إنسان شايف روحه

بسم الله الرحمن الرحيم

كيف تتعامل مع صديق بالعامية (( شايف روحه )) و أن تعرف أنه على قد حالة ؟
مو شرط صديق له .. ما أحب أتقرب من شخص جذي .. يثير غضبي الصراحة .. بس ما أحب أجرح أياً كان .. فأفضل السكوت و الإستماع
لكن لست أقصد الغرور .. بل محاول احتلال المرتبة الأولى و الاستحواذ على المنصة
ممكن يكون هذا الشيء نتيجة ملل و فراغ و عدم اهتمام الآخرين ليه .. مثل الأسر .. الكثير من الأسر تهتم بفئة معينة دون أخرى .. فهذا الإنسان يحاول يلفت انتباههم .. في الأفعال المثيرة سواءاً أكانت إيجابية او سلببية .. لكن شلون أتصرف مع هذا الشخص .. بصراحة شغلة عويصة

بصراحة أنا بقول لكم فكرة
يعني ليي صلة قوية بأحد البنات إلي من هذا النوع و أنا أحس أن هذا يرجع لمرض نفسي لأنها دائماً تحاول تبرز نفسها من لا شيء و هذا شيء احنا نعرفه بس أهيا ما أتحس على روحها كمثال إذا تكلمنا على الماركات دائماً أتقول أنها تلبس ماركات على الرغم من أن عائلتها (( عائلة تعيش على قد حالها ))
مو شرط من الكلام .. في ناس من فعل .. في ناس يثيرون الغضب و ناس يكسرون الخاطر .. مو شرط مرض نفسي بإعتقادي أن الناس اللي يحاولون يبرزون نفسهم من شيء تافه .. يعني مو ضروري انش تقولوين احنا عندنا و عندنا .. ناس ما عندها سالفة .. و لكن في ناس يكونون وحيدين .. صارت وياي وحدة جذي .. مسكرة على نفسها كل أبواب التعارف .. لدرجة أنها ما تطالع و لا أحد .. حتى السبورة ما تطالعها .. كان اللي حولها قاسين .. شلون نتعامل مع هذا النموذج الي يمكن يبي الآخرين يجوفونه .. يحسون فيه .. أهو أن نتقرب منهم .. و نحس فيهم .. و نفهمهم و ننصحهم و نكون ليهم أصحاب .. أفتح قلبك له
فأيها الأعضاء الكرام ما رأيكم بشخص من هذا النوع ؟؟؟؟
اللي يفتخر بروحه علشان يبرز نفسه .. يبط جبدي الصراحة .. لكن اللي يبي يبرز نفسه نتيجة ظروف معينة .. يبي المجتمع اللي حوله يفهمه .. هذي مسألة ثانية تصير

و كيف تتعامل معه ؟؟
اللي يفتخر بروحه علشان يبرز نفسه , خله ينفخ روحه مثل ما يبي
لكن اللي يبي يبرز نفسه نتيجة ظروف معينة , أتقرب له

هل تبقى دائماً تجامله و تسايره على رأيه و تجعله يتمادى (( خاصة )) إذا كان هذا الشيء يثير غضبك ؟؟ أو أنك (( تقط نغزات عليه ))
مدري الصراحة
و هل تعتقد أنه مرض نفسي ؟؟
لا ما أعتقد
و هل صادفتك في حياتك شخص من هذا النوع (( فهل تحكي لنا حكايته )) مع جزيل الشكر
لا

فأيها الأعضاء الكرام ما رأيكم بشخص من هذا النوع ؟؟؟؟
و كيف تتعامل معه ؟؟

راي بالأنساان الي شاايف روحه ممكن اتقرب منه واعدل من اسلوبه شوي فاذا ماعدله في امان الله
هل تبقى دائماً تجامله و تسايره على رأيه و تجعله يتمادى (( خاصة )) إذا كان هذا الشيء يثير غضبك ؟؟ أو أنك (( تقط نغزات عليه ))

انا من الناس الي ماأحط بقلبي واايد واذا قالي شي ظايجني ليش ماتحجه له فلسااني حصاني
و هل تعتقد أنه مرض نفسي ؟؟
لا اعتقد انه مرض نفسي وأنما بتربي تتولد هذه الصفاات والمدرسه ايضا له دور




شكرا كاتمه ع الأسئه