله قصيرر واااي

يالله ننتظر الاجزاااء البااقية

تصدقين الكمبيووتر اخترب و انا احااتي قصتج قلت الحين ثلاثة اجزاااء نزلتهم

اخرتها بس جزء

ههههههههههههههه

يالله عاد يا الخاايبة كمليهم

خخخخخخخخخخخخخخخخ

تحيااتي

نزلت سارة الى امها وقالت لها: هلا يمه تبين شي

الام: اي يمة ابوج قال بنروح السعودية بنزور عمج اسبوع الياي

سارة : لا يمه خليه الى الاسبوع الي بعده

الام: ليش يمه؟

سارة : لان الاسبوع الياي ملجة اسماء اخت دانو رفيجتي

الام: اوكي صار

صعدت سارة غرفتها او طلعت لها بجامة نوم او لبستها اوحطت راسها عشان ترقد ما سمعت الا مسج يايها

ياترى من مــــــــــــــين هالمسج؟؟؟؟

سارة اف قلبها:( من هالمتفرغ الي داز لي مسج هالوقت)

فتحت الرسالة

افسحي لي مجالا للبوح.........

ولا تتجاهلي جنوني........

ولا تحاسبيني على جرأة كلماتي......

دعيني اعبر بلا قيود.... بلا حدود.....

دعيني اشرح بعض من بعض حالاتي.......

دعيني اقول ( أحبك ) بلا خجل....

دعيني اصرخها وان كانت بلا امل.....

دعيني اهذيها ....

دعيني ابكيها.....

ولك أن تصدقيها.... ولك أن تنفيها...

دعيني أطلقها...

ما عدت أقوى أن أكتم أكثر... ما عدت أقوى أن أداريها...

العاشق محمد... ( صار ابن الملوح الإخ ) ههههههههههههه

سارة او هي مو متوقعة شنو قاعد اصير او كأن مصايب الدنيا طاحت فوق راسها

سارة اف قلبها وهي متوعدة له انا اوريه ثقيل الدم كفاية طير النوم من عيني

سارة قعدت اتفكر

وصلها مسج

تصبحين على خير يا أغلى و أرق سارة بالكون

سارة :الاخ فرحان لكن انا اوريه و سكرت تلفونها خير شر

بيت ابو بشار.........

بالتحديد في غرفة محمد

انا اليوم فرحان وحبيبتي مخربة علي فرحتي ما تفيسنا

انا باجر وراي دوام انام ابرك علي من اني افكر فيها وهي ولا تعبرني

الصبح ....الساعة 11

قعدت سارة من لرقاد

سبحت او غيرت ملابسها او نزلت تحت

شافت ابوها وامها قاعدين مع بعض في الصالة

راحت باست امها وابوها او صبحت عليهم

الابو: الله يهداج يبنيتي احد يقعد هالوقت

سارة: يبه ما علي مدرسة اقعد شسوي

الابو: قعدي ساعدي امج

سارة: انشالله يبة اتامر بشي

الابو: اسبوع الي بعدهه بنروح انزور عمج مب اماجلينه

سارة: اوكي يبه صاار

يلسوا ادردشون مع بعض او يضحكون

سارة: يلا اخليكم

الام: بلاج يمه توج نازلة من دارج

سارة: لا يمه ماكو شي بروح ادق على دانووو رفيجتي

الام و الابو : الله معاج
سارة : شافت تلفونها مغلق اتذكرت امس او قعد تضحك على حالها

فتحت تلفونها

دقت على دانة

دانة: هلا والله

سارة : هلا فيج

دانة: خير صاير شي

سارة: لا ..........بس

دانة: اشفيج اتكلمي قولي

سارة: اقول لج او من غير زعل ؟

دانة: اكيد مافي زعل

سارة : الصراحة اخوج محمد مأذيني وااايد

دانة: محـــــــــــــــــــــمــــد

سارة: اي محمد ادز لي مسجات او ذيج المرة اتصل لي بنص الليل (اتفقوا على خطة )

دانة: اوكي صار اليوم الساعة خمس

سارة : اوكي لا تنسين اتقولين له اني بيبي

دانة : اوكي باااااااي

سارة بااايات

تسلمين خيوو
يالله كملي كملي
جاني فضووول وش هالخطة

السلام عليكم ورحمة الله وبركاته

يالله خيتي ننتظر الاجزاء الباقيه
مب تبطين علينه

اختكم في الله
كاتمة الحزن

راح احاول اكملها

بس من غير نفس

والله فيكم الخير لين اتكملونها

هههههههههههههههههههههههه

انشالله ما اطول عليكم